مواصلات کے مرکزی وزیر جناب جیوترادتیہ ایم سندھیا نے آج ملک بھر سے بھارت سنچار نگم لمیٹڈ (بی ایس این ایل) کے حلقوں کی نمائندگی کرنے والے جونیئر ٹیلی کام افسران (جے ٹی اوز) اور سب ڈویژنل انجینئرز (ایس ڈی ایز) کے ساتھ ایک اعلی سطحی انٹرایکٹو سیشن کی صدارت کی ۔  یہ میٹنگ محکمہ ٹیلی مواصلات کے سنچار بھون میں منعقدہوئی ۔

میٹنگ میں بی ایس این ایل کے سروس ڈیلیوری میکانزم کو مضبوط بنانے،فیلڈ سطح پر آپریشنل چیلنجوں سے نمٹنے اور فرنٹ لائن افسران کی اختراعی تجاویز کو تنظیم کی نگرانی اور نفاذ کے فریم ورک میں شامل کرنے پر توجہ مرکوز کی گئی ۔

اجلاس کے دوران،مرکزی  وزیر نے سروس کی فراہمی میں سِکس سگما معیار حاصل کرنے کی ضرورت پر زور دیا۔ انہوں نے اس بات پر زور دیا کہ بی ایس این ایل کےبنیادی ڈھانچے  کی قابلِ اعتماد اور مضبوط نوعیت صارفین کی اطمینان کو یقینی بنانے اور ٹیلی کام شعبے میں تنظیم کی مسابقت کو بڑھانے کے لیے مرکزی حیثیت رکھتی ہے۔ انہوں نے ہدایت دی کہ بات چیت سے پیدا ہونے والے عملی تجاویز کا جائزہ لیا جائے اور وقت کی پابندی کے لحاظ سے فالواپ کے لیے  بی ایس این ایل کے نگرانی نظام میں شامل کیا جائے۔

مرکزی وزیر نے مزید کہا کہ فیلڈ افسران کے ساتھ اس طرح کی بات چیت کو سہ ماہ کی بنیاد پر ادارہ جاتی بنایا جائے گا تاکہ فیلڈ یونٹوں اور پالیسی قیادت کے درمیان مستقل بات چیت اور قریبی ہم آہنگی کو یقینی بنایا جا سکے ۔

میٹنگ کے دوران رائٹ آف وے (آر او ڈبلیو)سے متعلق معاملات کو تیز کرنے پر خصوصی زور دیا گیایہ ہدایت کی گئی کہ آر او ڈبلیو کی پالیسیوں اور طریقہ کار سے متعلق مواصلات کو مؤثر طریقے سے زمینی سطح کے عملے تک پہنچایا جائے تاکہ مقامی اداروں کے ساتھ بہتر ہم آہنگی کو قابل بنایا جا سکے اور پروجیکٹ پر بروقت عمل درآمد میں آسانی ہو ۔

بات چیت کے دوران پیشہ ورانہ عزم کے اعلی معیارات کو برقرار رکھنے کے لیے افسران کی حوصلہ افزائی کرتے ہوئے،خدمت، جوابدہی اور قومی عزم کے جذبے کی عکاسی کرنے والے تین رہنما اصولوں پر زور دیا گیا ۔

میٹنگ میں مرکزی وزیر نے اس بات کا اعادہ کیا کہ بی ایس این ایل کی تبدیلی زمینی سطح پر اپنے افسران کو بااختیار بنانے اور اسٹریٹجک مقاصد کے ساتھ آپریشنل کارکردگی کو ہم آہنگ کرنے پر منحصر ہے ۔  انہوں نے اس اعتماد کا اظہار کیا کہ مسلسل مشغولیت،جوابدہی  اور صارفین پر مرکوز نقطہ نظر کے ذریعے بی ایس این ایل ہندوستان کے ٹیلی کام سیکٹر میں اپنے کردار کو مزید مضبوط کرے گا ۔

***

UR- 2907

(ش ح۔ م م ع۔ت ا)

(ریلیز آئی ڈی: 2231770) وزیٹر کاؤنٹر : 21