দিপার্তমেন্ত ফোর প্রমোসন ওফ ইন্দস্ত্রী অমসুং ইন্তরনেল ত্রেদ  (DPIIT), কম্মর্স অমসুং ইন্দস্ত্রী মন্ত্রালয়না লৈবাক অসিদা লোজিস্তিক্স সেক্তরগী ইন্তিগ্রেতেদ দিবেলপমেন্তকীদমক থৌদাং লৌরি। DPIITগী মতুং ইন্না অৱাং-নোংপোক লমদমদা লোজিস্তিক্সকী খোংথাংশিং অসি কনেক্তিবিতী, ত্রেদ অমসুং ইন্দস্ত্রীয়েল পোলিসীশিংগা চান্নহন্নবা ইন্তর-মিনিস্ত্রীয়েল কোওর্দিনেসন মেকানিজম অমা ২০২১গী ওক্তোবরদা হৌদোকখিবা পি.এম. গতিশক্তি নেস্নেলমাস্তর প্লানদা য়ুমফম ওই।

মসিগী মথক্তা, NERদা লোজিস্তিক্স ইকোসিস্তেম অসি য়েংশিন্নবা অমসুং লোজিস্তিক্স প্লান্নিংবু মপাঙ্গল কনখৎহন্নবা থৌরাংশিং অদুগীদমক ইন্তর-মিনিস্ত্রীয়েল কমিতী (IMC) অমা জুলাই ২০২৪দা অৱাং নোংপোক লমদমগী দিবেলপমেন্ত মন্ত্রালয়না ৭১শুবা প্লেনরী কাউন্সিলগী ৱারেপশিংগী মতুং ইন্না শেমখি। মসিগী রোদমেপ অসিগী থবক-থৌরমশিং পাইখৎপদা DPIIT (লোজিস্তিক্স দিভিজন) অমসুং অতোপ্পা মরী লৈনবা লাইন মিনিস্ত্রীশিং অমসুং অৱাং-নোংপোক্কী রাজ্য ৮গী মীহুৎশিং য়াওনা এ MDoNERগী মখাদা শেমখিবা স্তিয়রিং গ্রুপ অমনা য়েংশিল্লি।

এক্সতর্নেল এফিয়র্স মন্ত্রালয়গী মতুং ইন্না, ভারতকী এক্ত ইস্ত অমসুং নেবরহুদ ফার্স্ত পোলিসীশিংগী মখাদা, সরকারনা ম্যানমার ফাওদুনা কনেক্তিবিতী প্রোজেক্ত অনি পায়খৎলি, মসিনা এসিয়ানগী কৈথেলশিংদা হেন্না ফবা খুদোংচাবা ফংহল্লগনি। মখোয়শিং অসি কালাদান মল্তি মোদেল ত্রান্সিৎ ত্রান্সপোর্ত অমসুং ভারত-ম্যানমার-থাইলেন্দ ত্রাইলেতরেল হাইৱেনি।

অৱাং-নোংপোক লমদম অসি লোজিস্তিক্স অমসুং ললোন-ইতিক্কী থোং অমা ওইনা শেমগৎনবা রোদমেপ অসি মল্তি-প্রোঙ্গ স্ত্রাতেজী অমগী খুত্থাংদা চৎথরি। মসিদা পি.এম. গতিশক্তিদা য়ুম্ফম ওইবা থৌরাংগী মতেংগা লোইননা কোওর্দিনেতেদ পোলিসী প্লান্নিং অমসুং ইনস্তিত্যুস্নেল মেকানিজমশিং য়াওরি। মসিনা মল্তি-মোদেল কনেক্তিবিতী, ইন্দস্ত্রীয়েল ক্লস্তরশিং, লোজিস্তিক পার্কশিং, ঙমখৈগী ইনফ্রাস্ত্রকচর অমসুং শেন্মিৎলোনগী এসেতশিংগী ইন্তিগ্রেতেদ জিওস্পেসিএল মেপ্পিং তৌবা ঙমহল্লি অমসুং মরী লৈনবা লাইন মন্ত্রালয়শিংনা পায়খৎলিবা প্রোজেক্তশিংগী খুত্থাংদা ফিজিকেল কনেক্তিবিতী মপাঙ্গল কনখৎহল্লি।

মসিগী পাউ অসি অৱাং নোংপোক লমদমগী দিবেলপমেন্ত মন্ত্রালয়গী রাজ্য মন্ত্রী, দা. সুকান্তা মজুমদারনা ঙসি লোক সভাদা ৱাহং অমগী অইবা পাউখুম ওইনা হায়খি।

*****