مرکزی بورڈ برائے بالواسطہ ٹیکس اور کسٹمز (سی بی آئی سی) کل نئی دہلی میں ’’قومی سمپوزیم برائے کسٹمز اصلاحات 2026‘‘ اور ’’بین الاقوامی یومِ کسٹمز 2026‘‘ کی میزبانی کر رہا ہے۔

مرکزی وزیر مملکت برائے خزانہ جناب پنکج چودھری بین الاقوامی یومِ کسٹمز 2026 کی تقریب کی صدارت کریں گے۔ اس موقع پر محکمۂ محصولات کے سکریٹری جناب اروند شریواستو، چیئرمین سی بی آئی سی جناب وویک چترویدی، نیز محکمۂ محصولات، وزارتِ خزانہ اور سی بی آئی سی کے افسران بھی موجود رہیں گے۔

بین الاقوامی یومِ کسٹمز 2026 کے دوران کسٹمز اصلاحات پر ایک مختصر فلم کی نمائش کی جائے گی؛ آڈیو ویژول پریزنٹیشن اور سنگل ونڈو سوئفٹ 2.0 کا اجرا ہوگا؛ سوئفٹ 2.0 کتابچہ اور ڈیجیٹل ٹریولرز گائیڈ جاری کی جائے گی؛ اور تجدید شدہ ’اتتھی ایپ‘ بھی لانچ کی جائے گی۔

تقریب میں تجارت و صنعت کے نمائندوں کی جانب سے شراکت داروں کی رائے بھی پیش کی جائے گی۔ اس موقع پر ممتاز افسران کو ڈبلیو سی او سرٹیفکیٹ آف میرٹ بھی فراہم کیا جائے گا (فہرست ضمیمہ-اوّل میں ملاحظہ کریں)۔

بین الاقوامی یومِ کسٹمز 2026 کی تقریبات سے قبل سی بی آئی سی ’’قومی سمپوزیم برائے کسٹمز اصلاحات 2026‘‘ کا بھی انعقاد کر رہا ہے۔

اس سمپوزیم کی صدارت محکمۂ محصولات کے سکریٹری جناب اروند شریواستو کریں گے، جبکہ چیئرمین سی بی آئی سی جناب وویک چترویدی بھی اجلاس میں شریک ہوں گے۔ اجلاس کا آغاز رکن (کسٹمز)، سی بی آئی سی کے ابتدائی کلمات سے ہوگا، جو غور و خوض کے لیے پس منظر فراہم کریں گے۔

اس کے بعد جوائنٹ سکریٹری (کسٹمز)، سی بی آئی سی کی جانب سے کسٹمز اصلاحات پر ایک جامع پریزنٹیشن پیش کی جائے گی، جس میں اہم پالیسی اور طریقہ کار میں پیش رفت کا خاکہ پیش کیا جائے گا۔ اجلاس میں اعتماد پر مبنی کسٹمز طریقہ کار اور ڈیجیٹل حکمرانی پر تفصیلی گفتگو ہوگی، جس میں حالیہ قانونی تبدیلیاں اور درآمدی طریقہ کار میں اصلاحات شامل ہوں گی۔ اس کے علاوہ سوئفٹ 2.0 اور کسٹمز انٹیگریٹڈ سسٹم (سی آئی ایس) جیسے اقدامات کے ذریعے ڈیجیٹل ماحولیاتی نظام کے ارتقا کو بھی اجاگر کیا جائے گا۔

مزید برآں، ابھرتے ہوئے برآمدی مواقع، بشمول کوریئر اصلاحات، ماہی پروری کے فروغ اور برآمدی طریقہ کار میں اصلاحات پر بھی توجہ دی جائے گی۔ شہریوں کے لیے ’’آسانیٔ زندگی‘‘ اقدامات، خصوصاً سامانِ سفر کے ضوابط اور ذاتی درآمدات سے متعلق اصلاحات پر بھی خصوصی زور دیا جائے گا۔

سمپوزیم میں کسٹمز انتظامیہ میں جاری تبدیلیوں کو اجاگر کیا جائے گا، جس میں اعتماد پر مبنی عمل، ڈیجیٹل حکمرانی، تجارت میں سہولت اور شہریوں کے لیے آسانیٔ زندگی پر توجہ مرکوز کی جائے گی۔

یہ تقریب سینئر سرکاری افسران، پالیسی سازوں، تجارتی نمائندوں، صنعتی شراکت داروں اور ملک بھر کے افسران کو ایک پلیٹ فارم پر جمع کرے گی تاکہ ہندوستانی کسٹمز کے مستقبل کو تشکیل دینے والی اہم اصلاحات پر تبادلۂ خیال کیا جا سکے۔

یہ سمپوزیم سی بی آئی سی کے اس مسلسل عزم کی عکاسی کرتا ہے کہ طریقہ کار کو آسان بنایا جائے، شفافیت میں اضافہ کیا جائے، ڈیجیٹل بنیادی ڈھانچے کو مضبوط کیا جائے اور تجارت و شہریوں کے ساتھ شراکت داری پر مبنی نقطۂ نظر کو فروغ دیا جائے۔

ضمیمہ 1

ڈبلیو سی او سرٹیفکیٹ آف میرٹ سے نوازے گئے معزز عہدیداروں کی فہرست

Sl. No.	Name of Officer	Designation and Formation
	(Shri/Smt.)
1	Dr. Puneeta Bedi	Director, TRU-I, CBIC, New Delhi
2	Balmukund	Additional Commissioner, CCO, Mumbai Customs Zone-I
3	Ms. Parinati Sunkar	Additional Director, DRI, Indore Zonal Unit
4	Kazi Suhail Aneesahmad	Additional Director, NCTC (Cargo), Mumbai
5	Rigved Thakur	Joint Commissioner, Member (lT, TPS & Tech), CBIC,
6	Sadeesh Kumar K	Joint Commissioner, Chennai Airport Customs, Commissionerate
7	Amit Kumar Gupta	Joint Commissioner, Directorate of International Customs
8	Sandeep Suryabhan Gunjal,	Joint Commissioner, Commissioner of Customs, Airport and ACC, Bangaluru
9	Roy Varghese	Deputy Commissioner, Custom House, Cochin
10	Prabhjot Kaur	OSD, Customs & EB, CBIC, New Delhi
11	Veenu Kavaria	Deputy Director, DRI, Mumbai Zonal Unit
12	Sakshi Garg	Under Secretary, GST Policy Wing, CBIC, New Delhi
13	Rajender Kumar Gupta	Assistant Commissioner, O/O the Chief Commr., Customs Delhi Zone, New Delhi
14	Ananya Kumar Singh	Technical Officer, TRU-I, CBIC, New Delhi
15	Rajan Keswani	Superintendent, Customs IV Section, Customs Policy Wing
16	Veena Rao	Superintendent, Custom, Canine Centre, Attari
17	Bhawani Singh	Superintendent, Custom, Prev. Jaipur
	Shekhawat
18	Rajbinder Singh	Superintendent, DRI Regional Unit Mangaluru
19	Khaimuansang	Intelligence Officer, DRI, Aizawl Regional Unit
20	Vinod Badola	Tax Assistant, DRI, Head Quarter, New Delhi

****

ش ح ۔   م    د۔  م  ص

(U : 3063   )

(ریلیز آئی ڈی: 2232866) وزیٹر کاؤنٹر : 9