ملک کے دیہی علاقوں میں ہر کسان گھرانے کی اوسط ماہانہ آمدنی اور بقایا قرض کی رقم کا تخمینہ وقتاً فوقتاً قومی شماریاتی دفتر (این ایس او)، وزارت شماریات اور پروگرام عمل درآمد (ایم او ایس پی آئی) کے ذریعے کرائے جانے والے ‘کسان گھرانوں کی صورتحال کا جائزہ لینے والے سروے (ایس اے ایس )’کے ذریعے لگایا جاتا ہے۔

ملک کے دیہی علاقوں میں این ایس ایس سروے کے حالیہ 77 ویں دور کے مطابق (جنوری 2019 - دسمبر 2019)، زرعی سال جولائی 2018-جون 2019 کے دوران مختلف ذرائع بشمول زراعت سے ہر کسان گھرانے کی اوسط ماہانہ آمدنی ضمیمہ- I میں دی گئی ہے اور فارم اسٹینڈ کی مدت کے دوران ہر کسان کے گھر کی اوسط رقم دی گئی ہے۔ ضمیمہ-II چونکہ آخری سروے 2019 میں کیا گیا تھا، اس لیے  گزشتہ پانچ برسوں میں ہر کسان گھرانے کی اوسط ماہانہ آمدنی اور بقایا قرض کی رقم کے بارے میں معلومات دستیاب نہیں ہیں۔

زراعت ریاست کا موضوع ہے، اس لیے ریاستی حکومتیں اپنی ریاستوں میں زراعت کی ترقی اور کسانوں کی فلاح و بہبود کے لیے مناسب اقدامات کرتی ہیں۔ تاہم، حکومت ہند کسانوں کی فلاح و بہبود کو بڑھانے اور کھیتی کو زیادہ منافع بخش بنانے کے لیے پرعزم ہے۔ حکومت ہند مناسب پالیسی اقدامات، اصلاحات، ترقیاتی پروگرام، بجٹ سپورٹ، ایم ایس پی کے ذریعے قیمت کی حمایت اور وقتاً فوقتاً مختلف اسکیموں/پروگراموں کے ذریعے ریاستوں کی کوششوں کی تکمیل کرتی ہے۔ کسانوں کی فلاح و بہبود اور ملک بھر میں ان کی آمدنی کو بڑھانے کے لیے، محکمہ زراعت اور کسانوں کی بہبود (ڈی اے اینڈ ایف ڈبلیو) کئی مرکزی سیکٹر اور مرکزی طور پر اسپانسر شدہ اسکیمیں نافذ کر رہا ہے، جیسا کہ ضمیمہ- III میں تفصیل سے بتایا گیا ہے۔

جیسا کہ ریزرو بینک آف انڈیا(آر بی آئی) کی طرف سے اطلاع دی گئی ہے،  گزشتہ پانچ  برسوںں کے دوران شیڈول کمرشل بینکوں(ایس سی بی ایس)‘‘زرعی اور متعلقہ سرگرمیاں - ایڈوانس بقایا’’کی تفصیلات درج ذیل ہیں:

حکومت نے دیہی گھرانوں کے درمیان ادارہ جاتی قرض کو فروغ دینے کے لیے کئی اقدامات کیے ہیں، جن میں بینکوں کے لیے سالانہ نچلی سطح پر زرعی قرضے کے اہداف کا تعین، بینکوں کے لیے ترجیحی شعبے کے قرضے کے اہداف اور کسان کریڈٹ کارڈز (کے سی سی)/موڈیفائیڈ انٹرسٹ سبسڈی اسکیم (ایم آئی ایس ایس) کے ذریعے سستی قرض تک رسائی شامل ہے۔

اس کے علاوہ، حکومت نے کسانوں کو مالی طور پر مضبوط کرنے کے لیے طویل المدتی اقدامات کو نافذ کیا ہے۔ ان کوششوں میں ڈائریکٹ کیش بینیفٹ اسکیم (پی ایم کسان)، فصل بیمہ (پی ایم ایف بی وائی)، سبسڈی اور گرانٹ پر مبنی پروگرام (کرشنتی یوجنا، آر کے وی وائی) وغیرہ شامل ہیں۔

طویل مدت میں قرض تک رسائی کو بہتر بنانے کے لیے حکومت ہندوستان کی مختلف ریاستوں اور مرکز کے زیر انتظام علاقوں میں 100 فیصد مرکزی فنڈ سے چلنے والی مرکزی سیکٹر اسکیم، جسے موڈیفائیڈ انٹرسٹ سبسڈی اسکیم (ایم ایس ایس) کے نام سے جانا جاتا ہے، نافذ کر رہی ہے۔ اس اسکیم کا مقصد کسانوں کو ان کی ورکنگ سرمایہ کی ضروریات کے لیے کسان کریڈٹ کارڈز (کے سی سیز) کے ذریعے حاصل کیے گئے قلیل مدتی زرعی قرضوں پر رعایتی شرح سود فراہم کرنا ہے۔ ایم آئی آئی ایس-کے سی سی اسکیم نے کسانوں کی آپریشنل ضروریات کو پورا کرنے کے لیے آسان اور سستی قرض تک رسائی میں نمایاں اضافہ کیا ہے۔

اس اسکیم کے تحت کسانوں کو 7 فیصد کی رعایتی شرح سود پرکے سی سی قرض ملتا ہے۔ اس کی سہولت کے لیے، مالیاتی ادارے 1.5 فیصد کی ابتدائی سود کی امداد (آئی ایس) فراہم کرتے ہیں۔ مزید برآں، وہ کسان جو اپنے قرضوں کو وقت پر ادا کرتے ہیں، انہیں 3 فیصد فوری ادائیگی کی ترغیب (پی آر آئی) ملتی ہے، جو مؤثر طریقے سے شرح سود کو 4 فیصد سالانہ تک کم کرتی ہے۔

یہ معلومات زراعت اور کسانوں کی بہبود کے وزیر مملکت جناب بھاگیرتھ چودھری نے آج  ایوان زیریں -لوک سبھا میں ایک تحریری جواب میں فراہم کی۔

******

ش ح-ظ الف-ن م

UR No.3733

 

(ریلیز آئی ڈی: 2237994) وزیٹر کاؤنٹر : 5