مربوط آر سی ایس ڈیجیٹل پورٹل کو عزت مآب وزیر داخلہ و امدادی باہمی کے ہاتھوں لانچ کیا گیا ہے اور یہ 06 مارچ 2026 سے باضابطہ طور پر فعال (لائیو) ہو چکا ہے۔ نیشنل کوآپریٹو ڈیٹا بیس (این سی ڈی) کے ساتھ انضمام کے لیے اے پی آئی کی تیاری کا عمل فی الحال جاری ہے۔ ریاست کی تمام کوآپریٹو سوسائٹیوں کو این سی ڈی پورٹل پر شامل کر لیا گیا ہے۔ ضلع وار تفصیلات ضمیمہ-1 میں دی گئی ہیں۔

زیادہ تر ریاستوں اور مرکز کے زیر انتظام علاقوں میں اس پروجیکٹ پر عمل درآمد ابھی جاری ہے۔ چند ریاستوں اور مرکز کے زیر انتظام علاقوں نے حال ہی میں یہ پروجیکٹ مکمل کیا ہے، اس لیے آر سی ایس دفاتر کے کام کاج میں قابلِ پیمائش بہتری کا حتمی اندازہ لگانا فی الحال قبل از وقت ہوگا۔

مرکزی سرپرستی میں چلنے والے پروجیکٹ “آئی ٹی کے ذریعے کوآپریٹو کو مضبوط بنانا (حکومت ہند کا حصہ)” کے تحت ذیلی پروجیکٹ “ریاستوں/مرکز کے زیر انتظام علاقوں کے آر سی ایس دفاتر کی کمپیوٹرائزیشن” کے لیے ریاست اوڈیشہ کو مجموعی طور پر تقریباً 2.20 کروڑ روپے مختص کیے گئے ہیں۔ اس میں سے اب تک تقریباً 1.49 کروڑ روپے ریاست کو جاری کیے جا چکے ہیں۔ اس پروجیکٹ کے تحت ریاست نے سافٹ ویئر کی تیاری سمیت مختلف سرگرمیوں کے لیے تقریباً 0.61 کروڑ روپے خرچ کیے ہیں۔

پرائمری ایگریکلچرل کریڈٹ سوسائٹیز (پی اے سی ایس) کی کمپیوٹرائزیشن کے منصوبے کے تحت ریاست اوڈیشہ کے لیے تقریباً 36.14 کروڑ روپے مختص کیے گئے ہیں، جن میں سے اب تک تقریباً 18.07 کروڑ روپے جاری کیے جا چکے ہیں۔ ریاست نے اس منصوبے کے تحت فراہم کردہ فنڈز کو مکمل طور پر استعمال کر لیا ہے۔

ریاست اوڈیشہ فی الحال ایگریکلچر اینڈ رورل ڈیولپمنٹ بینک (اے آر ڈی بی) کمپیوٹرائزیشن پروجیکٹ کا حصہ نہیں ہے۔

اے آئی سے چلنے والی حکمرانی کے ذریعے ضلع کندھمال میں پرائمری ایگریکلچرل کریڈٹ سوسائٹیز (پی اے سی ایس)، ڈیری اور قبائلی کوآپریٹوز کو مضبوط بنانے کے حوالے سے وزارت کے پاس فی الحال کوئی مخصوص تجویز زیر غور نہیں ہے۔ تاہم ریاستی حکومت سے موصولہ معلومات کے مطابق 2711 پی اے سی ایس/ایل اے ایم پی سی ایس (لارج ایریا ملٹی پرپز کوآپریٹو سوسائٹیز) کے عملے کو بنیادی کمپیوٹر خواندگی اور اے آئی کورس فراہم کرنے کے لیے او کے سی ایل (اوڈیشہ نالج کارپوریشن لمیٹڈ) کے ساتھ ایک مفاہمتی یادداشت (ایم او یو) پر دستخط کیے گئے ہیں۔ اس پروگرام میں کندھمال کے تمام 24 ایل اے ایم پی سی ایس کے عملے کو بھی شامل کیا گیا ہے۔

کوآپریٹو سوسائٹیوں کے لیے تربیت اور صلاحیت سازی کے پروگرام نیشنل کونسل فار کوآپریٹو ٹریننگ (این سی سی ٹی) کے ذریعے منعقد کیے جاتے ہیں، جو وزارت تعاون کے تحت ایک خود مختار ادارہ ہے۔ این سی سی ٹی کے پاس تربیت سے متعلق ضلعی سطح کا الگ ڈیٹا دستیاب نہیں ہے۔ تاہم یہ قابلِ ذکر ہے کہ 2021 میں وزارت تعاون کے قیام کے بعد سے 31 جنوری 2026 تک، انسٹی ٹیوٹ آف کوآپریٹو مینجمنٹ (آئی سی ایم)، بھونیشور — جو این سی سی ٹی کے تحت کام کرتا ہے — نے مختلف کوآپریٹو شعبوں میں 1049 صلاحیت سازی کے پروگرام منعقد کیے، جن میں 58,773 شرکاء کو تربیت فراہم کی گئی۔

ضمیمہ-1: این سی ڈی کے مطابق ضلع وار کوآپریٹو سوسائٹیوں کی تعداد

 

یہ معلومات مرکزی وزیر داخلہ اور امدادی باہمی  کے وزیر  جناب امت شاہ نے لوک سبھا میں ایک تحریری جواب میں دی۔

***

ش ح۔ ش ت۔ ج

Uno-3701

(ریلیز آئی ڈی: 2237817) وزیٹر کاؤنٹر : 8