جمہوریہ سیشلز کے نائب صدرعزت مآب سبسٹین پّلے نے آج نئی دہلی میں اپ راشٹرپتی بھون میں نائب صدر جمہوریہ ہندجناب جناب سی پی رادھا کرشنن سے ملاقات کی۔

The Vice President of Seychelles, H.E. Sebastien Pillay, called on the Hon’ble Vice President of India, Shri C. P. Radhakrishnan, at Uprashtrapati Bhavan today.

Both leaders discussed strengthening bilateral cooperation across priority areas, including maritime security,… pic.twitter.com/xZUaMCCiBq

— Vice-President of India (@VPIndia) February 20, 2026

ملاقات کے دوران دونوں رہنماؤں نے ترجیحی شعبوں میں دو طرفہ تعاون کو مزید مضبوط بنانے کے حوالے سے وسیع پیمانے پر تبادلہ خیال کیا۔ انہوں نے بحری سلامتی اور حفاظت میں تعاون کو فروغ دینے، ٹرانس شپمنٹ کے مواقع تلاش کرنے اور دونوں ممالک کے درمیان بازار تک رسائی  کوبہتر بنانے کی اہمیت پر زور دیا۔ رہنماؤں نے  ہندوستان کے قابلِ ذکر تجربے اور مہارت کو بروئے کار لاتے ہوئے سیشلز میں شمسی اور قابل تجدید توانائی کے منصوبوں کو وسعت دینے پر بھی بات کی۔

دونوں فریقوں نے صحت اور رہائش کے شعبوں میں تعاون کو مضبوط کرنے کی ضرورت پر زور دیا، جس میں شہریوں کو براہِ راست فائدہ پہنچانے والے عوام پرمرکوز اور پائیدار ترقی کے اقدامات پر توجہ دی گئی۔

یہ نوٹ کرتے ہوئے کہ ہندوستان اور سیشلز اس سال سفارتی تعلقات کے 50 برس مکمل کرنے کا جشن منا رہے ہیں، دونوں رہنماؤں نے دو طرفہ تعلقات میں مستقل پیش رفت پر اطمینان کا اظہار کیا۔ انہوں نے دونوں ممالک کے درمیان دیرینہ تارکین وطن کے روابط اور مضبوط ثقافتی اور عوام سے عوام کے روابط کو سراہا اور آنے والے برسوں میں شراکت داری کو اس کی مکمل صلاحیت تک بڑھانے کے اپنے عزم کا اعادہ کیا ۔

****

ش ح۔م ع ن۔ م ش

U. No. 2896

(ریلیز آئی ڈی: 2231705) وزیٹر کاؤنٹر : 14