حکومت بڑے عوامی فنڈ سے چلنے والے تحقیقی اداروں کی جانب سے تیار کی گئی اور صنعت کو منتقل کی گئی ٹیکنالوجیز کی تعداد سے متعلق اعداد و شمار محفوظ رکھتی ہے۔ گزشتہ پانچ برسوں کی تفصیلات ضمیمہ-1 میں دی گئی ہیں۔

حکومتِ ہند کے پرنسپل سائنٹفک ایڈوائزر کے دفتر نے مرکزی طور پر مالی معاونت یافتہ تحقیق و ترقیاتی اداروں (غیر تزویراتی شعبوں میں) کی کارکردگی کے جائزے کے لیے دو مطالعات انجام دیے، جن میں دانشورانہ املاک اور ٹیکنالوجی کی منتقلی بھی مختلف پیمانوں میں شامل تھیں۔ اس سلسلے میں ”ایویلیوایشن آف دی اِنویشن ایکسیلنس انڈیکیٹرز: رپورٹ آن پبلک فنڈڈ ریسرچ اینڈ ڈیولپمنٹ آرگنائزیشنز (راؤنڈ 1) اور (راؤنڈ 2)“ کے عنوان سے رپورٹس بالترتیب 2022 اور 2025 میں جاری کی گئیں۔ اس کام میں کنفیڈریشن آف انڈین انڈسٹری اور سینٹر فار ٹیکنالوجی، اِنویشن اینڈ اکنامک ریسرچ نے علمی شراکت دار کے طور پر کردار ادا کیا۔ نیتی آیوگ کے ورکنگ پیپر نمبر WPS (NITI Aayog)/11/2025 بعنوان ”پبلک آر اینڈ ڈی انسٹی ٹیوٹس اِن انڈیا: مواقع برائے کثیر شعبہ جاتی اور نظامی انضمام“ میں 1,800 سے زائد عوامی آر اینڈ ڈی اداروں کا تشخیصی تجزیہ پیش کیا گیا، جس میں ٹیکنالوجی کی تجارتی کاری میں موجود خلا کی نشاندہی کی گئی۔ تحقیق سے بازار تک منتقلی کو متاثر کرنے والے عوامل میں ادارہ-صنعت-حکومت روابط کی کمزوری، اداروں میں ٹیکنالوجی ٹرانسفر آفس کی عدم موجودگی اور سائنس دانوں و محققین کے لیے اطلاقی تحقیق کی حوصلہ افزائی کے فقدان شامل ہیں۔ ان عوامل سے نمٹنے کے لیے حکومت نے متعدد ساختی، مالی اور پالیسی اصلاحات کا آغاز کیا ہے، جن کی تفصیل ذیل میں دی جا رہی ہے: -

• ڈی ایس ٹی کے تحت قائم انوسندھان نیشنل ریسرچ فاؤنڈیشن نے مختلف پروگراموں کے ذریعے صنعت اور اکیڈمیا کے روابط کو مضبوط بنایا ہے۔ تعلیمی تحقیق اور منڈی کے لیے تیار مصنوعات کے درمیان خلا کو پُر کرنے کا ایک اہم طریقہ ٹیکنالوجی ریڈینس لیول کے مختلف مراحل پر منظم معاونت فراہم کرنا ہے۔ نئے فریم ورک کے تحت اے این آر ایف بنیادی اور ابتدائی مرحلے کی تحقیق، یعنی ٹی آر ایل-4 تک کی معاونت کرتا ہے، جبکہ 1 لاکھ کروڑ روپے کے مجموعی فنڈ کے ساتھ شروع کی گئی آر ڈی آئی اسکیم ٹی آر ایل-4 سے اوپر کے منصوبوں کی مالی معاونت کرتی ہے تاکہ نمونہ جات کی تیاری، توسیع اور تجارتی کاری کو فروغ دیا جا سکے۔ یہ مربوط طریقۂ کار لیبارٹری کی تحقیق سے تجارتی طور پر قابلِ استعمال ٹیکنالوجیز تک ہموار منتقلی کو یقینی بناتا ہے اور ادارہ-صنعت-حکومت روابط کو مزید مستحکم کرتا ہے۔ ڈی بی ٹی کے تحت بی آئی آر اے سی بھی اکیڈمیا اور صنعت کے درمیان خلا کو کم کرنے کے لیے مخصوص اسکیموں جیسے بایوٹیکنالوجی اگنیشن گرانٹ اور بایونیسٹ کے ذریعے خصوصی معاونت فراہم کرتا ہے۔
• اکیڈمیا، تحقیق و ترقیاتی لیبارٹریوں اور صنعت کے درمیان خلا کو کم کرنے کے لیے ٹیکنالوجی ٹرانسفر آفس کے قیام اور مضبوطی کے لیے متعدد اقدامات کیے گئے ہیں۔ قومی دانشورانہ املاک پالیسی (2016) میں جامعات اور آر اینڈ ڈی اداروں میں ٹی ٹی او کے قیام پر زور دیا گیا تاکہ دانشورانہ املاک کی تجارتی کاری کو فروغ دیا جا سکے۔ نیشنل ریسرچ ڈیولپمنٹ کارپوریشن تحقیق و ترقیاتی اداروں سے ٹیکنالوجی کی منتقلی اور تجارتی کاری کو فروغ دیتا ہے اور بیج فنڈنگ، پیٹنٹ معاونت، ٹیکنالوجی کی توثیق اور لائسنسنگ کے ذریعے ٹی ٹی او کی حمایت کرتا ہے اور اکثر اختراعات کو تجارتی شکل دینے کے لیے ثالثی کردار ادا کرتا ہے۔ این آر ڈی سی کی کوششوں سے 5,000 سے زائد ٹیکنالوجی ٹرانسفر معاہدے ممکن ہوئے ہیں، جس سے تعلیمی تحقیق کو تجارتی کامیابی میں بدلنے میں مدد ملی ہے۔ اہم تکنیکی اداروں جیسے آئی آئی ٹی، این آئی ٹی اور سی ایس آئی آر کی لیبارٹریوں نے بھی لائسنسنگ اور تجارتی کاری کے امور سنبھالنے کے لیے ٹی ٹی او یا انٹلیکچوئل پراپرٹی مینجمنٹ سیل قائم کیے ہیں۔
• حکومت اطلاقی تحقیق کے فروغ کے لیے مختلف ترغیبات فراہم کرتی ہے، جن میں براہِ راست گرانٹس، خصوصی فیلوشپس، بنیادی ڈھانچے کی معاونت اور ضابطہ جاتی سہولتیں شامل ہیں۔ بی آئی آر اے سی ابتدائی مرحلے کے اسٹارٹ اپ اور انفرادی سائنس دانوں کو پروف آف کانسیپٹ مرحلے تک پہنچنے کے لیے 50 لاکھ روپے تک کی مالی معاونت فراہم کرتا ہے۔ اے این آر ایف کے تحت ٹرانسلیشنل ریسرچ اینڈ انویشن اقدام کے ذریعے اے ٹی آر آئی مراکز قائم کیے جائیں گے، جو ٹیکنالوجیز کو TRL 4 سے TRL 7 تک آگے بڑھانے میں مدد دیں گے، یوں لیبارٹری سے منڈی تک اختراع کے سلسلے کو مضبوط بنایا جائے گا۔

ہر ادارہ اپنی ادارہ جاتی مخزن یا ٹیکنالوجیز کی فہرست برقرار رکھتا ہے، جس میں وہ ٹیکنالوجیز بھی شامل ہوتی ہیں جو نفاذ کے لیے تیار ہیں اور وہ بھی جو زیرِ ترقی ہیں۔

ٹیکنالوجی کی تجارتی کاری کے لیے عوامی تحقیقی اداروں، سرمایہ کاروں اور صنعت کے درمیان ہم آہنگی کو فروغ دینے کی غرض سے متعلقہ محکموں کی جانب سے متعدد ادارہ جاتی طریقۂ کار، خصوصی اسکیمیں اور پروگرام وضع کیے گئے ہیں۔ اہم اقدامات کی تفصیلات ذیل میں پیش کی جا رہی ہیں: -

• کونسل آف سائنٹفک اینڈ انڈسٹریل ریسرچ میں لیبارٹری اور ہیڈکوارٹر دونوں سطحوں پر مخصوص بزنس ڈیولپمنٹ گروپ کام کرتے ہیں۔ یہ گروپس اکیڈمیا اور صنعت کے ساتھ رابطہ قائم کرتے ہیں تاکہ باہمی دلچسپی اور تکمیلی مہارت کے شعبوں میں اشتراکی تحقیق کو فروغ دیا جا سکے، نیز سی ایس آئی آر کی تیار کردہ ٹیکنالوجیز اور مصنوعات تک رسائی اور ان کے اختیار کو آسان بنایا جا سکے۔ ایم ایس ایم ای تک ٹیکنالوجی کی رسائی بڑھانے کے لیے سی ایس آئی آر نے لگھو ادیوگ بھارتی کے ساتھ شراکت داری بھی کی ہے۔ سی ایس آئی آر اپنی بعض لیبارٹریوں میں قائم انکیوبیشن مراکز کے ذریعے اسٹارٹ اپس کی معاونت بھی کرتا ہے، جہاں R&D کے لیے سائنسی مدد، نمونہ سازی کی سہولتیں، تجزیاتی پیمائشوں کے لیے R&D آلات کا استعمال، رہنمائی، مشاورتی خدمات، دانشورانہ املاک کی معاونت، اور صلاحیت سازی جیسی سہولتیں فراہم کی جاتی ہیں۔
• بی آر آئی سی-بی آئی آر اے سی انٹرپرینیور اِن ریزیڈنس پروگرام محکمہ بایوٹیکنالوجی کی جانب سے شروع کیا گیا ایک تزویراتی اقدام ہے، جس کا مقصد بایوٹیکنالوجی میں اختراع کو فروغ دینا، ہم آہنگ کرنا اور تیز تر بنانا ہے۔ یہ پروگرام تحقیق گاہ سے منڈی تک کے خلا کو پُر کرنے کے لیے تحقیقی اداروں، اکیڈمیا، صنعت اور سرمایہ کاروں کے درمیان تعاون کو سہل بناتا ہے، تاکہ بلند خطرے کی حامل جدید حیاتیاتی تحقیق کو قابلِ توسیع اور تجارتی حل میں بدلا جا سکے۔ ای آئی آر پروگرام نوجوان موجدین کو مالی معاونت اور وظیفہ، انکیوبیشن اور رہنمائی، مہارتوں کی ترقی، اور صنعت سے انضمام جیسی سہولتیں فراہم کر کے جدید حیاتیاتی تحقیق کو قابلِ عمل تجارتی حل میں تبدیل کرنے کے قابل بناتا ہے۔
• ڈی ایس ٹی کے تحت نافذ کیا جانے والا نِدھی پروگرام ایک منظم، کثیر اجزائی نظام کے ذریعے تحقیقی اداروں، سرمایہ کاروں اور صنعت کے درمیان ہم آہنگی کو فروغ دیتا ہے، جس کا مقصد لیبارٹری کی تحقیق کو تجارتی مصنوعات میں تبدیل کرنا ہے۔ ”اسٹارٹ ٹو اسکیل“ معاونت پر توجہ دیتے ہوئے، ندھی موجدین کو توثیق کے لیے صنعت اور مالی معاونت کے لیے سرمایہ کاروں سے جوڑتا ہے، یوں ٹیکنالوجی کی تجارتی کاری میں حائل خلا کو پُر کرتا ہے۔

وزارت کے تحت عوامی فنڈ سے چلنے والے تحقیقی ادارے اور دیگر سرکاری تنظیمیں پہلے ہی پینے کے پانی، صفائی ستھرائی، توانائی، صحتِ عامہ، نامیاتی کھیتی باڑی وغیرہ جیسے سماجی طور پر اہم شعبوں میں کم لاگت مقامی ٹیکنالوجیز تیار کر رہی ہیں۔ بھارت میں عوامی فنڈ سے چلنے والے R&D ادارے، جن کی قیادت بنیادی طور پر سی ایس آئی آر، ڈی بی ٹی، ڈی ایس ٹی، آئی سی اے آر، آئی سی ایم آر وغیرہ کر رہے ہیں، نے تحقیق کو قومی ترجیحات سے ہم آہنگ کرنے کے لیے مخصوص اسکیمیں اور پروگرام شروع کیے ہیں تاکہ اختراعات لیبارٹریوں سے نکل کر عملی زندگی میں استعمال تک پہنچ سکیں۔ ان سماجی طور پر اہم شعبوں میں تیار کی گئی چند نمایاں ٹیکنالوجیز کی تفصیلات، جو وزارت کے تحت عوامی فنڈ سے چلنے والے R&D اداروں نے تیار کی ہیں، ضمیمہ-2 میں فراہم کی گئی ہیں۔

 

ضمیمہ 1

 

1. Council of Scientific and Industrial Research (CSIR)

2. Department of Biotechnology (DBT)

3. Department of Science and Technology (DST)

 

4. Indian Council of Agricultural Research (ICAR)

 

ضمیمہ 2

Key, socially relevant technologies developed by public-funded R&D institutions under the Ministry of Science and Technology

 

 

سائنس اور ٹیکنالوجی اور ارضیاتی سائنس کے مرکزی وزیر مملکت (آزادانہ چارج) اور وزیر اعظم کے دفتر، عملہ، عوامی شکایات اور پنشن، ایٹمی توانائی اور خلا کے وزیر مملکت ڈاکٹر جتیندر سنگھ نے بدھ کو لوک سبھا میں ایک تحریری جواب میں یہ معلومات دی۔

********

ش ح۔ ف ش ع

U: 2183

(ریلیز آئی ڈی: 2226747) وزیٹر کاؤنٹر : 5