இந்தியா தனது பொருளாதார நிலைப்பாட்டை அடிப்படையாக மாற்றியமைத்து, டிஜிட்டல் மாற்றத்தை வணிக வளர்ச்சிக்கான முக்கிய இயக்கியாக உருவாக்கியுள்ளது. வணிகம் செய்வதை எளிதாக்கும் முயற்சியின் ஒரு பகுதியாக, அரசு பல்வேறு துறைகளில் விதிமுறைகளை எளிமைப்படுத்த, வெளிப்படைத்தன்மையை அதிகரிக்க, மற்றும் நிறுவன செயல்திறனை வலுப்படுத்த விரிவான சீர்திருத்தங்களையும் முயற்சிகளையும் மேற்கொண்டுள்ளது.

தடையற்ற வணிக பதிவு முறையிலிருந்து நேரடி கட்டண அமைப்புகள் வரை, இந்தியாவின் டிஜிட்டல் சூழல் நிறுவனங்கள் வணிகத்தின் முழு வாழ்க்கைச் சுழற்சியையும்—தொடக்கம் முதல் விரிவாக்கம் வரை—முன்னெப்போதும் இல்லாத வேகத்திலும் எளிமையிலும் மேற்கொள்ள உதவுகிறது. மத்திய மற்றும் மாநில மட்ட சீர்திருத்தங்களை ஒருங்கிணைந்த தளங்களின் மூலம் ஒருமைப்படுத்துவதன் மூலம், துறைகளுக்கு இடையே தரவு தடையின்றி பரிமாறும் உலகத் தரமான வாயிலாக இந்தியா திகழ்கிறது; இதனால் வணிகம் செய்வதற்கான நேரமும் செலவும் குறைகிறது.

இந்தச் சீர்திருத்தங்களின் தாக்கம், இந்தியாவிற்கு அதிகரித்து வரும் முதலீட்டு வருகைகளிலும் நிறுவனங்களின் விரிவாக்கத்திலும் தெளிவாகப் பிரதிபலிக்கிறது. நாடு தனது டிஜிட்டல் வர்த்தக மற்றும் சரக்குப் போக்குவரத்து அமைப்புகளை தொடர்ந்து வலுப்படுத்தி வருவதால், தொழில்களுக்கு பாதுகாப்பான, திறமையான மற்றும் மிகுந்த லாபகரமான இலக்காக தனது நிலையை மேலும் உறுதிப்படுத்துகிறது.

கடந்த ஐந்து ஆண்டுகளில் (2021–2025) மொத்தமாக சுமார் 3.84 கோடி பதிவுகள் செய்யப்பட்டுள்ளன. மேலும், சமர்ப்பிக்கப்படும் தகவல்களின் பாதுகாப்பும் ரகசியத்தன்மையும் ஐஎஸ்ஓ 27001 தரநிலைகளைப் பின்பற்றுவதன் மூலம் மற்றும் அமைப்பை அணுகும் பயனர்களின் அடையாளத்தை உறுதிப்படுத்த பல அடுக்கு அங்கீகார முறைகள்  பயன்படுத்துவதன் மூலம் உறுதி செய்யப்படுகிறது.

இந்தியாவின் டிஜிட்டல் சீர்திருத்தங்கள் வணிகச் சூழலை அடிப்படையாக மாற்றியமைத்து, அனுமதிகள், பதிவுகள் மற்றும் வர்த்தக செயல்முறைகளை எளிமையானதும் திறமையானதுமாக மாற்றியுள்ளன. அதிகமான வெளிப்படைத்தன்மை, வேகமான இணக்கம், நேரடி தரவு பரிமாற்றம் ஆகியவை நிறுவனங்களின் நம்பிக்கையையும் செயல்பாட்டு வசதியையும் வலுப்படுத்தியுள்ளன. வலுவான டிஜிட்டல் அடித்தளம் புதுமையை ஊக்குவித்து, செலவுகளை குறைத்து, வணிகங்கள், குடிமக்கள் மற்றும் அரசு ஆகியவற்றுக்கு இடையிலான தொடர்புகளை சீராகவும் பயனுள்ளதாகவும் மாற்றுகிறது.

இந்த அனைத்து முயற்சிகளும் இணைந்து, நிறுவனங்களைத் தொடங்கவும் வளர்த்தெடுக்கவும் பாதுகாப்பான, திறமையான மற்றும் மிகுந்த ஈர்ப்புடைய இலக்காக இந்தியாவை நிலைநிறுத்துகின்றன.

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும் https://www.pib.gov.in/PressReleasePage.aspx?PRID=2236804&reg=3&lang=1

***

AD/PKV/KR

(வெளியீட்டு அடையாள எண்: 2237038) வருகையாளர் எண்ணிக்கை : 8