اقتصادی امور سے متعلق کابینہ کمیٹی  نے آج وزیر اعظم جناب نریندر مودی کی صدارت میں،  3839.42 کروڑ روپے کی مجموعی لاگت سے  قومی شاہراہ – 752 ڈی کے بدناور-پیٹلاوَد-تھاندلا-ٹیمروانی سیکشن سے چار لین کے گلیارے کی تعمیر کی منظوری دے دی ہے، جس کی طوالت 80.45 کلو میٹر کے بقدر ہے۔

منظورشدہ گلیارہ دہلی ممبئی ایکسپریس وے (ڈی ایم ای) پر اُجین سے ٹیمروانی انٹرچینج تک  کنکٹیوٹی فراہم کرے گا۔

مجوزہ چار لین پروجیکٹ گلیارے کا بنیادی مقصد سفری کارکردگی کو بہتر بنانا ہے اور اس سے سفر کے وقت میں تقریباً ایک گھنٹے کی کمی کی توقع ہے۔ 70.40 کلومیٹر طویل اجین-بدناور سیکشن کو پہلے ہی 2-لین سے 4-لین میں اپ گریڈ کیا جا چکا ہے۔ فوری بدناور-ٹیمروانی سیکشن موجودہ درمیانی پٹی ہے (5.5 میٹر)جس کی  جیومیٹری  ناقص ہے (رفتار 20 سے 50 کلومیٹر فی گھنٹہ)۔ اس سیکشن کو جدید بناکر دہلی ممبئی ایکسپریس وے (ڈی ایم ای) پر اُجین سے  ٹیمروانی انٹرچینج سے راست 4 لین کی کنکٹیوٹی مکمل ہو جائے گی اور اسپیڈ بڑھ کر 80 سے 100 کلو میٹر فی گھنٹے کے بقدر تک پہنچ جائے گی۔

ٹیمروانی -تھاندلا-پیٹلاوَد-بدناور-اُجین راہداری گجرات اور مہاراشٹر سے اجین تک ٹریفک کا مختصر ترین راستہ ہے۔ ٹیمروانی-بدناور سیکشن کی جدید کاری بین ریاستی رابطے کو مضبوط کرے گی اور ٹریفک کی موثر نقل و حرکت کو قابل بنائے گی اور اپریل-2028 میں سنہستھ  کمبھ میلے کے دوران ٹریفک میں اضافے کا بھی خیال رکھے گی۔

بدناور-پیٹلاوَد -تھاندلا-ٹیمروانی سیکشن دھار اور جھابوا اضلاع کے قبائلی علاقوں سے گزرتا ہے۔ دھار ضلع کے کچھ حصے نیتی آیوگ کے توقعاتی بلاکس پروگرام کے تحت آتے ہیں۔ سیکشن کی جدید کاری سے اُجین -بدناور-ٹیمروانی گلیارے سے دہلی-ممبئی ایکسپریس وے تک براہ راست اور تیز رسائی حاصل ہوگی۔ اس بہتر رابطے سے لاجسٹکس کے اخراجات کم ہوں گے، خام مال اور تیار سامان کی موثر نقل و حرکت میں سہولت ہوگی اور اندور، پیتھم پور، اجین اور دیواس میں واقع صنعتی مراکز /ایم ایم ایل پیز تک رسائی کو تقویت حاصل ہوگی۔

مجوزہ پروجیکٹ تیز رفتار کنیکٹیویٹی فراہم کرتا ہے جو بہتر حفاظت اور بلا تعطل ٹریفک کی نقل و حرکت، سفر کے وقت، بھیڑ اور آپریٹنگ اخراجات کو کم کرنے کے لیے ڈیزائن کیا گیا ہے۔ اہم بات یہ ہے کہ یہ منصوبہ ریاست مدھیہ پردیش کے دھار اور جھابوا اضلاع کی مجموعی اقتصادی ترقی میں تعاون کرتے ہوئے خطے میں بنیادی ڈھانچے کو آگے بڑھائے گا۔

پروجیکٹ کی خصوصیات مندرجہ ذیل ہیں:

ضمیمہ - I

**********

 (ش ح –ا ب ن)

U.No:3672