ಭಾರತ ಎಐ ಪ್ರಭಾವ ಶೃಂಗಸಭೆ  2026ರ ರ ಮೂರನೇ ದಿನದಂದು, 10 ಮಂಟಪಗಳಲ್ಲಿ ಹರಡಿರುವ ಬೃಹತ್ ಪ್ರದರ್ಶನವು ಪ್ರಮುಖ ಆಕರ್ಷಣೆಯಾಗಿ ಮುಂದುವರೆಯಿತು. ಎಕ್ಸ್ ಪೋ ದಲ್ಲಿ ಉದ್ಯಮದ ನಾಯಕರು, ನವೋದ್ಯಮಗಳು, ಶೈಕ್ಷಣಿಕ ಸಂಸ್ಥೆಗಳು, ಸರ್ಕಾರಿ ಪ್ರತಿನಿಧಿಗಳು ಮತ್ತು ಸಾಮಾನ್ಯ ನಾಗರಿಕರಿಂದ  ಹೆಚ್ಚು ಭಾಗವಹಿಸುವಿಕೆ ಕಂಡುಬಂದಿತು. ಪ್ರತಿಕೂಲ ಹವಾಮಾನದ ಹೊರತಾಗಿಯೂ, ಹೆಚ್ಚಿನ ಸಂಖ್ಯೆಯ ಯುವಕರು ಮತ್ತು ವಿದ್ಯಾರ್ಥಿಗಳು ಪ್ರದರ್ಶನ ಸ್ಥಳಕ್ಕೆ ಭೇಟಿ ನೀಡಿ ಅತ್ಯಾಧುನಿಕ ಕೃತಕ ಬುದ್ಧಿಮತ್ತೆ ಪರಿಕರಗಳು ಮತ್ತು ತಂತ್ರಜ್ಞಾನಗಳ ನೇರ ಪ್ರಾತ್ಯಕ್ಷಿಕೆ ಪ್ರದರ್ಶನಗಳಿಗೆ ಸಾಕ್ಷಿಯಾದರು.

ಈ ಎಕ್ಸ್ ಪೋದ ಪ್ರಮುಖ ಗಮನವು ಭವಿಷ್ಯದ ಅಪಾಯಗಳ ವಿರುದ್ಧ ಡಿಜಿಟಲ್ ಮೂಲಸೌಕರ್ಯವನ್ನು ಬಲಪಡಿಸಲು ವಿನ್ಯಾಸಗೊಳಿಸಲಾದ ಎಐ-ಚಾಲಿತ ಸೈಬರ್ ಭದ್ರತೆ ಮತ್ತು ಫಿನ್ ಟೆಕ್  ವ್ಯವಸ್ಥೆಗಳಾಗಿದ್ದವು. ಪ್ರದರ್ಶಕರು ಅತ್ಯಾಧುನಿಕ ನಿರ್ವಹಣಾ ಪತ್ತೆ ಮತ್ತು ಪ್ರತಿಕ್ರಿಯೆ (ಎಂ ಡಿ ಆರ್) ವೇದಿಕೆಗಳು, ಎಐ-ಆಧಾರಿತ ಅಪಾಯದ ಗುಪ್ತಚರ ವ್ಯವಸ್ಥೆಗಳು ಮತ್ತು ಡಿಜಿಟಲ್ ವಾಣಿಜ್ಯದ ಮುಂದಿನ ಹಂತಕ್ಕಾಗಿ ತಡೆಗಟ್ಟುವಿಕೆ-ಮೊದಲ ಭದ್ರತಾ ಚೌಕಟ್ಟುಗಳನ್ನು ಪ್ರದರ್ಶಿಸಿದರು. ಈ ವ್ಯವಸ್ಥೆಗಳು   ಕೃತಕ ಬುದ್ಧಿಮತ್ತೆಯನ್ನು ಮಾನವ ಪರಿಣತಿಯೊಂದಿಗೆ ಸಂಯೋಜಿಸಿ ಅಸಹಜ ಚಟುವಟಿಕೆಯನ್ನು ಪತ್ತೆಹಚ್ಚಲು, ಸೈಬರ್ ದಾಳಿಗಳನ್ನು ತಡೆಯಲು ಮತ್ತು ಘಟನೆಗಳಿಗೆ ತ್ವರಿತವಾಗಿ ಪ್ರತಿಕ್ರಿಯಿಸಲು, ಇದರಿಂದಾಗಿ ಅಪಾಯಗಳನ್ನು ತಗ್ಗಿಸಲು ಮತ್ತು ನಿರ್ಣಾಯಕ ಡಿಜಿಟಲ್ ಸ್ವತ್ತುಗಳ ರಕ್ಷಣೆಯನ್ನು ಖಚಿತಪಡಿಸಿಕೊಳ್ಳಲು ಸಹಾಯ ಮಾಡುತ್ತದೆ.  

ತಜ್ಞರ ಪ್ರಕಾರ ಮುನ್ಸೂಚಕ ವಿಶ್ಲೇಷಣೆ, ನೈಜ-ಸಮಯದ ಮೇಲ್ವಿಚಾರಣೆ ಮತ್ತು ಎಐ-ಸಕ್ರಿಯಗೊಳಿಸಿದ ಪ್ರತಿಸ್ಪಂದನೆ ವ್ಯವಸ್ಥೆಗಳು ವ್ಯವಹಾರಗಳು, ಸರ್ಕಾರಿ ಇಲಾಖೆಗಳು ಮತ್ತು ಸಾರ್ವಜನಿಕ ಸಂಸ್ಥೆಗಳ ಡಿಜಿಟಲ್ ಭದ್ರತಾ ಮೂಲಸೌಕರ್ಯವನ್ನು ಬಲಪಡಿಸಲು ಸಹಾಯ ಮಾಡುತ್ತದೆ.

ಪ್ರದರ್ಶನವು ಆಡಳಿತ, ಉದ್ಯಮ ವ್ಯವಸ್ಥೆಗಳ ಸಂಯೋಜನೆ, ಸ್ಮಾರ್ಟ್ ನಗರ ವೇದಿಕೆಗಳು ಮತ್ತು ಡಿಜಿಟಲ್ ಮೂಲಸೌಕರ್ಯ ನಿರ್ವಹಣೆಯಲ್ಲಿ ಎಐ ನ ವೈವಿಧ್ಯಮಯ ಅಪ್ಲಿಕೇಶನ್ನುಗಳನ್ನು ಪ್ರದರ್ಶಿಸಿತು. ಈ ಪರಿಹಾರಗಳು ದಕ್ಷ ಮತ್ತು ಸಮಗ್ರ ವ್ಯವಸ್ಥೆಗಳನ್ನು ನಿರ್ಮಿಸುವಲ್ಲಿ ಕೃತಕ ಬುದ್ಧಿಮತ್ತೆಯ ನಿರ್ಣಾಯಕ ಪಾತ್ರವನ್ನು ಉಲ್ಲೇಖಿಸುತ್ತದೆ.

ಪ್ರಾಯೋಗಿಕ ಅನುಷ್ಠಾನ ಮಾದರಿಗಳು, ದತ್ತಾಂಶ ಭದ್ರತಾ ಮಾನದಂಡಗಳು ಮತ್ತು ಅನುಸರಣೆ ಕಾರ್ಯವಿಧಾನಗಳನ್ನ ಅರ್ಥಮಾಡಿಕೊಳ್ಳಲು ಸಂದರ್ಶಕರು ಪ್ರದರ್ಶಕರೊಂದಿಗೆ ವ್ಯಾಪಕವಾದ ಸಂವಹನದಲ್ಲಿ ತೊಡಗಿದ್ದಾರೆ. ಹೆಚ್ಚಿನ ಸಂಖ್ಯೆಯ ವಿದ್ಯಾರ್ಥಿಗಳು ಮತ್ತು ಯುವ ವೃತ್ತಿಪರರು ಮತ್ತು ಅವರ ಉತ್ಸಾಹವು ಈ ಕ್ಷೇತ್ರದಲ್ಲಿ ವೃತ್ತಿಜೀವನವನ್ನು ಮುಂದುವರಿಸಲು ಬೆಳೆಯುತ್ತಿರುವ ಆಕಾಂಕ್ಷೆಗಳನ್ನು ಪ್ರತಿಬಿಂಬಿಸುತ್ತದೆ.

ಭಾರತ ಎಐ ಪ್ರಭಾವ ಶೃಂಗಸಭೆ 2026 ಎಕ್ಸ್ ಪೋ ಶೈಕ್ಷಣಿಕ, ಉದ್ಯಮ ಮತ್ತು ಸರ್ಕಾರದ ನಡುವಿನ ಸಹಯೋಗಕ್ಕೆ ಪ್ರಮುಖ ವೇದಿಕೆಯಾಗಿದೆ. ಪ್ರದರ್ಶನದಲ್ಲಿ ದಾಖಲೆಯ ಸಾರ್ವಜನಿಕ ಭಾಗವಹಿಸುವಿಕೆಯು ವಿಜ್ಞಾನ ಮತ್ತು ನಾವೀನ್ಯತೆಯನ್ನು ಸಬಲೀಕರಣಗೊಳಿಸುವಲ್ಲಿ ಮತ್ತು ಅತ್ಯಾಧುನಿಕ ತಂತ್ರಜ್ಞಾನಗಳನ್ನು ಎಲ್ಲರಿಗೂ ಸಿಗುವಂತೆ ಮಾಡುವಲ್ಲಿ ಎಐ-ಆಧಾರಿತ ಪರಿಹಾರಗಳ ಮಹತ್ವವನ್ನು ಬಲಪಡಿಸುತ್ತದೆ. ಸುಸ್ಥಿರ ಬೆಳವಣಿಗೆಗಾಗಿ ಸುರಕ್ಷಿತ, ಅಂತರ್ಗತ ಮತ್ತು ಭವಿಷ್ಯಕ್ಕೆ ಸಿದ್ಧವಾದ ಎಐ ಪರಿಸರ ವ್ಯವಸ್ಥೆಯನ್ನು ನಿರ್ಮಿಸುವ ಭಾರತದ ಬದ್ಧತೆಯನ್ನು ಶೃಂಗಸಭೆಯು ಉಲ್ಲೇಖಿಸುತ್ತದೆ.
 

******

(ಪ್ರಕಟಣೆ ಐ.ಡಿ.: 2230202) ವಿಸಿಟರ್ ಕೌಂಟರ್ : 5