این سی وی ای ٹی اور میسور میں واقع کرناٹک اسٹیٹ اوپن یونیورسٹی (کے ایس او یو) نے 02.03.2026 کو ایک معاہدے پر دستخط کیے۔ اس کے تحت این سی وی ای ٹی نے کے ایس او یو کو ڈگری عطا کرنے والے ادارے (اے بی- ڈوئل) کے طور پر منظوری دی۔ اس منظوری کے بعد کے ایس او یو اپنے ملکیتی یا مکمل طور پر زیرِ انتظام کیمپسز/تربیتی مراکز میں خود تربیت فراہم کرتے ہوئے اپنی منظور شدہ یا اختیار کردہ اہلیتوں کے لیے طلبہ کا جائزہ اور تصدیق کر سکے گا۔

کے ایس او یو کو دوہری ڈگری فراہم کرنے والے ادارے کا درجہ ملنا بھارت میں اوپن اینڈ ڈسٹنس لرننگ (او ڈی ایل) نظام کے لیے ایک تاریخی قدم ہے۔ اس منظوری سے کے ایس او یو کو ریاستِ کرناٹک کے علاقائی دائرہ اختیار میں کام کرنے کی اجازت ملتی ہے، جس سے اوپن یونیورسٹی ماڈل کے ذریعے معیاری پیشہ ورانہ تعلیم اور مہارتوں کی ترقی تک رسائی میں نمایاں اضافہ ہوگا۔

این اے اے سی سے اےپلس گریڈ کی منظوری حاصل کرنے اور این آئی آر ایف-2025 درجہ بندی میں اوپن یونیورسٹیوں میں دوسرے مقام پر رہنے والا کے ایس او یو اب اپنے تعلیمی پروگراموں میں پیشہ ورانہ اور ووکیشنل کورسز کو ضم کر سکے گا۔ یونیورسٹی کو پہلے ہی این سی وی ای ٹی فریم ورک کے تحت ’پلانٹ پیتھالوجسٹ‘ اہلیت کی منظوری مل چکی ہے۔ آئندہ کے ایس او یو کا ہدف منظور شدہ سرٹیفکیشن پروگراموں کو اپنانا اور اپنے نصاب میں مہارتوں کے جائزہ معیارات، خصوصاً آئی ٹی، صحت کی خدمات اور دیگر تیزی سے ترقی کرنے والے شعبوں کو شامل کرنا ہے۔

 

**********

) ش ح – ع ح-  ش ہ ب )

U.No. 3320

 

(ریلیز آئی ڈی: 2234903) وزیٹر کاؤنٹر : 10