జనౌషధి ఉత్పత్తుల జాబితాలో 2,110 మందులు, 315 వైద్య పరికరాలు ఉన్నాయి. దీనిలో గుండె సంబంధిత వ్యాధులు, క్యాన్సర్, మధుమేహం, ఇన్‌ఫెక్షన్లు, అలర్జీలు, జీర్ణకోశ సమస్యల వంటి ప్రధాన చికిత్సలకు అవసరమైన మందులు అందుబాటులో ఉన్నాయి.

ఆంధ్రప్రదేశ్ లోని కోనసీమ జిల్లాలోని జనౌషధి కేంద్రాలు జరిపిన విక్రయాల వివరాలు అనుబంధం IIలో ఉన్నాయి.

జనాభా గణాంకాలు అందుబాటులో లేనప్పటికీ, ప్రస్తుతం దేశవ్యాప్తంగా ప్రతిరోజూ సుమారు 15 లక్షల మంది వినియోగదారులు జనౌషధి కేంద్రాల నుంచి  ఉత్పత్తులను కొనుగోలు చేస్తున్నారు.

జనౌషధి కేంద్రాలలో అత్యవసర, ప్రాణరక్షక మందులతో సహా అన్ని మందుల సరఫరా క్రమం తప్పకుండా, సమర్థవంతంగా జరిగేలా చూడటానికి ఈ క్రింద  చర్యలు తీసుకున్నారు:

i. సెప్టెంబర్ 2024 నుంచి జనౌషధి పథకంలో అత్యధికంగా అమ్ముడయ్యే 100 మందులు, మార్కెట్‌లో వేగంగా అమ్ముడయ్యే మరో 100 మందులతో కలిపి మొత్తం 200 రకాల సాధారణ మందుల నిల్వపై ప్రోత్సాహకాలు అందిస్తున్నారు. ఈ విధానం ప్రకారం, ఆయా మందుల నిల్వలను తగినంతగా నిర్వహిస్తున్న కేంద్రాల యజమానులకు నెలవారీ ప్రోత్సాహకం పొందే అవకాశం కల్పించారు.

ii. దేశవ్యాప్తంగా ఉన్న 5 గిడ్డంగులు, విస్తరిస్తున్న పంపిణీదారుల వ్యవస్థను అనుసంధానించడానికి అత్యాధునిక సమాచార సాంకేతికతతో కూడిన సరఫరా వ్యవస్థ అందుబాటులో ఉంది.

iii. ఈ పథకాన్ని అమలు చేసే ఫార్మాస్యూటికల్స్ అండ్ మెడికల్ డివైజెస్ బ్యూరో ఆఫ్ ఇండియా (పీఎంబీఐ) సాధారణంగా వాడే ఉత్పత్తులు అందుబాటులో ఉండేలా చూడటానికి, 400 వేగంగా అమ్ముడయ్యే ఉత్పత్తుల సరఫరాను నిరంతరం పర్యవేక్షిస్తోంది. వీటికి ఉండే డిమాండ్‌ను కూడా ఎప్పటికప్పుడు అంచనా వేస్తున్నారు. అంతేకాకుండా, కొనుగోలు ప్రక్రియను మెరుగుపరచడానికి ఈ అంచనా పద్ధతిని డిజిటలైజ్ చేయడానికి చర్యలు తీసుకున్నారు.

31.12.2025 నాటికి ఆంధ్రప్రదేశ్ రాష్ట్రంలో జిల్లా వారీగా ఏర్పాటు చేసిన జనౌషధి కేంద్రాల సంఖ్య ఈ క్రింద పట్టికలో ఉంది:

S. No.	జిల్లా	తెరిచిన  జనౌషధి కేంద్రాల సంఖ్య
	అల్లూరి సీతారామ రాజు	2
	అనకాపల్లి	7
	అనంతపురం	12
	అన్నమయ్య	7
	బాపట్ల	8
	చిత్తూరు	12
	డాక్టర్ బీఆర్ అంబేద్కర్ కోనసీమ	8
	తూర్పు గోదావరి	14
	ఏలూరు	11
	గుంటూరు	22
	కాకినాడ	5
	కృష్ణ	9
	కర్నూలు	20
	నంద్యాల	7
	ఎన్టీఆర్	16
	పల్నాడు	11
	పార్వతీపురం మన్యం	3
	ప్రకాశం	16
	శ్రీ పొట్టి శ్రీరాములు నెల్లూరు	6
	శ్రీ సత్య సాయి	10
	శ్రీకాకుళం	9
	తిరుపతి	15
	విశాఖపట్నం	10
	విజయనగరం	9
	పశ్చిమ గోదావరి	14
	వైఎస్ఆర్	9
మొత్తం	272

కోనసీమ జిల్లాలో ఏర్పాటు చేసిన జనౌషధి కేంద్రాలలో గరిష్ట విక్రయ ధర (ఎంఆర్పీ)  అమ్మకాల వివరాలు:

S. No.	ఆర్థిక  సంవత్సరం	విక్రయాలు ( రూ. కోట్లలో)
1	2022-23	0.04
2	2023-24	0.1
3	2024-25	0.14
4	2025-26 (till 31.12.2025)	0.07

కేంద్ర రసాయనాలు, ఎరువుల శాఖ సహాయ మంత్రి శ్రీమతి అనుప్రియా పటేల్ ఈరోజు లోక్‌సభలో ఒక లిఖితపూర్వక సమాధానంలో ఈ వివరాలు తెలిపారు.

 

***

(రిలీజ్ ఐడి: 2227818) సందర్శకుల సూచీ సంఖ్య : : 14