قبائلی امور  کے مرکزی وزیر جناب جوئیل اورام نے آج ضلع متھرا میں دنیا بھر میں مشہور شری بانکے بہاری مندر میں بھگوان شری کرشن کے درشن کرتے ہوئے ملک کے تمام شہریوں کی امن، خوشحالی اور فلاح و بہبود کے لیے دعا کی۔

 اس دوران، مرکزی وزیر نے ضلع ہاتھرس کے حلقہ انتخاب سا آباد کے تحت بس عمرو گاؤں میں واقع آلو کے کولڈ اسٹوریج  مرکز کا بھی معائنہ کیا۔ اپنے دورے کے دوران انہوں نے وہاں ذخیرہ اندوزی کے انتظامات، کولڈ چین سسٹم اور کسانوں کو فراہم کی جانے والی دیگر سہولیات کا جائزہ لیا۔انہوں نے حکام اور انتظامیہ کو ہدایت دی کہ کسانوں کے مفادات کو اولین ترجیح دی جائے، ذخیرہ کرنے کی گنجائش میں اضافہ کیا جائے اور تمام تر آپریشنز میں شفافیت کو یقینی بنایا جائے۔

انہوں نے بس عمرو گاؤں میں مقامی باشندوں اور آلو کے کسانوں سے بات چیت بھی کی۔ اس موقع پر کسانوں نے زرعی پیداوار کی مناسب قیمتوں، ذخیرہ اندوزی کی سہولیات کی توسیع اور حکومتی اسکیموں کے موثر نفاذ کے حوالے سے اپنے خیالات کا اظہار کیا۔

کسانوں کے مسائل کو توجہ سے سنتے ہوئے مرکزی وزیر نے انہیں یقین دلایا کہ مرکزی حکومت کسانوں کی فلاح و بہبود، ان کی آمدنی میں اضافے اور زرعی بنیادی ڈھانچے (انفراسٹرکچر) کی مضبوطی کے لیے پرعزم ہے، اور اس سمت میں مختلف اسکیموں پر مؤثر طریقے سے عمل درآمد کیا جا رہا ہے۔ ان کا یہ دورہ روحانی اقدار، دیہی ترقی اور کسانوں کی بہبود کے تئیں حکومت کے عزم کی عکاسی کرتا ہے۔

*****

ش ح ۔   م    د۔  م  ص

(U :3055)

(ریلیز آئی ڈی: 2232817) وزیٹر کاؤنٹر : 8