اگست 2019 سے، حکومتِ ہند ریاستوں کے اشتراک سے جل جیون مشن (جے جے ایم) – ہر گھر جل پر عمل درآمد کر رہی ہے، جس کا مقصد ہر دیہی گھر کو باقاعدہ اور طویل مدتی بنیادوں پر، مقررہ معیار (بی آئی ایس: 10500) کے مطابق، 55 لیٹر فی کس یومیہ (1 پی سی ڈی) کی سروس لیول پر نل کے ذریعے پینے کے قابل پانی فراہم کرنا ہے۔

جل جیون مشن کے اعلان کے وقت، صرف 3.23 کروڑ (17فیصد) دیہی گھروں میں نل کے پانی کے کنکشن کی اطلاع تھی۔ ریاستوں/یوٹیز  کی جانب سے 10.02.2026 تک فراہم کردہ رپورٹ کے مطابق، اب تک تقریباً 12.56 کروڑ اضافی دیہی گھروں کو نل کے پانی کے کنکشن فراہم کیے جا چکے ہیں۔ اس طرح، اطلاع ہے کہ 10.02.2026 تک، ملک کے تقریباً 5.86 لاکھ گاؤوں میں موجود 19.36 کروڑ دیہی گھروں میں سے تقریباً 15.69 کروڑ (81.02 فیصد) گھر، جو کہ تقریباً 5.82 لاکھ گاؤوں میں پھیلے ہوئے ہیں، میں نل کے ذریعے پانی کی فراہمی حاصل ہے۔ مزید برآں، 10.02.2026 تک، 2.72 لاکھ سے زائد گاؤوں کو’ہر گھر جل قرار دیا گیا ہے یعنی ان گاؤوں میں 100 فیصد دیہی گھروں میں نل کے پانی کی سپلائی ہے۔ ریاست/یوٹی کے لحاظ سے تفصیلات پبلک ڈومین میں دستیاب ہیں اور جے جے ایم- آئی ایم آئی ایس کے ذریعے درج ذیل لنک پر دیکھی جا سکتی ہیں:

https://ejalshakti.gov.in/JJM/JJMReports/Physical/Rpt_JJM_VillageWisePWSReport.aspx

پینے کا پانی ریاست کا موضوع ہونے کے ناطے، جل جیون مشن کے تحت پینے کے پانی کی فراہمی کی اسکیموں کی منصوبہ بندی، منظوری، نفاذ، آپریشن اور دیکھ بھال کی ذمہ داریاں ریاست/یوٹی حکومتوں پر عائد ہوتی ہیں۔ حکومتِ ہند تکنیکی اور مالی امداد فراہم کر کے ریاست/یوٹی حکومت کی کوششوں میں تعاون کرتی ہے۔ 28.01.2026 تک جل جیون مشن کے تحت ہونے والی سالانہ مالی پیش رفت کی تفصیلات درج ذیل ہیں:

 

(رقم کروڑ میں)

#کل استعمال  منظور شدہ مرکزی لاگت 2,08,652 کروڑ روپے تک محدود

 

ماخذ: جے جے ایم: آئی ایم آئی ایس

 

مشن کے تحت مالی پیش رفت کی سالانہ اور ریاست/یوٹی کے لحاظ سے تفصیلات پبلک ڈومین میں دستیاب ہیں اور یہاں دیکھی جا سکتی ہیں:

https://ejalshakti.gov.in/JJM/JJMReports/Financial/JJMRep_StatewiseAllocationReleaseExpenditure.aspx

 

پورے ملک میں جے جے ایم کی تیز رفتار منصوبہ بندی اور نفاذ کے لیے متعدد اقدامات کیے گئے ہیں، جن میں خاص طور پر ریاستوں/یوٹیز کے سیچوریشن پلانز اور سالانہ ایکشن پلانز (اے اے پی) پر مشترکہ بات چیت اور انہیں حتمی شکل دینا، نفاذ کا باقاعدہ جائزہ، صلاحیت سازی کے لیے ورکشاپس/کانفرنسیں/ویبینرز، تربیت، معلومات کا تبادلہ اور تکنیکی مدد فراہم کرنے کے لیے کثیر شعبہ جاتی ٹیموں کے فیلڈ دورے وغیرہ شامل ہیں۔ جل جیون مشن کی مؤثر منصوبہ بندی اور نفاذ میں سہولت فراہم کرنے کے لیے ریاستوں/یوٹیز کے ساتھ جے جے ایم کے نفاذ کے لیے تفصیلی آپریشنل گائیڈ لائنز؛ دیہی گھروں میں پینے کا صاف پانی فراہم کرنے کے لیے گرام پنچایتوں اور  وی ڈبلیو ایس سی کے لیے مارگ درشیکا اور آنگن واڑی مراکز، آشرم شالاؤں اور اسکولوں میں پائپ کے ذریعے پانی کی فراہمی کے لیے ایک خصوصی مہم سے متعلق رہنما خطوط شیئر کیے گئے ہیں۔ آن لائن مانیٹرنگ کے لیے جے جے ایم-انٹیگریٹڈ مینجمنٹ انفارمیشن سسٹم (آئی ایم آئی ایس) اورجے جے ایم-ڈیش بورڈ قائم کیا گیا ہے۔ پبلک فنانشل مینجمنٹ سسٹم (پی ایف ایم ایس) کے ذریعے شفاف آن لائن مالیاتی انتظام کا بھی بندوبست کیا گیا ہے۔

 

مزید برآں، مکانات اور شہری امور کی وزارت نے مطلع کیا ہے کہ حکومتِ ہند مختلف اسکیموں/مشنوں جیسے اٹل مشن برائے بحالی اور شہری کایا پلٹ (امرت) اور  امرت 2.0 کے ذریعے ریاستوں کو مالی اور تکنیکی مدد فراہم کرتی ہے۔ مرکزی حکومت نے 25 جون 2015 کو ملک کی تمام ریاستوں/یوٹیز کے 500 شہروں (485 شہر بشمول 15 ضم شدہ شہر) کے لیے امرت مشن کا آغاز کیا تھا۔ اس مشن کے اہم توجہ طلب شعبوں میں پانی کی فراہمی، سیوریج اور سیپٹیج مینجمنٹ، اسٹورم واٹر ڈرینج، سبزہ زار اور پارکس اور غیر مشینی شہری نقل و حمل شامل تھے۔ امرت کے تحت 43,359.6 کروڑ روپے مالیت کے 1,403 واٹر سپلائی پروجیکٹس شروع کیے گئے ہیں۔ امرت کے تحت کل 6,140 ملین لیٹر یومیہ (ایم ایل ڈی) واٹر ٹریٹمنٹ پلانٹ (ڈبلیو ٹی پی)  کی گنجائش منظور کی گئی ہے، جس میں سے 5,330 ایم ایل ڈی گنجائش تیار کی جا چکی ہے اور کل 73,520 کلومیٹر طویل واٹر سپلائی پائپ لائن نیٹ ورک بچھایا یا تبدیل کیا گیا ہے۔

 

امرت 2.0  اسکیم کا آغاز یکم اکتوبر 2021 کو تمام شہری مقامی اداروں  یو ایل بی/شہروں میں کیا گیا تاکہ شہروں کو ’خود کفیل‘ اور ’پانی کے لحاظ سے محفوظ‘ بنایا جا سکے۔ 500 امرت شہروں میں سیوریج اور سیپٹیج مینجمنٹ کی مکمل کوریج فراہم کرنا امرت 2.0 کے اہم توجہ طلب شعبوں میں سے ایک ہے۔ آبی ذخائر کی بحالی، سبزہ زاروں اور پارکوں کی ترقی مشن کے دیگر اجزاء ہیں۔ امرت 2.0 کے تحت اب تک مکانات اور شہری امور کی وزارت(ایم او ایچ یو اے) کی جانب سے 1,19,636.49 کروڑ روپے مالیت کے 3,528 واٹر سپلائی پروجیکٹس کی منظوری دی گئی ہے۔ منظور شدہ منصوبوں میں 11,393 ایم ایل ڈی واٹر ٹریٹمنٹ پلانٹ کی گنجائش اور تقریباً 1.26 لاکھ کلومیٹر طویل واٹر سپلائی نیٹ ورک شامل ہے۔ مشن کے تحت، ریاستوں/مرکز کے زیر انتظام علاقوں  کو منصوبوں کے انتخاب، تشخیص، تجویز اور نفاذ کا اختیار دیا گیا ہے۔ امرت اور امرت 2.0 کے تحت فنڈز ریاستوں/یوٹیز کو الاٹ/جاری/منظور کیے جاتے ہیں نہ کہ شعبہ کے لحاظ سے۔ امرت/امرت 2.0 کے تحت اور ریاستوں کے اشتراک سے اب تک کل 238 لاکھ گھریلو نل کے کنکشن فراہم کیے جا چکے ہیں۔

 

یہ معلومات جل شکتی کے وزیر مملکت جناب وی سومنا نے آج لوک سبھا میں ایک سوال کے تحریری جواب میں فراہم کیں۔

 

********

ش ح۔ک ح۔ ج

U. No. 2269

(ریلیز آئی ڈی: 2227160) وزیٹر کاؤنٹر : 8