کیپسٹی بلڈنگ کمیشن (سی بی سی) نے 12 ستمبر - 2024 کو راشٹریہ کرمایوگی بڑے پیمانے پر جن سیوا پروگرام کا آغاز کیا،  یہ پروگرام  سرکاری ملازمین کے لیے ایک قومی طرز عمل کی تبدیلی کی پہل ہے۔ پروگرام کا فیز-ٹو آج کیپیسٹی بلڈنگ کمیشن کے رکن داکٹر بالا سبرامنیم کی صدارت میں ایک اختتامی سیشن کے ساتھ اختتام کو پہنچا ۔ ملک بھر میں اس انٹرایکٹو رویے کے تربیتی پروگرام کے تحت تقریباً 10.5 لاکھ سرکاری ملازمین کو تربیت دی گئی ہے۔ اختتامی اجلاس میں مختلف وزارتوں اور محکموں کے تقریباً 300 شرکاء نے عملی طور پر شرکت کی۔

ڈاکٹر آر بالاسبرامنیم، ممبر (ایچ آر)،  کیپیسٹی  بلڈنگ  کمیشن (سی بی سی) نے تمام شرکت کرنے والی وزارتوں، محکموں اور تنظیموں (ایم ڈی او ایس) کی پورے پروگرام میں پرجوش شمولیت کے لیے تعریف کی۔ انہوں نے اس بات پر زور دیا کہ اس پہل کا بنیادی مقصد ظاہری خدمت کے ساتھ اندرونی مقصد کو درست کرنا ہے، ہمدردانہ، موثر اور شہریوں پر مبنی خدمات کی فراہمی کو فروغ دینا ہے، جس میں ‘‘سیوا بھاؤ’’ کو محرک قوت کے طور پر شامل کیا گیا ہے۔ ڈاکٹر بالاسبرامنیم نے زور دیا کہ یہ محض ایک طویل مدتی تبدیلی کا آغاز ہے، ان کوششوں کو ادارہ جاتی بنانے پر زور دیتے ہوئے ایک جوابدہ، لچکدار اور مستقبل کے لیے تیار انتظامی کلچر کو فروغ دینے پر زور دیا۔  جناب  جگدیپ گپتا، سی بی سی کے سکریٹری نے ایم ڈی اوز کا شکریہ ادا کیا، جس میں 500 سے زیادہ تنظیموں کی شرکت کے بے مثال پیمانے اور زبردست مثبت فیڈ بیک کو اجاگر کیا۔‘الومنی نالج ریسورسز ’کے سی ای او، جناب  سری نواس  وی پروگرام کے لیے سی بی سی کے نالج پارٹنر نے اس پروگرام کے تحت تربیت یافتہ تقریباً 17,000 ماسٹر ٹرینرز کے اہم کردار کو تبدیلی کے  تحریک  کے طور پر تسلیم کیا۔ لیڈ اور ماسٹر ٹرینرز سمیت شرکاء نے اس پروگرام کو ایک تبدیلی کا تجربہ قرار دیا جس نے انہیں اور پروگرام کے اختتامی شرکاء کو اپنی توجہ معمول کے کام کی تکمیل سے اپنے فرائض کو بڑے قومی مقصد سے مربوط کرنے کی طرف منتقل کرنے میں مدد کی۔ تربیت نے انہیں اپنے روزمرہ کے کام میں‘سٹیزن –فرسٹ مائنڈ سیٹ’ ڈرائیونگ کی کارکردگی اور ہمدردی کو اپنانے کے قابل بنایا۔

 راشٹریہ کرمایوگی جن سیوا پروگرام کو سرکاری ملازمین میں سیوا بھاؤ (خدمت کا جذبہ) اور سوادھرم (ذاتی مقصد کے ساتھ منسلک فرض) کے گہرے احساس پر زور دینے کے لیے ڈیزائن کیا گیا تھا، جس کا مقصد شہریوں پر مبنی حکمرانی کو مضبوط کرنا ہے۔ اس پہل نے خدمات کی فراہمی کے معیار کو بہتر بنانے، انتظامی ڈھانچے میں ردعمل اور تعاون کو بڑھانے اور افسران کے درمیان زیادہ مصروفیت اور اطمینان کو فروغ دینے پر توجہ مرکوز کی۔

خیال رہے پروگرام کو مرحلہ وار نافذ کیا گیا۔ پہلا مرحلہ، جنوری 2025 میں شروع کیا گیا، جس کا مقصد دہلی این سی آر کے علاقے میں واقع مرکزی حکومت کی وزارتوں اور محکموں کے افسران اور اہلکاروں کو تربیت دینا ہے۔ پروگرام کے پہلے مرحلے کے تحت 86 وزارتوں، محکموں اور تنظیموں (ایم ڈی اوز) کے ہیڈ کوارٹرز میں 17,400 سے زیادہ افسران اور اہلکاروں کو تربیت دی گئی۔

 

فیز-1 نے ٹرینر ٹرینر ماڈل کو اپنایا، جس میں ڈائریکٹر اور ڈپٹی سکریٹری سطح کے افسران کو ماسٹر ٹرینرز کے طور پر نامزد کیا گیا۔ ان افسران نے کیپسٹی بلڈنگ کمیشن کی طرف سے کی گئی سخت تربیت حاصل کی اور اس کے بعد اپنی متعلقہ وزارتوں اور محکموں کے اندر مختلف سطحوں کے افسران  کو تربیتی سیشن فراہم کیے۔

پروگرام کا دوسرا مرحلہ اپریل 2025 میں شروع کیا گیا تھا اور پورے ملک میں مرکزی حکومت کی وزارتوں اور محکموں کے انتظامی کنٹرول کے تحت تنظیموں تک کوریج کو بڑھایا گیا تھا۔ جبکہ ابتدائی مقصد تقریباً 7,00,000 سرکاری ملازمین کو تربیت دینا تھا، لیکن یہ پروگرام توقعات سے بڑھ کر تھا اور ملک بھر میں 10,00,000 افسران اور اہلکاروں کو تربیت دی گئی۔ نو مہینوں کی مدت میں پروگرام نے مرکزی حکومت کی 65 سے زیادہ وزارتوں اور محکموں کی 500 سے زیادہ تنظیموں کا احاطہ کیا گیا۔

فیز-II پروگرام کا اختتام مرکزی حکومت کے اداروں میں وسیع پیمانے پر شرکت کے ساتھ ایک بڑے پیمانے پر طرز عمل کی تربیتی پہل کی تکمیل کی نشاندہی کرتا ہے۔ پروگرام کا ایک اہم نتیجہ 822 لیڈ-  ٹرینرز اور 16,500 سے زیادہ ماسٹر ٹرینرز کی ملک گیر جماعت کی تشکیل ہے، جو بالغوں کے لیے سیکھنے کے اصولوں اور سرگرمی پر مبنی سیکھنے کے طریق کار پر مبنی سہولت کاری کی مہارتوں سے لیس ہیں۔ اس گروپ نے وزارتوں، محکموں اور اداروں کے اندر  داخلی تربیتی صلاحیت کو مضبوط کیا ہے۔

جن سیوا پروگرام نے اداروں کے اندر تال میل کو مضبوط بناتے ہوئے وزارتوں اور محکموں میں باہمی تعامل اور سیکھنے کو فروغ دے کر ایک زیادہ مربوط اور تعاون پر مبنی حکومت کے مشن کرمایوگی کے ویژن کو بھی آگے بڑھایا۔

یہ بات وزارت داخلہ میں وزیر مملکت جناب نتیا نند رائے نے ایوان زیریں- لوک سبھا میں ایک سوال کے تحریری جواب میں کہی۔

*****

ش ح – ظ  ا – ن ع

UR No. 2034

(ریلیز آئی ڈی: 2225976) وزیٹر کاؤنٹر : 4