ہندوستان کے محکمہ موسمیات(آئی ایم ڈی) کی گزشتہ تین برسوں (25-2023) کے دوران موسمی مانسون کی پیش گوئی کی کارکردگی مندرجہ ذیل ہے:

 

 

2023-2025 کے دوران آپریشنل پیش گوئی کی کارکردگی سے پتہ چلتا ہے کہ ان 3 برسوں میں سے ہر ایک کے دوران اصل بارش پیشن گوئی کی حدود  کے اندر اور درست تھی ۔  3 برس کی مدت کے دوران پیشن گوئی کی اوسط مطلق غلطی ایل پی اے کا 1.9 ؍فیصد تھا۔

 

موسمی بارش کی پیش گوئی اور حقیقی بارش کے درمیان فرق بنیادی طور پر بڑے پیمانے پر موسمی عوامل سے متعلق غیر یقینی صورتحال اور ان کے پیش گوئی کے ماڈلز میں نمائندگی کی وجہ سے پیدا ہوتا ہے۔ موسمی بارش کی پیش گوئیاں ای این ایس او کے ارتقا اور اس کے ہندوستانی موسم گرما کے مانسون پر اثرات کی وجہ سے ہوتی ہیں۔ اس کے علاوہ، انڈین اوشن ڈائپول (آئی او ڈی) اور اس کا مانسون گردش کے ساتھ تعامل مزید غیر یقینی صورتحال پیدا کرتا ہے۔  مانسون کے موسم کے دوران اندرونی موسمی تغیرات کی زیادہ مقدار بھی پیش گوئی کی قابلِ اعتمادیت کو محدود کرتی ہے، خاص طور پر موسمیاتی تبدیلی کے حالات میں۔ اس کے علاوہ سینوپٹک سطح کے نظامات جیسے مانسون کے کم دباؤ والے نظامات اور ان سے متعلقہ بارش کی درست نقل کرنے میں کمی، وسطی  ہندوستان اور ہمسایہ علاقوں میں ابتدائی پیش گوئی کی درستگی کو کم کرتی ہے۔

وزارت کے ماتحت ہندوستانی محکمہ موسمیات نے پیشن گوئی کی درستگی کو بہتر بنانے کے لیے جدید موسمیاتی ماڈلنگ ٹولز اور ہائی ریزولوشن سیٹلائٹ ڈیٹا کو مربوط کرنے کے لیے کئی اقدامات کیے ہیں۔ ان میں ملٹی ماڈل اینسمبل (ایم ایم ای)سسٹمز کے ذریعے جوڑے ہوئے عالمی اور علاقائی آب و ہوا کے ماڈلز کے آؤٹ پٹ کا آپریشنل استعمال اور مختلف قسم کے مشاہدات کو مؤثر طریقے سے استعمال کرنے کے لیے اعدادوشمار جمع کرنے کی جدید تکنیک شامل ہیں۔ ہندوستانی اور بین الاقوامی سیٹلائٹس سے ہائی ریزولوشن سیٹلائٹ ڈیٹا/تصاویر کو معمول کے مطابق بادلوں، بارش، سطح سمندر کے درجہ حرارت، ہواؤں اور دیگر ماحولیاتی پیرامیٹرز کی نگرانی کے لیے استعمال کیا جاتا ہے۔ اس کے علاوہ، اعلیٰ کارکردگی والی کمپیوٹنگ سہولیات، جدید عددی پیشین گوئی کے ماڈل اور ابھرتی ہوئی تکنیک جیسے مصنوعی ذہانت(اے آئی)اور مشین لرننگ(ایم ایل)کو مشن موسم جیسے اقدامات کے تحت اپنایا جا رہا ہے تاکہ پیشن گوئی کی درستگی، مقامی ریزولوشن اور مختلف ٹائم اسکیلز میں لیڈ ٹائم کو مزید بہتر بنایا جا سکے۔

آئی ایم ڈی  مانسون کی بارش کی پیش گوئی کے لیے پہلے سے ہی دستیاب جدید ترین ٹیکنالوجیز اور پیش گوئی کی تکنیکوں کا استعمال کر رہا ہے۔ تاہم، پیشن گوئی کی درستگی میں بہتری ایک مسلسل عمل ہے اورجب بھی اس کا ادراک ہوگا،آئی ایم ڈی ہمیشہ نئی ٹیکنالوجیز اور پیش گوئی کی تکنیکوں کو اپنانے کے لیے تیار رہے گا۔

 ارضیاتی سائنسزکے مرکزی وزیر مملکت (آزادانہ چارج) ڈاکٹر جتیندر سنگھ نے 12 فروری 2026 کو راجیہ سبھا میں یہ معلومات فراہم کیں۔

*********

ش ح۔م ع ن۔ت ا

U.NO :2256

(ریلیز آئی ڈی: 2227021) وزیٹر کاؤنٹر : 7