نوجوانوں کے امور اور کھیل کود کے مرکزی وزیر ڈاکٹر منسکھ مانڈویا نے آج نئی دہلی میں جنرل پول آفس رہائش (جی پی او اے) نیتاجی نگر میں نوجوانوں کے امور اور کھیل کود کی وزارت کے نئے دفتر کا افتتاح کیا ۔

اس موقع پر ڈاکٹر مانڈویا نے وزارت کے افسران اور عملے کو نیک تمنائیں پیش کیں اور اس اعتماد کا اظہار کیا کہ یہ منظم اور عملی تقاضوں کے مطابق تیار کردہ دفتر کھیلوں کی ترقی اور امورِ نوجوان سے متعلق اہم اقدامات کے نفاذ میں کارکردگی، ہم آہنگی اور باہمی تعاون کو فروغ دے گا۔

نوجوانوں کے امور اور کھیل کود کی وزیر مملکت رکشا کھڈسے نے بھی نئے دفتر میں چارج سنبھالا اور منظم و جدید طرزِ کار کے ماحول کو سراہا۔ انہوں نے وزارت کے مقاصد کو نئے عزم اور توجہ کے ساتھ آگے بڑھانے کے اپنے پختہ ارادے کا اعادہ کیا۔

افتتاحی تقریب میں سکریٹری (کھیل) جناب ہری رنجن راؤ ؛ سکریٹری (نوجوانوں کے امور) ڈاکٹر پلوی جین گوول اور وزارت کے سینئر حکام موجود تھے ۔

**********

) ش ح – ع ح-  ش ہ ب )

U.No. 3316

 

(ریلیز آئی ڈی: 2234883) وزیٹر کاؤنٹر : 34