شماریات اور پروگرام کے نفاذ کی وزارت کو 150کروڑروپےیا اس سے اوپر کی لاگت سے جاری مرکزی سیکٹر انفراسٹرکچر پروجیکٹس کی حالت کی نگرانی کرنے کا پابند بنایا گیا ہے۔وزارت نے پیمانہ

(پروجیکٹ اسیسمنٹ انفراسٹرکچر مانیٹرنگ اینڈ اینالیٹکس فار نیشن بلڈنگ) کے نام سے ایک نیا ویب مانیٹرنگ سسٹم تیار کیا ہے جسے باضابطہ طور پر 25 ستمبر 2025 کو شروع کیا گیا تھا۔ سابقہ آن لائن کمپیوٹرائزڈ مانیٹرنگ سسٹم کو تبدیلکیا گیا۔ایک ڈیٹا ایک اندراج کے اصول کے مطابق پیمانہ پورٹل کو محکمہ برائے فروغ صنعت اور اندرونی تجارت (انٹیگریٹڈ پراجیکٹ مانیٹرنگ پورٹل) کے ساتھ ایپلی کیشن پروگرامنگ انٹرفیس  کے ذریعے مربوط کیا گیا ہے جو مرکزی وزارتوں/محکموں/پروجیکٹ کے ذریعے رپورٹ کردہ ڈیٹا کو خود بخود حاصل کرنے کے قابل ہے۔

 

اسی مناسبت سے،پیمانہ پورٹل کے ذریعے ویب سے تیار کردہ فلیش رپورٹ جولائی 2025 سے شائع ہو رہی ہے اور

 https://ipm.mospi.gov.in/ReportPage

پر دستیاب ہے۔

 

دسمبر 2025 تک، بنیادی ڈھانچے کے مرکزی سیکٹر کے منصوبے جن میں کوئی بھی مرکزی مدد حاصل ہے یا مرکزی وزارتوں/محکموں کی نگرانی میں) جس کی پروجیکٹ لاگت 150 کروڑ اور اس سے زیادہ ہے۔ 17 وزارتوں/محکموں میں پھیلے ہوئے ہیں۔ ان میں روڈ ٹرانسپورٹ اور ہائی ویز کی وزارت شامل ہے۔ بجلی کی وزارت؛ شہری ہوا بازی کی وزارت؛ پٹرولیم اور قدرتی گیس کی وزارت؛ محکمہ ٹیلی کمیونیکیشن؛ وزارت کوئلہ؛ ریلوے کی وزارت؛ سٹیل کی وزارت؛ آبی وسائل کا محکمہ، دریا کی ترقی اور گنگا کی بحالی؛ کانوں کی وزارت؛ ہاؤسنگ اور شہری امور کی وزارت؛ بندرگاہوں، جہاز رانی اور آبی گزرگاہوں کی وزارت؛ محکمہ اعلیٰ تعلیم؛ وزارت صحت اور خاندانی بہبود؛ اور شعبہ برائے فروغ صنعت اور اندرونی تجارت۔ مزید برآں، محکمہ کھیل اور وزارت محنت اور روزگار کو حال ہی میں شامل کیا گیا ہے۔

پورٹل قومی بنیادی ڈھانچے کی ترقی کے لیے ایک مرکزی ڈیٹا ریپوزٹری کے طور پر کام کرتا ہے اور ایک کلک، ویب سے تیار کردہ تجزیاتی رپورٹس کی سہولت فراہم کرتا ہے، جو ڈیٹا کی درستگی اور آپریشنل کارکردگی میں حصہ ڈالتا ہے۔ مزید، رپورٹوں کو بہتر بنانے، ان پٹ فارموں کو آسان بنانے، اور ٹیکنالوجی سے چلنے والی نگرانی کے لیے جدید تجزیات کے لیے اضافہ جاری ہے۔ اضافی اسٹیک ہولڈرز اور پراجیکٹس کی آن بورڈنگ کے لیے مسلسل کوششیں بھی جاری ہیں اور توقع ہے کہ اس کے نتیجے میں پراجیکٹ کے حجم میں اضافہ ہوگا۔ ماہانہ جائزہ اجلاسوں اور دیگر مواصلات کے ذریعے اسٹیک ہولڈرز کے ساتھ باقاعدہ رابطہ ثبوت پر مبنی نگرانی کو تقویت دیتا ہے۔

یہ معلومات شماریات اور پروگرام کے نفاذ کی وزارت کے وزیر مملکت (آزادانہ چارج) اور وزارت ثقافت میں وزیر مملکت راؤ اندرجیت سنگھ نے آج لوک سبھا میں ایک سوال کے تحریری جواب میں دی۔

 

(ش ح۔اص)

UR No 2210

(ریلیز آئی ڈی: 2226654) وزیٹر کاؤنٹر : 4