অৱাং-নোংপোক লমদমদা ললোন-ইতিক অমসুং ইনভেস্তমেন্ত হেনগৎহন্নবা অৱাং-নোংপোক লমদমগী দিবেলপমেন্ত মন্ত্রালয় (MDoNER)না রাইজিং নোর্থিস্ত ইনভেস্তর সম্মিত 2025 পাংথোকখ্রে। অৱাং-নোংপোক লমদমদা শেল থাদনবগীদমক মীৎয়েং থম্লিবা সেক্তরশিংদি তুরিজম অমসুং হোস্পিতেলিতী; এগ্রো-ফুদ প্রোসেসিং অমসুং মরী লৈনবা সেক্তরশিং; তেক্সতাইল, হেন্দলুম অমসুং হেন্দিক্রাফ্স; হেল্থকেয়র; এজুকেসন অমসুং স্কিল দিবেলপমেন্ত; IT/ITeS; এন্তর্তেনমেন্ত অমসুং স্পোর্তস; ইনফ্রাস্ত্রকচর অমসুং লোজিস্তিক্স; অমসুং ইনর্জীনি। সম্মিত অমসুং মসিগী প্রি-ইভেন্ত রোদ শোনা পুন্না মেমোরেন্দম ওফ অন্দর্স্তেন্দিং (MoU), লেতর্স ওফ ইন্তেন্ত অমসুং প্রাইভেৎ ইনভেস্তরশিং, পব্লিক সেক্তর অন্দরতেকিংশিং অমসুং মরুওইবা ইন্দস্ত্রিয়েল কোংগ্লোমরেৎশিংদগী ক্বালিফাইদ লীদশিংগী খুত্থাংদা লুপা করোর লাখ 4.48গী ইনভেস্তমেন্ত ইন্তরেস্তশিং ফংখি।

অৱাং নোংপোক লমদম (NER)দা ইন্দস্ত্রীয়েল, ইনফ্রাস্ত্রকচর অমসুং লৌউ-শিংউগা মরী লৈনবা প্রোজেক্তশিংদা শেলগী মতেং পীদুনা মাইক্রো, স্মোল অমসুং মেদিয়ম ইন্তর্প্রাইজ (MSME) সেক্তর মপাঙ্গল কনখৎহনবদা নোর্থ ইস্ত দিবেলপমেন্ত ফাইনান্স কোর্পোরেসন লিমিতেদ (NEDFi)না মরুওইবা থৌদাং লৌরি। NEDFiনা এন্তপ্রেন্যোরশিপ দিবেলপমেন্ত অমসুং ইকোসিস্তেম মপাঙ্গল কনখৎহন্নবা অনৌবা থৌরাং কয়া পায়খৎলি। মসিনা অৱাং-নোংপোক্কী রাজ্য পুম্নমক্তা এন্তপ্রেন্যোরশিপকী খুদোংচাবশিং, সরকারগী স্কিমশিং অমসুং ইনস্তিত্যুস্নেল সপোর্তকী মতাংদা এৱেয়রনেস হেনগৎহন্নবা বিজিনেস মীতশিং পাংথোকই। বিজিনেস ফেসিলিতেসন সেন্তরশিংগী খুত্থাংদা, NEDFiনা অহানবা জেনরেসনগী এন্তপ্রেন্যোরশিংদা প্রোজেক্ত শেম-শাবদা, ফাইনান্সিয়েল প্লান্নিং, ক্রেদিৎ লিঙ্কেজ অমসুং মার্কেত এক্সেসতা লমজিং-লমতাক পীরি। মসিগী সস্তেনেবল লাইবলিহুদ প্রোগ্রামশিংগী মখাদা, বেম্বু, বনানা ফাইবর অমসুং হেন্দলুমগুম্বা ত্রেদিস্নেল ক্রাফশিংদা থবক তৌরিবা আর্তিসানশিংনা স্কিল দিবেলপমেন্ত অমসুং মার্কেতিং সপোর্ত অসি একজিবিসন অমসুং দেদিকেতেদ শো রুমশিংগী খুত্থাংদা ফংলি। NEDFiনা নোর্থ ইস্ত ভেঞ্চর ফন্দ (NEVF)গী খুত্থাংদা অৱাং নোংপোক লমদমগী স্তার্তঅপ ইকোসিস্তেম চাউখৎহনবদা মতেং পাংলি। মসিগী মথক্তা, NEDFiনা লমদম অসিগী স্তার্তঅপশিংবু হেন্দহোল্দিং অমসুং মেন্তোরিং সপোর্ত পীদুনা মতেং পাংলি।

মাইক্রো, স্মোল অমসুং মেদিয়ম ইন্তর্প্রাইজেস (MSME)শিংনা মখোয়গী ব্যুজিনেসশিং চাউখৎহন্নবা লোন ফংহনবদা মতেং পাংনবা সরকারনা শৌগৎলিবা ইনিসিয়েতিব অমা ওইরিবা MSMEশিংগীদমক ম্যুচ্যুৱল ক্রেদিৎ গেরেন্তী স্কিম (MCGS-MSME) স্কিম অসিনা MSMEশিংদা লোনশিং, মরুওইনা মরুওইবা ইক্বিপমেন্ত অমসুং মেছিনরীশিং লৈনবা লোনশিং হেন্না লায়না ফংহন্নবা ক্রেদিৎ গরেন্তীশিং পীরি। ইলিজিবল ওইরবা লোন লৌরিবশিং, মরুওইনা MSMEশিংদা হৌজিক লৈরিবা ৱার্কিং কেপিতেল লিমিৎকী 20% ফাওবা অহেনবা ক্রেদিৎ সপোর্ত পীনবগীদমক এক্সপোর্তরশিংগীদমক ক্রেদিৎ গেরেন্তী স্কিম (CGSE) 12.11.2025দা অয়াবা পীখি।

দিপার্তমেন্ত ওফ পোস্ত (DoP)না পোস্ত ওফিস সেভিং বেঙ্ক (POSB) সর্বিস অমসুং ইন্দিয়া পোস্ত পেমেন্ত বেঙ্ক (IPPB)গী খুত্থাংদা শেল-থুমগী ইনক্লুজন অমসুং দিজিতেল পেমেন্তশিং ফংহন্নবা হোৎনরি। DoPনা অৱাং-নোংপোক লমদমগী পোস্ত ওফিসশিংগী নেতৱার্ককী খুত্থাংদা অরোইবা মাইলগী কস্তমরশিংদা পোত্থোক অমসুং সর্ভিসশিংগী মখল-মখা কয়া অমা শেল চঙদনা ফংহন্দুনা দিজিতেলাইজেসন অমসুং ফাইনান্সিয়েল ইনক্লুজনগী মায়কৈদা থবক তৌরি।

মসিগী পাউ অসি অৱাং নোংপোক লমদমগী চাউখৎ-থৌরাং মন্ত্রালয়গী রাজ্য মন্ত্রী, দা. সুকান্তা মজুমদারনা ঙসি রাজ্য সভাদা ৱাহং অমগী অইবা পাউখুম পীখিবনি।

*****