ہندوستانی بحریہ کی اہم کثیرالملکی بحری مشق ایکسرسائز ملان 2026 مورخہ 25 فروری 2026 کو وشاکھاپٹنم کے ساحل پر ہندوستان کے مقامی طور پر تیار کردہ طیارہ بردار بحری جہاز آئی این ایس وکرانت پر منعقدہ اختتامی تقریب کے ساتھ مکمل ہوئی۔

تقریب کی صدارت ریئر ایڈمرل آلوک آنند، فلیگ آفیسر کمانڈنگ ایسٹرن فلیٹ (ایف او سی ای ایف) نے کی۔ اس موقع پر تمام شریک یونٹس کے کمانڈنگ افسران اور دیگر افسران نے شرکت کی۔ یہ تقریب مشق کے کامیاب اختتام کی علامت تھی اور خلیجِ بنگال کے وسیع خطے میں قائم مضبوط اور دیرپا تعلقات کے جشن کا موقع بھی فراہم کرتی تھی۔

’’رفاقت، تعاون اور اشتراک‘‘ کے موضوع کے تحت منعقدہ  مشق ملان 2026 میں بڑے پیمانے پر شرکت دیکھنے میں آئی، جس میں 42 بحری جہاز اور آبدوزیں اور 29 طیارے شامل تھے۔ ان میں شریک دوست ممالک کے 18 بحری جہاز بھی شامل تھے۔

 اس کے علاوہ  دوست غیر ملکی ممالک کے بحری جہازوں پر موجود مربوط ہیلی کاپٹروں کے علاوہ فرانس، جرمنی اور امریکہ کے سمندر کی نگرانی کرنے والے طیاروں نے بھی شرکت کی۔

ملان 2026 کا آغاز ہاربر مرحلے سے ہوا، جس میں دو طرفہ روابط، سبجیکٹ میٹر ایکسپرٹ ایکسچینج (ایس ایم ای ای) پروگرام اور بین الاقوامی بحری سیمینار (آئی ایم ایس) شامل تھے۔ پیشہ ورانہ روابط کے ساتھ ساتھ ثقافتی تبادلے، کراس ڈیک اور بیرونی دورے بھی منعقد کیے گئے۔ملان ( ایم او وائی یو)  میں تکنیکی مظاہروں اور نوجوان آفیسران کے تبادلۂ خیال نے بہترین طریقۂ کار کے اشتراک کو ممکن بنایا، جبکہ دوستانہ کھیلوں کے مقابلوں نے غیر رسمی روابط کو فروغ دیا۔

اس کے بعد سمندری مرحلہ کا انعقاد کیاگیا، جس میں مربوط فضائی دفاع اور آبدوز شکن جنگی مشقیں، بحری روک تھام کی کارروائیاں، سطحی حملوں کی ہم آہنگی، مواصلاتی مشقیں اور کراس ڈیک پر پرواز کے آپریشنز سمیت جدید جنگی موضوعات پر مرکوز اعلیٰ شدت کی آپریشنل مشقیں شامل تھیں، جس سے باہمی ہم آہنگی اور اجتماعی تیاری میں اضافہ ہوا۔

سطحی توپوں کی مشقوں اور ہوائی عملے کی مشقوں کے ساتھ ساتھ فضائی دفاعی فائرنگ کے تحت عملی فائرنگ بھی کی گئی۔ حقیقی وقت میں ہم آہنگی، مشترکہ مشن کی منصوبہ بندی اور سمندر میں لاجسٹک معاونت پر خصوصی زور دیا گیا۔

بیرون ملک کے دوست بحری افواج نے ہندوستانی بحری جہازوں کے ساتھ تیز رفتار حربی مشقوں میں حصہ لیا، جو محفوظ اور محفوظ سمندروں کے قیام کے لیے بحری مفادات میں بڑھتی ہوئی ہم آہنگی کی عکاسی کرتا ہے۔ اس مشق نے بغیر رکاوٹ ہم آہنگی، فوری ردِعمل کی صلاحیتوں اور بہترین طریقۂ کار کو ثابت کیا، جو ’’مہاساگر‘‘ — خطوں میں سلامتی اور ترقی کے لیے باہمی اور ہمہ جہتی پیش رفت — کے وژن کے مطابق ہے۔

اختتامی تقریب کے دوران مقامی طیارہ بردار بحری جہاز آئی این ایس وکرانت پر تمام شریک بحری جہازوں کے کمانڈنگ افسران نے ملان 2026 کی پیشہ ورانہ رویے اور باریک بینی سے کی گئی منصوبہ بندیکو خوب سراہا۔ انہوں نے متفقہ طور پر اس بات کی تصدیق کی کہ اس مشق نے اپنے تربیتی اہداف اور آپریشنل مقاصد کو مکمل طور پر حاصل کیا، جس سے باہمی ہم آہنگی، مشترکہ فہم اور اجتماعی بحری تیاری میں خاص اضافہ ہوا۔

ملان 2026 کا کامیاب اختتام شریک بحری افواج کے اس مشترکہ عزم کا ثبوت ہے کہ وہ تعاون کے نظام کو مضبوط کرتے ہوئے محفوظ سمندروں کے لیے دیرپا شراکت داری کو فروغ دیتے رہیں گی۔

***

Urdu-3137

(ش ح۔م ع ن۔ش ہ ب)

(ریلیز آئی ڈی: 2233491) وزیٹر کاؤنٹر : 6