ಭಾರತ ಎಐ ಇಂಪ್ಯಾಕ್ಟ್ ಶೃಂಗಸಭೆ 2026ರ ಭಾಗವಾಗಿ ವಿವಿಧ ತಂತ್ರಜ್ಞಾನ ತಜ್ಞರು ಮತ್ತು ಉದ್ಯಮ ನಾಯಕರು ಉದ್ಯಮ, ಆಡಳಿತ, ಆರೋಗ್ಯ ರಕ್ಷಣೆ, ವಿಷಯ ದೃಢೀಕರಣ ಮತ್ತು ಜಾಗತಿಕ ಮಾನದಂಡಗಳ ಮೇಲೆ ಎಐನ ಪರಿವರ್ತನಾ ಪ್ರಭಾವವನ್ನು ಅನ್ವೇಷಿಸುವ ವ್ಯಾಪಕ ಶ್ರೇಣಿಯ ಫೈರ್‌ಸೈಡ್ ಚಾಟ್‌ನಲ್ಲಿ ತೊಡಗಿಸಿಕೊಂಡಿದ್ದಾರೆ. ಎಐ ಇಂಪ್ಯಾಕ್ಟ್ ಶೃಂಗಸಭೆಯನ್ನು ಇಂದು ನವದೆಹಲಿಯ ಭಾರತ್ ಮಂಟಪದಲ್ಲಿ ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಉದ್ಘಾಟಿಸಿದರು.

ಭಾರತ ಎಐ ಶೃಂಗಸಭೆಯ ಸಂದರ್ಭದಲ್ಲಿ ಭಾರ್ತಿ ಏರ್‌ಟೆಲ್‌ನ ಸಂಸ್ಥಾಪಕ ಮತ್ತು ಅಧ್ಯಕ್ಷ ಸುನಿಲ್ ಭಾರ್ತಿ ಮಿತ್ತಲ್ ಮತ್ತು ಅಡೋಬ್‌ನ ಅಧ್ಯಕ್ಷ ಮತ್ತು ಸಿಇಒ ಶಾಂತನು ನಾರಾಯಣ್ ಅವರು ಚಿಂತನಶೀಲ ಮಾತುಕತೆಯಲ್ಲಿ ತೊಡಗಿದರು. ದೂರಸಂಪರ್ಕ ಮತ್ತು  ಔಷಧದಿಂದ ಶಿಕ್ಷಣ ಮತ್ತು ಡಿಜಿಟಲ್ ಮೂಲಸೌಕರ್ಯದವರೆಗೆ ವಿವಿಧ ಕ್ಷೇತ್ರಗಳಲ್ಲಿ ಎಐ ಹೇಗೆ ಕೇಂದ್ರೀಕೃತವಾಗುತ್ತಿದೆ ಎಂಬುದನ್ನು ಸುನಿಲ್ ಭಾರ್ತಿ ಮಿತ್ತಲ್ ವಿವರಿಸಿದರು. "ನಮ್ಮ ಕಂಪನಿಯ ದೃಷ್ಟಿಕೋನದಿಂದ, ನಾವು ಹೇಗೆ ಕಾರ್ಯನಿರ್ವಹಿಸುತ್ತೇವೆ, ನಾವು ಗ್ರಾಹಕರಿಗೆ ಹೇಗೆ ಸೇವೆ ಸಲ್ಲಿಸುತ್ತೇವೆ, ನೆಟ್‌ವರ್ಕ್‌ಗಳನ್ನು ನಿರ್ಮಿಸುತ್ತೇವೆ ಮತ್ತು ನೆಟ್‌ವರ್ಕ್‌ಗಳನ್ನು ನಿರ್ವಹಿಸುತ್ತೇವೆ ಎಂಬುದರಲ್ಲಿ ಎಐ ನಿಜವಾಗಿಯೂ ಅವಿಭಾಜ್ಯ ಅಂಗವಾಗುತ್ತಿದೆ" ಎಂದು ಹೇಳಿದರು.

ಮಾಹಿತಿಯ ಪ್ರವೇಶವನ್ನು ಪ್ರಜಾಪ್ರಭುತ್ವಗೊಳಿಸುವ ಎಐಯ ಶಕ್ತಿ, ಡೇಟಾ ಗೌಪ್ಯತೆಯ ಸುತ್ತ ಜಾಗತಿಕ ಮಾನದಂಡಗಳನ್ನು ರೂಪಿಸುವ ಭಾರತದ ಅನನ್ಯ ಅವಕಾಶವನ್ನು ಗಮನಿಸುತ್ತಾ, ಶಾಂತನು ನಾರಾಯಣ್ ಅವರು "ಭಾರತವು ಈ ಮಾದರಿಗಳ ಅರ್ಥದಲ್ಲಿ ಮಾತ್ರವಲ್ಲದೆ, ಡೇಟಾ, ಗೌಪ್ಯತೆ, ಭದ್ರತೆ ಮತ್ತು ನಂಬಿಕೆಯ ಬಗ್ಗೆ ನಾವು ಹೇಗೆ ಯೋಚಿಸುತ್ತೇವೆ ಎಂಬುದರಲ್ಲಿ ನಾಯಕತ್ವದ ಪಾತ್ರವನ್ನು ವಹಿಸಬಹುದು" ಎಂದು ಹೇಳಿದರು.

ಇದಲ್ಲದೆ, ಇನ್ಫೋಸಿಸ್‌ನ ಸಹ-ಸಂಸ್ಥಾಪಕ ಮತ್ತು ಅಧ್ಯಕ್ಷ ನಂದನ್ ನಿಲೇಕಣಿ ಮತ್ತು ಆಂಥ್ರೊಪಿಕ್‌ನ ಸಿಇಒ ಡೇರಿಯೊ ಅಮೋಡೆ ಅವರು ಕೃತಕ ಬುದ್ಧಿಮತ್ತೆಯ ತ್ವರಿತ ವಿಕಸನ, ಜನಸಂಖ್ಯಾ ಪ್ರಮಾಣದಲ್ಲಿ ಪ್ರಸರಣದ ಸವಾಲು ಮತ್ತು ನಾವೀನ್ಯತೆ, ಪ್ರಜಾಪ್ರಭುತ್ವ ಮತ್ತು ಅಂತರ್ಗತ ಬೆಳವಣಿಗೆಯ ನಡುವಿನ ಸಮತೋಲನವನ್ನು ಅನ್ವೇಷಿಸುವ ವ್ಯಾಪಕವಾದ ಸಂಭಾಷಣೆಯಲ್ಲಿ ತೊಡಗಿದ್ದರು.

ತಾಂತ್ರಿಕ ಪ್ರಗತಿ ಮತ್ತು ಸಾಮಾಜಿಕ ಪ್ರಭಾವದ ನಡುವಿನ ಅಂತರವನ್ನು ತಿಳಿಸಿದ, ಡೇರಿಯೊ ಅಮೋಡೆ, "ತಂತ್ರಜ್ಞಾನದ ಮೂಲಭೂತ ಸಾಮರ್ಥ್ಯಗಳು ಮತ್ತು ಆ ಸಾಮರ್ಥ್ಯಗಳು ಜಗತ್ತಿನಲ್ಲಿ ಹರಡಲು ತೆಗೆದುಕೊಳ್ಳುವ ಸಮಯದ ನಡುವೆ ದ್ವಂದ್ವತೆಯಿದೆ. ಜಾಗತಿಕ ದಕ್ಷಿಣದಲ್ಲಿ, ಎಐಯ ಪ್ರಯೋಜನಗಳು ಬೇರೆಲ್ಲಿಯೂ ಇಲ್ಲದಿರಬಹುದು, ಆದರೆ ಅದು ನಮಗೆ ಸುರಕ್ಷತೆ, ಪ್ರಜಾಪ್ರಭುತ್ವ ಆಡಳಿತ ಮತ್ತು ಆರ್ಥಿಕ ಸೇರ್ಪಡೆಯನ್ನು ಸರಿಯಾಗಿ ಪಡೆಯುವುದು ಇನ್ನೂ ಮುಖ್ಯವಾಗಿದೆ" ಎಂದು ಹೇಳಿದರು.

ಆರ್ಥಿಕ ಸ್ಥಳಾಂತರ, ಸುರಕ್ಷತೆ ಮತ್ತು ಸಾರ್ವಜನಿಕ ಪ್ರತಿಕ್ರಿಯೆಯನ್ನು ತಪ್ಪಿಸಲು ಅರ್ಥಪೂರ್ಣ ಬಳಕೆಯ ಪ್ರಕರಣಗಳನ್ನು ಪ್ರದರ್ಶಿಸುವ ಅಗತ್ಯತೆ ಸೇರಿದಂತೆ ಜಾಗತಿಕ ದಕ್ಷಿಣಕ್ಕೆ ಎಐನ ಅಪಾಯಗಳು ಮತ್ತು ಅವಕಾಶಗಳನ್ನು ಸಹ ಈ ಸಂಭಾಷಣೆಯಲ್ಲಿ ತಿಳಿಸಲಾಗಿದೆ.

ಅಡ್ವಾನ್ಸ್ಡ್ ಮೆಷಿನ್ ಇಂಟೆಲಿಜೆನ್ಸ್ ಲ್ಯಾಬ್ಸ್‌ನ ಕಾರ್ಯನಿರ್ವಾಹಕ ಅಧ್ಯಕ್ಷ ಯಾನ್ ಲೆಕನ್ ಅವರು ಚಿಂತನಶೀಲ ಚಾಟ್‌ನಲ್ಲಿ ಪಾಲ್ಗೊಂಡರು. ಇಂಡಿಯಾ ಟುಡೇ ವ್ಯವಸ್ಥಾಪಕ ಸಂಪಾದಕಿ ಶ್ರೀಮತಿ ಮರಿಯಾ ಶಕಿಲ್ ಅವರೊಂದಿಗಿನ ಸಂಭಾಷಣೆಯಲ್ಲಿ, ಶ್ರೀ ಲೆಕನ್, ಕೃತಕ ಬುದ್ಧಿಮತ್ತೆಯ ವಿಕಸನ, ಬುದ್ಧಿಮತ್ತೆ ಮತ್ತು ಎಐ ವ್ಯವಸ್ಥೆಗಳ ನಡುವಿನ ವ್ಯತ್ಯಾಸ ಮತ್ತು ತಾಂತ್ರಿಕ ಪ್ರಗತಿಯ ದೀರ್ಘಕಾಲೀನ ಪಥದ ಕುರಿತು ಒಳನೋಟಗಳನ್ನು ಹಂಚಿಕೊಂಡರು.

ಎಐ ಮಾನವ ಬುದ್ಧಿಮತ್ತೆಯನ್ನು ಮೀರಿಸುವ ಹಾದಿಯಲ್ಲಿದೆಯೇ ಎಂಬ ಮೂಲಭೂತ ಪ್ರಶ್ನೆಯೊಂದಿಗೆ ಸಂಭಾಷಣೆ ಪ್ರಾರಂಭವಾಯಿತು. ತಕ್ಷಣದ ಮತ್ತು ಅರ್ಥಪೂರ್ಣ ರೂಪಾಂತರವು ಎಐ ಅದನ್ನು ಬದಲಾಯಿಸುವ ಬದಲು ಮಾನವ ಬುದ್ಧಿಮತ್ತೆಯನ್ನು ವರ್ಧಿಸುವ ಸಾಮರ್ಥ್ಯದಲ್ಲಿದೆ ಎಂದು ಸೂಚಿಸಿದರು.

ಜಾಗತಿಕ ಎಐ ನಾವೀನ್ಯತೆಯಲ್ಲಿ ಭಾರತದ ಪಾತ್ರವನ್ನು ಉದ್ದೇಶಿಸಿ ಮಾತನಾಡಿದ ಶ್ರೀ ಲೆಕನ್, "ದೀರ್ಘಕಾಲೀನವಾಗಿ, ನಾವೀನ್ಯತೆಯು ಅನುಕೂಲಕರ ಜನಸಂಖ್ಯಾಶಾಸ್ತ್ರವನ್ನು ಹೊಂದಿರುವ ದೇಶಗಳಿಂದ ಅಂದರೆ ಅಂದರೆ ಭಾರತ ಮತ್ತು ಆಫ್ರಿಕಾದಿಂದ ಬರುತ್ತದೆ, ಮಾನವೀಯತೆಯ ಅತ್ಯಂತ ಸೃಜನಶೀಲ ಭಾಗವಾಗಿದೆ." ಎಐ ಯುಗದಲ್ಲಿ ಶಿಕ್ಷಣವು ಇನ್ನಷ್ಟು ನಿರ್ಣಾಯಕವಾಗುತ್ತದೆ ಎಂದು ಅವರು ಹೇಳಿದರು. ಎಐನ ಪರಿವರ್ತನಾ ಸಾಮರ್ಥ್ಯವನ್ನು ವಿವರಿಸುತ್ತಾ, "ಕೆಲವು ಅರ್ಥಶಾಸ್ತ್ರಜ್ಞರು ಇದು ಹೊಸ ವಿದ್ಯುತ್ ಎಂದು ಹೇಳುತ್ತಾರೆ. ಇದು ಹೊಸ ಮುದ್ರಣ ಯಂತ್ರದಂತಿದೆ ಎಂದು ನಾನು ಭಾವಿಸುತ್ತೇನೆ. ಇದು ಜ್ಞಾನದ ಪ್ರಸರಣ ಮತ್ತು ಮಾನವ ಬುದ್ಧಿಮತ್ತೆಯ ವರ್ಧನೆಯ ಬಗ್ಗೆಯಾಗಿದೆ"

ಭಾರತವು ತನ್ನ ಪ್ರಮಾಣ, ಜನಸಂಖ್ಯಾಶಾಸ್ತ್ರ ಮತ್ತು ಪರಿವರ್ತನಾ ಸಾಮರ್ಥ್ಯದೊಂದಿಗೆ ಜಾಗತಿಕ ಮಾನದಂಡಗಳನ್ನು ರೂಪಿಸಲು ಮತ್ತು ಮಾನವ ಕೇಂದ್ರಿತ ಎಐ ನಾವೀನ್ಯತೆಯನ್ನು ಮುನ್ನಡೆಸಲು ವಿಶಿಷ್ಟ ಸ್ಥಾನದಲ್ಲಿದೆ ಎಂದು ಕೈಗಾರಿಕಾ ಮುಖಂಡರು ಹೇಳಿದರು.

******

(ಪ್ರಕಟಣೆ ಐ.ಡಿ.: 2230680) ವಿಸಿಟರ್ ಕೌಂಟರ್ : 4