وزارت دفاعنے 3 مارچ 2026 کو کل 5,083 کروڑ روپے مالیت کے معاہدے دستخط کیے، جن کے تحت چھ جدید ایڈوانسڈ لائٹ ہیلی کاپٹر (اے ایل ایچ)  ایم کے - II  (بحری کردار) بھارتی کوسٹ گارڈ کو مہیا کرائے جائیں گے،  اور سرفیس ٹو ایئر ورٹیکل  لانچ - شتل میزائلز بھارتی بحریہ کے لیے فراہم کیے جائیں گے۔یہ معاہدے دہلی کے ساوتھ بلاک میں دفاعی سیکریٹری جناب راجیش کمار سنگھ کی موجودگی میں دستخط کیے گئے۔

اے ایل ایچ   ایم  کے - III (ایم آر)

آپریشنل رول آلات کے ساتھ  اے ایل ایچ ایم کے-III (ایم آر) ہیلی کاپٹر، ایک انجینئرنگ سپورٹ پیکیج ، اور کارکردگی پر مبنی لاجسٹک سپورٹ ، جس کی مالیت 2,901 کروڑ روپے ہے ، کے معاہدے پر ہندوستان ایروناٹکس لمیٹڈ ، بنگلورو کے ساتھ خرید کے (ہندوستانی-مقامی طور پر ڈیزائن کردہ تیار اور تیار کردہ) زمرے کے تحت دستخط کیے گئے ہیں ۔

دو  انجنوں پر مبنی  یہ  ہیلی کاپٹر جدید ترین ٹیکنالوجی سے لیس ہیں اور  جو موجودہ آپریٹ کیے جانے والے  ہوائی پلیٹ فارمز سے زیادہ بہتر ہیں۔ یہ ہیلی کاپٹر نہ صرف ساحلی ہوائی اڈوں سے بلکہ سمندر میں موجود جہازوں سے بھی وسیع رینج کے بحری سلامتی مشنز انجام دینے کی صلاحیت رکھتے ہیں۔ان ہیلی کاپٹروں کے شامل ہونے سے بھارتی کوسٹ گارڈ کی صلاحیت میں نمایاں اضافہ ہوگا، جس سے مصنوعی جزیروں اور آف شور تنصیبات کی حفاظت، ماہی گیروں کی حفاظت، اور سمندری ماحول کے تحفظ کے فرائض مؤثر اور بروقت انجام دینا ممکن ہو جائے گا۔

اس پروجیکٹ میں 200 سے زیادہ ایم ایس ایم ای سے آلات کی فراہمی کی توقع ہے  اور امید ہے کہ اس سے تقریباً 65 لاکھ افرادی گھنٹے کا روزگار پیدا ہوگا۔ یہ معاہدہ ملک کے سمندری سلامتی کے ڈھانچے کو مزید مضبوط کرتے ہوئے آتم نربھر بھارت اور میک ان انڈیا مہم کے لیے حکومت کے عزم کو تقویت دیتا ہے ۔

ورٹیکل لانچ-شتل میزائل

سرفیس ٹو ایئر ورٹیکل لانچ شتل میزائلوں اور متعلقہ میزائل ہولڈنگ فریموں کی خریداری کے معاہدے پر  روسی فیڈریشن کی کمپنی جے ایس سی روزبورون ایکسپورٹ  کے ساتھ دستخط کیے گئے ہیں   جس کی مالیت 2,182 کروڑ روپے ہے ۔اس حصول کا مقصد فرنٹ لائن جنگی جہازوں کی فضائی دفاع کی صلاحیت کو نمایاں طور پر مضبوط بنانا ہے تاکہ وہ مختلف قسم کے فضائی خطرات سے مؤثر طور پر نمٹ سکیں۔

یہ نظام بھارتی بحریہ کے جہازوں پر موجود متعدد سطحی فضائی دفاعی ڈھانچے کو مزید مضبوط کرے گا، جس سے فوری ردعمل کی صلاحیت، ہر طرح کے موسمی حالات میں دشمن کے خطرات سے نمٹنے کی قابلیت، اور متنازعہ بحری علاقوں میں جہازوں کی بقاء اور حفاظت میں نمایاں بہتری ممکن ہوگی۔یہ معاہدہ بھارت اور روس کے درمیان طویل المدتی اور آزمودہ دفاعی شراکت داری کو بھی اجاگر کرتا ہے، جو باہمی اعتماد اور اسٹریٹجک ہم آہنگی پر مبنی ہے۔

 *************

ش ح ۔ ت ف۔ ر ب

U. No.3336