وزارتِ پنچایتی راج تجدید شدہ راشٹریہ گرام سوراج ابھیان (آر جی ایس اے) کو مرکزی اسپانسر شدہ اسکیم کے طور پر مالی سال 2022-23 سے نافذ کر رہی ہے۔ اس اسکیم کا بنیادی مقصد منتخب نمائندوں (ای آر) اور پنچایتوں کے دیگر اسٹیک ہولڈرز کو تربیت فراہم کرکے پنچایتی راج اداروں (پی آر ) کی صلاحیت سازی کرنا، انہیں قائدانہ کرداروں کے لیے بہتر حکمرانی کی صلاحیتوں سے آراستہ کرنا اور پنچایتوں کو مؤثر طریقے سے کام کرنے کے قابل بنانا ہے۔تربیتی اقدامات کے علاوہ، آر جی ایس اے کے تحت وزارت صلاحیت سازی اور تربیت کے لیے ادارہ جاتی میکانزم کے قیام میں معاونت فراہم کرتی ہے۔ اس کے ساتھ ہی محدود پیمانے پر ریاستوں اور مرکز کے زیرِ انتظام علاقوں کی کوششوں کو تقویت دینے کے لیے بنیادی ڈھانچے کی ترقی میں بھی مدد فراہم کی جاتی ہے۔ اس میں گرام پنچایت بھونوں کی تعمیر، کمپیوٹر کی خریداری، گرام پنچایت بھونوں میں مشترکہ سروس سینٹرز (سی ایس سی) کا قیام، پنچایت لرننگ سینٹرز (پی ایل سی) کی ترقی وغیرہ شامل ہیں۔

کامیابی کی کہانیوں یا بہترین طریقوں کی حامل وہ گرام پنچایتیں، جنہوں نے مقامی پائیدار ترقیاتی اہداف کے لیے شناخت شدہ موضوعات میں پہلے ہی مثالی کارکردگی کا مظاہرہ کیا ہے، انہیں پنچایت لرننگ سینٹرز (پی ایل سی) کے طور پر تیار کیا جاتا ہے۔ پی ایل سی میں بنیادی ڈھانچہ اس طرح تیار کیا جاتا ہے کہ نمائش کے دوروں کو آسان بنایا جا سکے، جہاں ان کے اقدامات کو پیش کیا جا سکے اور ڈیجیٹل لائبریریوں کے قیام کے ذریعے منتخب نمائندوں کی صلاحیت سازی اور ان کے علم میں اضافہ کیا جا سکے۔

وزارتِ پنچایتی راج نے اصلاح شدہ راشٹریہ گرام سوراج ابھیان (آر جی ایس اے)کے تحت ایک فریم ورک تیار کیا ہے، جس کے مطابق بہتر کارکردگی کا مظاہرہ کرنے والی منتخب گرام پنچایتوں میں پنچایت لرننگ سینٹرز (پی ایل سی)کو صلاحیت سازی اور ہم مرتبہ سیکھنے (پیئرلرننگ)کے لیے وکندریقرت تربیتی اور وسائل کے مراکز کے طور پر قائم کیا جاتا ہے۔ یہ فریم ورک بیکن پنچایتوں کی شناخت اور محدود پیمانے پر آر جی ایس اے کے تحت حمایت یافتہ موجودہ پنچایتی بنیادی ڈھانچے اور آئی سی ٹی سہولیات کے استعمال کی بھی اجازت دیتا ہے۔

پی ایل سی نمائش کے دوروں، عملی مظاہروں، بہترین طریقوں کی دستاویز بندی، سیکھنے کے مواد کی تیاری، اور منظم تربیتی ماڈیولز کے ذریعے تجرباتی اور ای-لرننگ کو فروغ دیتے ہیں۔ ان ماڈیولز میں پنچایت گورننس کے عمل، گرام پنچایت ڈیولپمنٹ پلان (جی پی ڈی پی)کی تیاری، شراکت دار منصوبہ بندی، قیادت اور مقامی ترقیاتی اقدامات جیسے موضوعات شامل ہوتے ہیں۔ یہ مراکز مقامی علمی مراکز کے طور پر کام کرتے ہیں اور منتخب نمائندوں و عہدیداروں کو عملی تربیت اور اچھی حکمرانی کے طریقوں کے تبادلے کے ذریعے سیکھنے کے مواقع فراہم کرتے ہیں۔

آر جی ایس اے کے تحت منصوبہ بندی، مالیاتی انتظام، اکاؤنٹنگ، شفافیت، عوامی خدمات کی فراہمی اور اچھی حکمرانی کے طریقوں سے متعلق منتخب نمائندوں، پنچایت کے عہدیداروں اور دیگر اسٹیک ہولڈرز کی صلاحیت سازی اور تربیت کے لیے معاونت فراہم کی جاتی ہے۔ تاہم تربیت کے ساتھ ساتھ تربیتی مقام کے لیے معاونت ریاستوں کی جانب سے پیش کردہ تجاویز کی بنیاد پر فراہم کی جاتی ہے، جس کی منظوری مرکزی سطح پر مرکزی بااختیار کمیٹی کے ذریعے دی جاتی ہے۔

تجدید شدہ آر جی ایس اے کے تحت اب تک 1,152 گرام پنچایتوں کو پنچایت لرننگ سینٹرز (پی ایل سی) کے طور پر تیار کیا جا چکا ہے۔ پی ایل سی کے طور پر تیار کی گئی گرام پنچایتوں کی ریاست کے لحاظ سے تعداد ضمیمہ میں درج ہے، جبکہ ضلع کے لحاظ سے اعداد و شمار مرکزی سطح پر محفوظ نہیں رکھے جاتے۔

ضمیمہ

 

تجدید شدہ آر جی ایس اے کے تحت پی ایل سی کے طور پر تیار کی گئی گرام پنچایتوں کی ریاستوں/مرکز کے زیرِ انتظام علاقوں کے لحاظ سے تعداد (28.02.2026 تک)

 

یہ معلومات مرکزی وزیر جناب راجیو رنجن سنگھ عرف لالن سنگھ نے 10 مارچ 2026 کو لوک سبھا میں ایک تحریری جواب میں فراہم کیں۔   

***

UR-3691

(ش ح۔اس ک  )

(ریلیز آئی ڈی: 2237848) وزیٹر کاؤنٹر : 6