بھارت–جاپان ترقیاتی تعاون کو مضبوط بنانے کی ایک اہم پیش رفت کے طور پر، نیتی آیوگ اور جاپان انٹرنیشنل کوآپریشن ایجنسی (جے آئی سی اے) نے آج ’’جاپان–بھارت اشتراکی اقدامات برائے پائیدار ترقی کے اہداف(ایس ڈی جیز) – مرحلہ دوم‘‘ کے پروگرام کے فروغ کے لیے ریکارڈ آف ڈسکشنز (آر او ڈی) پر دستخط کیے۔اس موقع پر جناب روہت کمار، اضافی سیکریٹری اور مشن ڈائریکٹر، اسپیریشنل اضلاع اور بلاکس پروگرام، نیتی آیوگ اور ٹاکوچی تاکورو، چیف ریپریزنٹیٹو، جے آئی سی اے انڈیا بھی موجود تھے۔

یہ تعاون بھارت–جاپان کے مضبوط ترقیاتی شراکت داری کی دوبارہ تائید کرتا ہے اور خاص طور پر اسپیریشنل اضلاع ( اے ڈیز) اور اسپیریشنل بلاکس (اے بیز) میں پائیدار ترقی کے اہداف (ایس ڈی جیز) کے حصول کی مشترکہ کوششوں کو آگے بڑھاتا ہے۔جناب روہت کمار نے اس بات پر زور دیا کہ یہ شراکت داری ادارہ جاتی صلاحیتوں، مشترکہ علم اور عملی تجربے کو یکجا کرتی ہے تاکہ کم ترقی یافتہ علاقوں میں شمولیتی ترقی کی رفتار کو تیز کیا جا سکے۔

اے ڈی پی اور اے بی پی کے تحت پروجیکٹ کا مقصد چھ موضوعات-عالمی شراکت داری ، صحت اور غذائیت ، تعلیم ، زراعت اور آبی وسائل ، مالی شمولیت اور ہنر مندی کی ترقی اور بنیادی ڈھانچے میں پالیسی فریم ورک اور نفاذ کے نظام کو مضبوط کرنا ہے ۔  یہ ادارہ جاتی صلاحیت سازی، بہتر نگرانی اور تشخیص اور ایس ڈی جیز کی موثر لوکلائزیشن پر مرکوز ہے ۔

اس منصوبے کے تحت اہم سرگرمیوں میں عوام سے عوام  کے درمیان رابطے اور صلاحیت سازی کے تبادلے، جاپان–بھارت نالج فورمز،بہترین عملی مشقوں کی شناخت اور ان کا اشتراک،اسپیریشنل اضلاع اور اسپیریشنل بلاکس کو ہدف بنا کر معاونت فراہم کرنا شامل ہیں۔

جے آئی سی اے انڈیا کے چیف نمائندے جناب ٹاکوچی تاکورو نے اے ڈی پی اور اے بی پی کے کامیاب نفاذ کی تعریف کرتے ہوئے کہا کہ ہندوستان کا ضلع اور بلاک سطح کا نگرانی نظام عالمی سطح پر نمایاں ہے ۔  انہوں نے زور دے کر کہا کہ یہ پروجیکٹ ایک باہمی فائدہ مند ، تعاون پر مبنی پہل کی نمائندگی کرتا ہے جو جاپان-بھارت شراکت داری کو مزید مستحکم کرتا ہے ۔

ریکارڈ آف ڈسکشنز پشر دستخط بھارت–جاپان شراکت داری کی گہرائی کو اجاگر کرتے ہیں اور اس بات کی عکاسی کرتے ہیں کہ اسپیریشنل اضلاع اور بلاکس میں ادارہ جاتی صلاحیت کو مضبوط کرنے اور شواہد پر مبنی حکمرانی کے ذریعے2030 تک پائیدار ترقی کے اہداف ( ایس ڈی جیز) کے حصول کے لیے دونوں ممالک مشترکہ طور پر پُرعزم ہیں۔

***

ش ح۔ش ت۔  ش ت  

U NO:-3277

(ریلیز آئی ڈی: 2234581) وزیٹر کاؤنٹر : 33