حکومت نے زرعی شعبے میں ادارہ جاتی قرضوں کی دستیابی کو بڑھانے کے لیے کئی اقدامات کیے ہیں، خاص طور پر کم زرعی علاقوں میں۔ ان اقدامات میں بنیادی طور پر درج ذیل شامل ہیں:

حکومت ہر سال زراعت اور اس سے منسلک شعبوں کے لیے زمینی سطح پر قرضےکے اہداف مقرر کرتی ہے، جنہیں بینکوں کو مالی سال کے دوران حاصل کرنا چاہیے۔ یہ اہداف سیکٹر وار، ایجنسی وار (شیڈول کمرشل بینک، علاقائی دیہی بینک، اور دیہی کوآپریٹو بینک)، اور قرض کے زمرے کے لحاظ سے (فصل اور مدتی قرضے) مقرر کیے گئے ہیں۔ 2021-22 تک ڈیری، فشریز اور مویشی پروری جیسے شعبوں کو ٹارگٹڈ کریڈٹ سپورٹ فراہم کرنے کے لیے جی ایل سی  کے تحت متعلقہ سرگرمیوں کے لیے مخصوص اہداف مقرر کیے گئے ہیں۔

ریزرو بینک آف انڈیا کی طرف سے جاری کردہ موجودہ ترجیحی شعبے کے قرضے کے رہنما خطوط کے مطابق، کمرشل بینکوں، بشمول علاقائی دیہی بینک، چھوٹے مالیاتی بینک، مقامی ایریا بینک اور پرائمری (اربن) کوآپریٹو بینک تنخواہ دار ملازمین کے بینکوں کو چھوڑ کر، کو پابند کیا گیا ہے کہ وہ اپنے بینک کو کم از کم 8 فیصد کے حساب سے رقم مختص کریں۔ (اے این بی سی ) یا زرعی شعبے کے لیے کریڈٹ ایکوئیلنٹ آف بیلنس شیٹ ایکسپوزر جس میں چھوٹے اور پسماندہ کسانوں کے لیے 10 فیصد کا ذیلی ہدف مقرر کیا گیا ہے۔

مزید برآں، پی ایس ایل کے رہنما خطوط نسبتاً کم کریڈٹ فلو والے اضلاع کے لیے مراعات بھی قائم کرتے ہیں اور نسبتاً زیادہ ترجیحی شعبے کے قرضے والے اضلاع میں کم قرضہ فراہم کرنے کے لیے حوصلہ افزائی بھی کرتے ہیں، بشمول زراعت اور چھوٹے اور پسماندہ کسانوں کو قرض شامل ہیں ۔

کسان کریڈٹ کارڈ کسانوں کو زرعی سامان جیسے بیج، کھاد، اور کیڑے مار ادویات کی خریداری کے ساتھ ساتھ فصل کی پیداوار اور متعلقہ سرگرمیوں سے متعلق نقدی کی ضروریات کو پورا کرنے کے لیے بروقت اور سستی کریڈٹ فراہم کرتا ہے۔ 2019 سے، کے سی سی  اسکیم کو مویشیوں، ڈیری، اور ماہی پروری کے لیے ورکنگ سرمائے کی ضروریات کو پورا کرنے کے لیے بڑھایا گیا ہے۔

حکومت ہند کی موڈیفائیڈ انٹرسٹ سبوینشن اسکیم کے تحت کسانوں کو قلیل مدتی زرعی قرضے کسان کریڈٹ کارڈ  کے ذریعے 7 فیصد کی رعایتی شرح سود پر دستیاب کرائے جاتے ہیں۔ وہ کسان جو اپنے قرضوں کو وقت پر ادا کرتے ہیں، انہیں 3% اضافی مراعات ملتی ہیں، جس سے ان کی شرح سود صرف 4 رہ جاتی ہے۔

ریزرو بینک آف انڈیا نے گارنٹی سے پاک قلیل مدتی زرعی قرضوں کی حد بشمول متعلقہ سرگرمیوں کے قرضوں کی حد کو  1.60 لاکھ سے بڑھا کر  2.00 لاکھ فی قرض لینے والا، یکم جنوری 2025 سے بڑھا دیا ہے۔ اس اقدام سے قرض کی دستیابی میں اضافہ ہو گا، خاص طور پر چھوٹے اور پسماندہ کسانوں کے لیے، جو اس شعبے سے زیادہ فائدہ اٹھائیں گے (86 فیصد سے زیادہ قرضے لینے والے کسانوں کو)۔ لاگت اور ضمانت کی ضرورت کو ختم کرنا ہے ۔

حکومت دیہی بنیادی ڈھانچے کی تعمیر میں مدد کے لیے نابارڈ کے ذریعے دیہی انفراسٹرکچر ڈیولپمنٹ فنڈ کے تحت مختص کرتی ہے، اس طرح ملک کے دیہی علاقوں میں کریڈٹ کے مناسب استعمال کی صلاحیت پیدا ہوتی ہے۔

مرکزی بجٹ 2025-2026 میں اعلان کردہ تجویز کے مطابق حکومت نے پردھان منتری دھن دھنیا کرشی یوجنا کا آغاز کیا ہے۔ اس اسکیم کا ایک مقصد ان اضلاع میں طویل مدتی اور قلیل مدتی قرضوں کی مناسب دستیابی کو یقینی بنانا ہے جہاں زرعی قرضوں کی تقسیم کم ہے۔

حکومت نے بنیادی طور پر ملک کے دیہی اور پسماندہ علاقوں میں کام کرنے والے دیہی مالیاتی اداروں (دیہی کوآپریٹو بینکوں اور علاقائی دیہی بینکوں) کو مضبوط کرنے کے لیے نئی اور جدید ٹیکنالوجی کے استعمال جیسے مختلف اقدامات بھی کیے ہیں۔

مندرجہ بالا کے علاوہ، ریزرو بینک آف انڈیا کی لیڈ بینک اسکیم کے تحت، نابارڈ ہر ضلع کے لیے اس کے ترجیحی شعبے میں قرض دینے کی صلاحیت کا اندازہ لگانے کے لیے سالانہ ایک ممکنہ قرض دینے کا منصوبہ تیار کرتا ہے، جسے پھر ریاستی سطح پر جمع کیا جاتا ہے۔ ریاستی سطح کے متوقع قرض دینے کے منصوبے، ماضی کے رجحانات، حکومتی ترجیحات وغیرہ کی بنیاد پر، حکومت، نابارڈ کے ساتھ مشاورت سے، زرعی شعبے کے لیے زمینی سطح کے قرضے کے اہداف کا تعین کرتی ہے۔ مزید برآں، نابارڈ  مالیاتی اداروں جیسے کہ علاقائی دیہی بینکوں، کوآپریٹو بینکوں، کمرشل بینکوں، غیر قومی مالیاتی اداروں/مائیکروفنانس اداروں کو ان کے وسائل کو بڑھانے اور فصلوں اور کٹائی کے موسم کے دوران کسانوں کی قرض کی ضروریات کو پورا کرنے کے لیے مناسب لیکویڈیٹی فراہم کرنے کے لیے مالی مدد فراہم کرتا ہے۔

یہ اطلاع آج راجیہ سبھا میں وزارت خزانہ میں وزیر مملکت جناب پنکج چودھری نے دی۔

****

ش ح ۔ ال ۔ ع ر

UR-3677

(ریلیز آئی ڈی: 2237811) وزیٹر کاؤنٹر : 7