غذائیت اور صحت کے نتائج کو بہتر بنانے کے لیے باہمی تعاون کی کوششوں کو مضبوط بنانے کی جانب ایک اہم قدم اٹھاتے ہوئے، نیتی آیوگ اور یونیسیف انڈیا نے آج آرزو مند اضلاع اور آرزو مند بلاکوں  میں کلیدی اقدامات کی حمایت کے عزم نامے پر دستخط کیے ہیں۔ ایس او آئی پر جناب روہت کمار، ایڈیشنل سکریٹری اور مشن ڈائریکٹر، خواہش مند اضلاع اور بلاکس پروگرام، نیتی آیوگ اور مسٹر ارجن ڈی واگٹ، نائب نمائندے، یونیسیف انڈیا نے دستخط کیے تھے۔

اس تعاون کا مقصد دونوں اداروں کی قوت کا فائدہ اٹھانا ہے تاکہ کم سہولت والے خطوں میں ماں اور بچے کی غذائیت کے بہتر نتائج کی جانب کوششوں کو آگے بڑھایا جا سکے۔ شراکت داری کثیر اسٹیک ہولڈرز کی شمولیت کے فروغ میں معاونت کرے گی اور بلاک کی سطح پر غذائیت اور صحت سے متعلق مداخلتوں کے نفاذ کے نظام کو مضبوط کرے گی۔

جناب روہت کمار نے کہا کہ خواہش مند اضلاع اور بلاکس پروگرام نے ترقی کے نتائج کو تیز کرنے میں ہم آہنگی، تعاون اور ڈیٹا پر مبنی حکمرانی کی اہمیت کو ظاہر کیا ہے۔ انہوں نے اس بات پر روشنی ڈالی کہ یونیسیف انڈیا جیسی تنظیموں کے ساتھ شراکت داری صحت اور غذائیت کے اہم چنوتیوں سے نمٹنے اور اعلیٰ ترجیح والے خطوں میں آخری میل سروس کی فراہمی کو بڑھانے کی کوششوں کو مزید تقویت دے گی۔

یونیسیف انڈیا، امپیکٹ 4 نیوٹریشن (آئی 4 این) پلیٹ فارم کے ذریعے، تکنیکی مہارت فراہم کرے گا اور کاروباروں، پبلک سیکٹر انٹرپرائزز اور صنعت کی انجمنوں کے ساتھ مشغولیت میں معاونت فراہم کرے گا تاکہ سی ایس آر کی سرمایہ کاری کو غذائیت پر مبنی اقدامات میں منتقل کیا جا سکے۔ یہ تعاون آنگن واڑی کے بنیادی ڈھانچے کو مضبوط بنانے، غذائیت کی خواندگی کو بڑھانے، آئی سی ڈی ایس خدمات کو بہتر بنانے اور فرنٹ لائن کارکنوں کی صلاحیت کو بڑھانے پر توجہ مرکوز کرے گا۔

اشتراک کے تحت اہم سرگرمیوں میں، سی ایس آر شراکت داروں کو صحت اور تغذیا سے متعلق اقدامات کی حمایت کرنے کے لیے متحرک کرنا، برادری کی رابطہ کاری کو فروغ دینا، اور آرزومند اضلاع اور بلاکوں کی شناخت اور وہاں توسیع پذیر بہتر طور طریقوں کو عام کرنے کے لیے علم ساجھا کرنے والے پلیٹ فارموں کو تعاون فراہم  کرنا شامل ہے۔

نیتی آیوگ اور یونیسیف انڈیا کے عزم نامے پر دستخط سے مضبوط شراکت، شواہد پر مبنی نقطہ نظر اور حکومت، نجی شعبے اور کمیونٹی اسٹیک ہولڈرز کے درمیان مربوط کارروائی کے ذریعے غذائیت اور صحت کے نتائج کو آگے بڑھانے کے لیے مشترکہ عزم کا اظہار ہوتاہے۔

**********

 (ش ح –ا ب ن)

U.No:3416

(ریلیز آئی ڈی: 2235735) وزیٹر کاؤنٹر : 36