মকর সংক্রান্তি, লোহরি অমসুং পোঙ্গলগী শেংলবা থৌরমশিংদা লৌমীসিং, খুঞ্জাশিং অমসুং লৈবাক অসিগী মীয়ামদা এগ্রিকলচর অমসুং ফার্মরস ৱেলফিয়ার অমসুং রুরেল দিবলপমেন্তগী য়ুনিয়ন মিনিষ্টর শ্রী সিবরাজ সিংহ চৌহান্না য়াইফ পাউজেল পীখ্রে।

মহাক্কী পাউজেলদা, য়ুনিয়ন মিনিষ্টরনা হায়খি মদুদি ভারতকী লৌউ-শিংউগী ইনাকখুল্লবা চৎনবীশিং, মহৌশা লাইরেম্বীদা তৌবীমল খঙবা উৎপা অমসুং লৈবাক অসিগী য়াংলেন শরুক ওইরিবা থবক শুবা কনবা লৌমীশিং ইকায়খুম্নবগী খুদমশিং কুহ্মৈশিং অসিনা ওইরে। মকর সংক্রান্তি, লোহরি অমসুং পোঙ্গল লৈবাক শীনবা থুংনা হরাও-তয়াম্না পাংথোক্লি অমসুং মীয়াম মরক্ত অপুনবা, নুংশিনবা অমসুং অমগা অমগা মতেং পাংনবগী পাউজেল অমা পীরি।

য়ুনিয়ন মিনিষ্টরনা হায়খি মদুদি লৌউ-শিংউ, খুঙ্গংগী পুন্সিগা হায়রিবা কুহ্মৈশিং অসিগা অচেৎপা মরী লৈনরি অমসুং থবক কন্না শুবা, মান্নবা অমসুং নুংঙাই য়াইফবা শরুক য়ামিন্নবগী গুনশিংগী ইথিল পীরি। কুহ্মৈশিং অসিনা লৌমীশিং অমসুং খুঙ্গংগী ইমুংশিংদা অমুক হন্না নুংঙাই য়াইফবা পুরক্কনি অমসুং খুন্নাইগী মরীশিং চেৎশীনহনগনি অমসুং অপুনবগী নুংঙাইবদা মতেং পাংগনি। কুহ্মৈশিং অসিনা লৈবাক অসিগী মীয়ামদা হরাওবা, হকচাং ফবা অমসুং তুংগী য়াইফবা পুরকপা ঙমগনি অমসুং পুন্না হিংমিন্নবগী ৱাখল্লোন চেনহনগনি।

য়ুনিয়ন মিনিষ্টরনা পাউজেলশিং অসিগা লোয়ননা হায়খি মদুদি লৌমীশিং য়াইফনবা, খুঙ্গং চাউখৎনবা অমসুং অপুনবা ওইনা চাউখৎনবা সরকারনা থবকশিং পায়খৎলি, লৌউ-শিংউগা মরী লৈনবা কুহ্মৈশিংনা থবক শুবগী লেমজবা লৈবা, তুংকোইনা হিংবা অমসুং মহৌশাগীদমক অপুনবগী থৌদাং লৌমিন্নবা, লৈবাক চাউখৎপা, হৌজিক অমসুং তুংগী মীরোলশিং নুংঙাই য়াইফবা অমসুং শান্ত পুরকপা নিংশিংহল্লে। মহাক্না অমুক হন্না মীয়ামদা য়াইফ পাউজেল পীখি।

***