ઇઝ ઓફ ડુઇંગ બિઝનેસને પ્રોત્સાહન આપવા, પાલનને મજબૂત કરવા અને પારદર્શિતા વધારવા માટે MCA21 નું વર્ઝન-3 (MCA21 V3) લોન્ચ કરવામાં આવ્યું છે. MCA21 V3 દ્વારા વેબ ફાઇલિંગ, LLP મોડ્યુલ, કંપની મોડ્યુલ, ઈ-એન્ફોર્સમેન્ટ, ઈ-એડજ્યુડિકેશન, ઈ-કન્સલ્ટેશન, ઈ-બુક લર્નિંગ મેનેજમેન્ટ સિસ્ટમ જેવી કાર્યક્ષમતાઓ પહેલેથી જ અમલમાં મૂકવામાં આવી છે.

તમામ ફાઇલિંગ હવે V3 દ્વારા કરવામાં આવે છે. છેલ્લા ત્રણ વર્ષ દરમિયાન MCA21 V3 પોર્ટલ પર જે ફોર્મ ફાઈલ કરવામાં આવ્યા છે તે નીચે મુજબ છે:

નાણાકીય વર્ષ	ફાઈલ કરેલા ફોર્મ્સની કુલ સંખ્યા
2023-24	80,77,210
2024-25	87,79,125
2025-26 (31 જાન્યુઆરી 2026 સુધી)	86,99,486

MCA21 પોર્ટલ સંબંધિત ફરિયાદોના નિવારણ માટે હેલ્પડેસ્ક મિકેનિઝમની સ્થાપના કરવામાં આવી છે. નાણાકીય વર્ષ 2025-26 દરમિયાન (31 જાન્યુઆરી 2026 સુધી) પોર્ટલ પર 3,16,877 હેલ્પડેસ્ક ટિકિટો ઉભી કરવામાં આવી હતી જેમાંથી આશરે 98% સફળતાપૂર્વક ઉકેલાઈ હતી.

આ ટિકિટોમાં ટેકનિકલ સમસ્યાઓ, જાગૃતિના મુદ્દાઓ, પ્રોસેસિંગ સંબંધિત વિનંતીઓ અને હિતધારકોના સૂચનો અથવા પ્રતિસાદ સહિતના મુદ્દાઓનો સમાવેશ થાય છે.

MCA21 એ દર વર્ષે મોટી સંખ્યામાં ઈ-ફોર્મ્સ પર પ્રક્રિયા કરતી એક ટ્રાન્ઝેક્શન-હેવી સિસ્ટમ છે. છેલ્લા પાંચ વર્ષમાં (2021-2025), કુલ અંદાજે 3.84 કરોડ ફાઇલિંગ કરવામાં આવ્યા હતા. આમાંથી 3.33 કરોડ ફાઇલિંગ 'સ્ટ્રેટ થ્રુ પ્રોસેસ' (Straight Through Process) દ્વારા મંજૂર કરવામાં આવ્યા હતા, 40.8 લાખ ફાઇલિંગ સંબંધિત રજિસ્ટ્રાર ઓફ કંપનીઝ અને પ્રાદેશિક નિર્દેશકો દ્વારા મંજૂર કરવામાં આવ્યા હતા, જ્યારે 8.3 લાખ ફોર્મ સંબંધિત અધિકારીઓ દ્વારા નકારવામાં આવ્યા હતા.

આ માહિતી કોર્પોરેટ બાબતોના મંત્રાલયમાં રાજ્ય મંત્રી; અને સડક પરિવહન અને રાજમાર્ગ મંત્રાલયમાં રાજ્ય મંત્રી શ્રી હર્ષ મલ્હોત્રાએ આજે રાજ્યસભામાં એક પ્રશ્નના લેખિત જવાબમાં આપી હતી.

SM/JY/GP/JD

(રીલીઝ આઈડી: 2226088) મુલાકાતી સંખ્યા : 4