سکریٹری، ڈی ایف ایس نے 20.11.2025 سے بی سی  رجسٹری کو فعال کرنے میںآئی بی اے کی کوششوں کی تعریف کی۔ تمام بینکوں کو مشورہ دیتا ہے کہ وہ بی سی پوائنٹس پر خدمات کو مزید بڑھائیں اور توسیع دیں۔

کاروباری نامہ نگاروں سے متعلق مانیٹرنگ کمیٹی کی دسویں میٹنگ آج نئی دہلی میں مالیاتی خدمات کے محکمے کے سکریٹری جناب ایم ناگراجو کی صدارت میں منعقد ہوئی۔ اس کا مقصد پچھلی میٹنگ کے دوران سامنے آنے والے ایکشن پوائنٹس اور ایجنڈے کے تازہ آئٹمز پر پیش رفت پر غور کرنا تھا۔ میٹنگ میں مانیٹرنگ کمیٹی کے ممبران کے ساتھ چیف جنرل منیجر، فائنانشل انکلوژن اینڈ ڈیولپمنٹ ڈپارٹمنٹ، ریزرو بینک آف انڈیا (آر بی آئی)، سی ای او (این پی سی آئی)، پبلک سیکٹر بینکوں کے ایگزیکٹیو ڈائرکٹر، پرائیویٹ بینکوں، انڈین بینک ایسوسی ایشن، نابارڈ اور بی سی ایسوسی ایشنز کے سینئر عہدیداروں نے شرکت کی۔

بات چیت میں کاروباری نامہ نگاروں کے کام کرنے سے متعلق مختلف امور پر توجہ مرکوز کی گئی جس میں اہم شعبوں کا احاطہ کیا گیا جیسے کہ بی سی ایجنٹس کی فراہم کردہ خدمات،بی سیز کی ڈیجیٹل نگرانی،بی سی

 ایجنٹوں کا کمیشن ڈھانچہ خاص طور پر شمال مشرقی اور پہاڑی علاقوں میں، بی سیزکی جیو ٹیگنگ وغیرہ۔

اسٹیک ہولڈرز کی فعال شرکت کے ساتھ ایجنڈے کے تمام آئٹمز پر تفصیلی بات چیت ہوئی۔جناب ناگاراجو نے 20.11.2025 سے بی سی رجسٹری کو چلانے میں انڈین بینک ایسوسی ایشن کی کوششوں کی تعریف کی۔ رجسٹری میں اہم خصوصیات شامل ہیں جیسے کہ ڈپلیکیٹ بی سیز کی شناخت، بی سی کی کارکردگی کے سروس ریکارڈز کو حاصل کرنا وغیرہ۔ کمیٹی کے ممبر بینکوں نے اپنےبی سی پوائنٹس کی جیو ٹیگنگ بھی مکمل کر لی ہے۔ آج تک، زیادہ تر بینک بی سی پوائنٹس پر کم از کم 42 خدمات فراہم کر رہے ہیں جیسے کہ اکاؤنٹ کھولنا، نقد رقم جمع کرنا/ نکالنا، دوبارہ کے وائی سی ، مائیکرو انشورنس اسکیموں کے تحت اندراج وغیرہ۔ شری ناگاراجو نے تمام بینکوں کو مشورہ دیا کہ وہ ترقی پذیر تقاضوں کی بنیاد پربی سی پوائنٹس پر خدمات کے گلدستے کو مزید وسیع کریں۔

جناب ناگاراجو نے بینکنگ ایکو سسٹم میں بی سیز کی طرف سے ادا کیے گئے اہم کردار اور عمل میں مسلسل بہتری کی ضرورت پر زور دیا۔ بی سی تنظیموں کو درپیش مسائل پر بھی غور و خوض کیا گیا اور ان کے حل پر بھی تبادلہ خیال کیا گیا۔ اجلاس صدارت کے شکریہ کے ساتھ اختتام پذیر ہوا۔

****

(ش ح۔اص)

UR No 2609

(ریلیز آئی ڈی: 2229319) وزیٹر کاؤنٹر : 5