ಕೇಂದ್ರ ಗ್ರಾಹಕ ವ್ಯವಹಾರಗಳು, ಆಹಾರ ಮತ್ತು ಸಾರ್ವಜನಿಕ ವಿತರಣಾ ಸಚಿವರಾದ ಶ್ರೀ ಪ್ರಲ್ಹಾದ್‌ ಜೋಶಿ ಅವರು ಕೇಂದ್ರೀಯ ಉಗ್ರಾಣ ನಿಗಮದ 70ನೇ ಸಂಸ್ಥಾಪನಾ ದಿನವನ್ನು ಉದ್ಘಾಟಿಸಿದರು ಮತ್ತು ರಾಷ್ಟ್ರಕ್ಕೆ 70 ವರ್ಷಗಳ ಸೇವೆಯನ್ನು ಪೂರ್ಣಗೊಳಿಸಿದ್ದಕ್ಕಾಗಿ ಕೇಂದ್ರ ಉಗ್ರಾಣ ನಿಗಮವನ್ನು (ಸಿಡಬ್ಲ್ಯುಸಿ) ಅಭಿನಂದಿಸಿದರು ಮತ್ತು ಭಾರತದ ಆಹಾರ ಭದ್ರತಾ ಚೌಕಟ್ಟು, ಉಗ್ರಾಣ ಮೂಲಸೌಕರ್ಯ ಮತ್ತು ಲಾಜಿಸ್ಟಿಕ್ಸ್‌ ಅಭಿವೃದ್ಧಿಯನ್ನು ಬಲಪಡಿಸುವಲ್ಲಿಅದರ ಮಹತ್ವದ ಕೊಡುಗೆಯನ್ನು ಶ್ಲಾಘಿಸಿದರು. ನವದೆಹಲಿಯಲ್ಲಿ ನಡೆದ 70ನೇ ಸಂಸ್ಥಾಪನಾ ದಿನಾಚರಣೆಯನ್ನು ಉದ್ದೇಶಿಸಿ ಮಾತನಾಡಿದ ಸಚಿವರು, ಮಹಾರತ್ನ ಉದ್ಯಮವಾಗಲು ಶ್ರಮಿಸುವಂತೆ ಮತ್ತು ಭಾರತವನ್ನು ಅಗ್ರ 25 ಜಾಗತಿಕ ಲಾಜಿಸ್ಟಿಕ್ಸ್‌ ಸಾಧಕರ ಶ್ರೇಣಿಗೆ ಕೊಂಡೊಯ್ಯುವಲ್ಲಿ ಪ್ರಮುಖ ಪಾತ್ರ ವಹಿಸುವಂತೆ ಸಂಸ್ಥೆಯನ್ನು ಪ್ರೋತ್ಸಾಹಿಸಿದರು.

ಸೆಂಟ್ರಲ್‌ ವೇರ್‌ಹೌಸಿಂಗ್‌ ಕಾರ್ಪೊರೇಷನ್‌ ದೇಶದ ಪ್ರಮುಖ ಲಾಜಿಸ್ಟಿಕ್ಸ್‌ ಸಂಸ್ಥೆಗಳಲ್ಲಿ ಒಂದಾಗಿ ಹೊರಹೊಮ್ಮಿದೆ ಮತ್ತು ಇನ್ನು ಮುಂದೆ ಗೋದಾಮು ಚಟುವಟಿಕೆಗಳಿಗೆ ಮಾತ್ರ ಸೀಮಿತವಾಗಿಲ್ಲ ಎಂದು ಶ್ರೀ ಪ್ರಲ್ಹಾದ್‌ ಜೋಶಿ ಅವರು ಹೇಳಿದರು. ಸಿಡಬ್ಲ್ಯುಸಿಭಿಯು ಲಾಜಿಸ್ಟಿಕ್ಸ್‌ ವಲಯದಾದ್ಯಂತ ತನ್ನ ಪಾತ್ರವನ್ನು ಗಮನಾರ್ಹವಾಗಿ ವಿಸ್ತರಿಸಿದೆ ಮತ್ತು ಪ್ರಧಾನಮಂತ್ರಿ ಅವರ ಅನುಮೋದನೆಯೊಂದಿಗೆ ಅದನ್ನು ಕಂಪನಿಯನ್ನಾಗಿ ಪರಿವರ್ತಿಸುವ ಪ್ರಸ್ತಾಪವನ್ನು ಮಾಡಲಾಗುವುದು ಎಂದು ಅವರು ಮಾಹಿತಿ ನೀಡಿದರು.

ಗ್ರಾಹಕ ವ್ಯವಹಾರಗಳು, ಆಹಾರ ಮತ್ತು ಸಾರ್ವಜನಿಕ ವಿತರಣಾ ಸಚಿವಾಲಯದ ಅಧೀನದಲ್ಲಿರುವ ಕೇಂದ್ರ ಸಾರ್ವಜನಿಕ ವಲಯದ ಉದ್ಯಮವಾದ ಕೇಂದ್ರ ಉಗ್ರಾಣ ನಿಗಮ (ಸಿಡಬ್ಲ್ಯುಸಿ) ತನ್ನ 70ನೇ ಸಂಸ್ಥಾಪನಾ ದಿನವನ್ನು 2026 ರ ಮಾರ್ಚ್‌ 2ರಂದು ನವದೆಹಲಿಯ ಭಾರತ್‌ ಮಂಟಪದಲ್ಲಿ ಆಚರಿಸಿತು. ಈ ಕಾರ್ಯಕ್ರಮದಲ್ಲಿ ರಾಜ್ಯ ಸಚಿವ ಶ್ರೀ ಬಿ.ಎಲ್‌. ವರ್ಮಾ, ಸಚಿವಾಲಯದ ಹಿರಿಯ ಅಧಿಕಾರಿಗಳು ಮತ್ತು ಸಿಡಬ್ಲ್ಯುಸಿಯ ಅಧಿಕಾರಿಗಳು ಮತ್ತು ಉದ್ಯೋಗಿಗಳು ಭಾಗವಹಿಸಿದ್ದರು.

ಈ ಸಂದರ್ಭದಲ್ಲಿ, ಸಿಡಬ್ಲ್ಯುಸಿಯ ವ್ಯವಸ್ಥಾಪಕ ನಿರ್ದೇಶಕ ಶ್ರೀ ಸಂತೋಷ್‌ ಸಿನ್ಹಾ ಅವರು 2024-25ರ ಹಣಕಾಸು ವರ್ಷದಲ್ಲಿನಿಗಮದ ಕಾರ್ಯಕ್ಷಮತೆಯ ಅವಲೋಕನವನ್ನು ಪ್ರಸ್ತುತಪಡಿಸಿದರು. 2023-24ರ ಹಣಕಾಸು ವರ್ಷದಲ್ಲಿ 2,303.81 ಕೋಟಿ ರೂ. ವಹಿವಾಟು ಮತ್ತು 590.36 ಕೋಟಿ ರೂ. ಪಿಬಿಟಿಗೆ ಹೋಲಿಸಿದರೆ 2024-25ರ ಹಣಕಾಸು ವರ್ಷದಲ್ಲಿ ಸಿಡಬ್ಲ್ಯೂಸಿ ತನ್ನ ಅತ್ಯಧಿಕ ವಹಿವಾಟು 2,776.88 ಕೋಟಿ ರೂ. ಮತ್ತು 711.60 ಕೋಟಿ ರೂ. ತೆರಿಗೆಗೆ ಮುಂಚಿನ ಲಾಭವನ್ನು (ಪಿಬಿಟಿ) ಸಾಧಿಸಿದೆ ಎಂದು ಅವರು ಮಾಹಿತಿ ನೀಡಿದರು. 160.10 ಕೋಟಿ ರೂ.ಗಳ ಲಾಭಾಂಶವನ್ನು ಪ್ರಸ್ತಾಪಿಸಲಾಗಿದೆ ಮತ್ತು ವರ್ಷಕ್ಕೆ ಪಾವತಿಸಲಾಗಿದೆ.

ಭವಿಷ್ಯದ ಬೆಳವಣಿಗೆಯ ನಿರೀಕ್ಷೆಗಳನ್ನು ಬಿಂಬಿಸಿದ ವ್ಯವಸ್ಥಾಪಕ ನಿರ್ದೇಶಕರು, ಪೂರೈಕೆ ಸರಪಳಿಗಳನ್ನು ಬಲಪಡಿಸಲು ಮತ್ತು ಲಾಜಿಸ್ಟಿಕ್ಸ್‌ ವೆಚ್ಚವನ್ನು ಕಡಿಮೆ ಮಾಡಲು ಕೊಡುಗೆ ನೀಡಲು ನಿಗಮವು ಮೂಲಸೌಕರ್ಯ ವರ್ಧನೆ, ಡಿಜಿಟಲ್‌ ರೂಪಾಂತರ, ಕಾರ್ಯಾಚರಣೆಯ ದಕ್ಷ ತೆ ಮತ್ತು ಸಮಗ್ರ ಲಾಜಿಸ್ಟಿಕ್ಸ್‌ ಸೇವೆಗಳ ವಿಸ್ತರಣೆಯತ್ತ ಗಮನ ಹರಿಸುವುದನ್ನು ಮುಂದುವರಿಸಿದೆ ಎಂದು ಹೇಳಿದರು. ಬಲವಾದ ಕಾರ್ಯಾಚರಣೆಯ ಕಾರ್ಯಕ್ಷ ಮತೆ ಮತ್ತು ನಿರಂತರ ಬೆಳವಣಿಗೆಯ ವೇಗವನ್ನು ಪ್ರತಿಬಿಂಬಿಸುವ 2025-26ರ ಹಣಕಾಸು ವರ್ಷದಲ್ಲಿ ಸಿಡಬ್ಲ್ಯುಸಿ ತನ್ನ ಅತ್ಯಧಿಕ ಆದಾಯ ಮತ್ತು ಲಾಭವನ್ನು ಸಾಧಿಸಲು ಸಜ್ಜಾಗಿದೆ ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದರು.

ಈ ಕಾರ್ಯಕ್ರಮವು ಭಾರತದ ಗೋದಾಮು ಮತ್ತು ಲಾಜಿಸ್ಟಿಕ್ಸ್‌ ಪರಿಸರ ವ್ಯವಸ್ಥೆಗೆ ಸಿಡಬ್ಲ್ಯುಸಿಯ ಏಳು ದಶಕಗಳ ಕೊಡುಗೆಯನ್ನು ಗುರುತಿಸಿತು ಮತ್ತು ರಾಷ್ಟ್ರೀಯ ಆಹಾರ ಭದ್ರತೆ ಮತ್ತು ಲಾಜಿಸ್ಟಿಕ್ಸ್‌ ದಕ್ಷತೆಯನ್ನು ಬೆಂಬಲಿಸಲು ದಕ್ಷ , ತಂತ್ರಜ್ಞಾನ ಚಾಲಿತ ಮತ್ತು ಗ್ರಾಹಕ-ಕೇಂದ್ರಿತ ಸೇವೆಗಳನ್ನು ಒದಗಿಸುವ ನಿಗಮದ ಬದ್ಧತೆಯನ್ನು ಪುನರುಚ್ಚರಿಸಿತು.

 

*****

(ಪ್ರಕಟಣೆ ಐ.ಡಿ.: 2234745) ವಿಸಿಟರ್ ಕೌಂಟರ್ : 6