حکومت ہند کے اسکل انڈیا مشن (ایس آئی ایم) کے تحت ہنرمندی کے فروغ اور صنعت کاری کی وزارت (ایم ایس ڈی ای) مختلف اسکیموں کے تحت ہنرمندی کے فروغ کے مراکز کے ایک وسیع نیٹ ورک کے ذریعے اسکل، ری -اسکل اور اپ اسکل کی تربیت فراہم کرتی ہے ۔ یہ تربیت مختلف اسکیموں جیسے پردھان منتری کوشل وکاس یوجنا (پی ایم کے وی وائی) جن سکشن سنستھان (جے ایس ایس) نیشنل اپرنٹس شپ پروموشن اسکیم (این اے پی ایس) اور کرافٹ مین ٹریننگ اسکیم (سی ٹی ایس) کے تحت صنعتی تربیتی اداروں (آئی ٹی آئی) کے ذریعے ملک بھر میں معاشرے کے تمام طبقوں کو دی جاتی ہے۔ ایس آئی ایم کا مقصد ہندوستان کے نوجوانوں کو مستقبل کے لیے تیار کرنے  کے مقصد سے صنعت سے متعلق مہارتوں سے آراستہ کرنا ہے ۔

تمام شعبوں میں مشغول افرادی قوت کے لیے ہنر مندی کے فروغ کے مواقع کو بڑھانے کی خاطر، ایم ایس ڈی ای نے فوڈ/گروسری ڈیلیوری پلیٹ فارم سمیت مختلف صنعتی شراکت داروں کے ساتھ شراکت داری کی ہے ۔ ایم ایس ڈی ای نے سوئگی کے ساتھ ایک مفاہمت نامہ (ایم او یو) پر دستخط کیے ہیں اور ’سوئگی اسکلز‘ پہل کا آغاز کیا ہے، جو سوئگی کے فوڈ ڈیلیوری اور کوئک کامرس نیٹ ورک کے اندر متعدد قسم کے مہارت اور روزگار کے مواقع پیش کرتا ہے ۔ ایم ایس ڈی ای نے فلپ کارٹ کی سپلائی چین آپریشنز اکیڈمی (ایس سی او اے) کے ساتھ ایک مفاہمت نامہ پر بھی دستخط کیے ہیں ۔ پی ایم کے وی وائی 4.0 کے تحت، اس شراکت داری کا مقصد پورے ہندوستان میں نوجوانوں کی ہنرمندی کو بڑھانا، ای-کامرس اور سپلائی چین کے شعبوں میں ان کی ملازمت کے مواقع میں اضافہ کرنا ہے ۔ اس سلسلے میں فلپ کارٹ انٹرنیٹ پرائیویٹ لمیٹڈ کو نیشنل کونسل فار ووکیشنل ایجوکیشن اینڈ ٹریننگ (این سی وی ای ٹی) کی جانب سے ایوارڈ دینے والی باڈی (اے بی) کے طور پر بھی تسلیم کیا گیا ہے ۔

ہنر مندی کے فروغ کے پروگراموں کو صنعتی ضروریات کے ساتھ ہم آہنگ کرنے اور اس طرح ہنر مند افرادی قوت کی ملازمت کو بہتر بنانے کے لیے، ایم ایس ڈی ای کے زیراہتمام ڈی جی ٹی نے آئی بی ایم، سسکو، مائیکروسافٹ، اے ڈبلیو ایس وغیرہ جیسی مختلف کمپنیوں کے ساتھ مفاہمت ناموں پر دستخط کیے ہیں تاکہ ریاستی اور علاقائی سطحوں پر اداروں کے لیے صنعتی روابط کو یقینی بنایا جاسکے۔ ڈی جی ٹی، فلیکسی ایم او یو اسکیم اور ڈوئل سسٹم آف ٹریننگ (ڈی ایس ٹی) کو بھی نافذ کر رہا ہے جس کا مقصد آئی ٹی آئی کے طلبا کو ان کی ضروریات کے مطابق صنعتی ماحول میں تربیت فراہم کرنا ہے۔ یہ شراکت داریاں جدید ٹیکنالوجیز میں تکنیکی اور پیشہ ورانہ مہارتوں کی تربیت کی سہولت فراہم کرتی ہیں۔

یہ معلومات ہنر مندی کے فروغ اور صنعت کاری کی وزارت (ایم ایس ڈی ای) کے وزیر مملکت (آزادانہ چارج) جناب جینت چودھری نے آج راجیہ سبھا میں ایک تحریری جواب میں فراہم کیں ۔

**********

) ش ح –    م م      -  ش ہ ب )

U.No. 2160

 

(ریلیز آئی ڈی: 2226583) وزیٹر کاؤنٹر : 3