1. بھارت کے انتخابی کمیشن  (ای سی آئی) نے آج دہلی میں کامن ویلتھ گیمز اسپورٹس (سی ڈبلیو جی) کمپلیکس میں اپنے سالانہ اسپورٹس ویک 2026 کا آغاز کیا ۔  اعلیٰ انتخابی کمشنر جناب گیانیش کمار نے شرکاء سے خطاب کیا اور آج صبح کھیلوں کو جھنڈی دکھا کر شروع کیا ۔
2. اپنے خطاب میں اعلیٰ انتخابی کمشنر نے کہا کہ شفافیت ، درستگی اور غیر جانبداری پر مشتمل کھیلوں کی اقدار انتخابی عمل کی بھی وضاحت کرتی ہیں  اور اسے  بھارت کا انتخابی کمیشن برقرار رکھتا ہے ۔  انہوں نے تمام شرکاء کی حوصلہ افزائی کی کہ وہ ہفتے بھر چلنے والی تقریبات میں پورے جوش خروش کے ساتھ کھیلوں کے مقابلوں میں حصہ لیں ۔
3. اپنے خطاب کے بعد  اعلیٰ انتخابی کمشنر جناب گیانیش کمار نے ’’رن فار ڈیموکریسی‘‘ کے موضوع کے تحت 100 میٹر خواتین کی دوڑ کو جھنڈی دکھا کر روانہ کیا ۔  اس سال کھیلوں کے سالانہ ہفتے کی تقریبات کا موضوع ’’میدان میں ہم آہنگی ، جمہوریت میں طاقت‘‘ ہے ۔
4. ای سی آئی کے ریکری ایشن کلب کے ذریعے  منعقدہ سالانہ اسپورٹس ویک میں 72 خواتین سمیت کل 383 شرکاء شرکت کریں گے ۔
5. کھیل کود کے مقابلوں کا انعقاد 7 کھیلوں کے 43 زمروں یعنی شطرنج ، کیرم ، ٹیبل ٹینس ، بیڈمنٹن ، کرکٹ ، فٹ بال اور ایتھلیٹکس ٹریک ایونٹس (مختلف عمر کے زمروں میں 100 ، 200 ، 400 اور 800 میٹر مرد اور خواتین) میں کیا جائے گا ۔

***

ش ح۔م ع۔ ش ت

U NO:-2516