حکومت نے  آئی لینڈ یونین ٹیریٹریز (یو ٹی ایس) کی اقتصادی ترقی کو فروغ دینے کے لیے کئی اقدامات کیے ہیں۔اس حولہ سے  مختلف شعبوں میں اسٹریٹجک مداخلتیں کی گئی ہیں، جن میں سیاحت، ڈجیٹل/ٹیلی کام کنکٹی وٹی، سڑک/فضائی/سمندری رابطہ، بنیادی ڈھانچے کی ترقی، گورننس اصلاحات، اور بہت کچھ شامل ہے۔

سیاحت کو اس کے کثیرجہتی  اثرات  کی وجہ سے جزیرے کے زیر انتظام علاقوں میں ایک اہم شعبہ کے طور پر تسلیم کیا گیا ہے۔ انڈمان اور نکوبار جزائر (یو ٹی اے این آئی) نے سیاحت کی صنعت کا درجہ دیا ہے اور جزائر پر مختلف سیاحتی سرگرمیوں/ اقدام اور سیاحتی سرکٹس کو فروغ دے رہا ہے، جس میں ایکو ٹورزم، کروز ٹورزم، ثقافتی، ورثہ اور ایڈونچر ٹورزم کو فروغ دیا جارہاہے۔ یو ٹی انتظامیہ نے پرندوں کی نگرانی، کاروان سیاحت، لگژری ٹینٹ ٹورزم، آسٹرو ٹورازم اور ہاؤس بوٹ ٹورزم کے لیے نئی پالیسیاں مرتب کی ہیں۔ مزید برآں، موجودہ اور مستقبل میں ہوٹل کی رہائش کی ضروریات کو پورا کرنے کے لیے، شہید دیپ، ایوس اور لانگ آئی لینڈز میں ماحولیاتی سیاحت کے منصوبے اور سری وجے پورم میں میگا پوڈ ریزورٹ کے براؤن فیلڈ پروجیکٹ کو پی پی پی موڈ پر تیار کیا جا رہا ہے۔ ملکی اور غیر ملکی سیاحوں کو راغب کرنے کے لیے سوراج دیپ کے رادھا نگر بیچ کو بلیو فلیگ بیچ کے طور پر سرٹیفکیٹ دیا گیا ہے اور بلیو فلیگ سرٹیفیکیشن کے لیے مزید 10 ساحلوں کی نشاندہی کی گئی ہے۔

اسی طرح مرکز کے زیر انتظام علاقے لکشدیپ نے پی پی پی موڈ پرکدمت اور سہیلی جزائر پر اپنی نوعیت کے پہلے لیگون ولاز کی تعمیر کا کام شروع کیا ہے۔ بنگارام جزیرے پر سیاحوں کی رہائش کی دیرینہ مانگ کو پورا کرنے کے لیے 50 لگژری خیمے والے قیام اب کام کر رہے ہیں۔منی کوائے میں ٹھنڈی بیچ اور کدمت بیچ کو بلیو فلیگ بیچز کے طور پر سرٹیفکیٹ دیا گیا ہے، اور اسی طرح کے سرٹیفیکیشن کے لیے مزید دو ساحلوں کی نشاندہی کی گئی ہے۔

انفارمیشن  اور  کمیونکیشن ٹکنالوجی کی صلاحیت کو بروئے کار لانے اور شہریوں کو اس کے فوائد فراہم کرنے کے لیے چنئی انڈمان اور نکوبار جزائر (سی اے این آئی) آپٹیکل فائبر کیبل پروجیکٹ کا آغاز کرکے یو ٹی اے این آئی میں ڈجیٹل/ٹیلی کام کنکٹی وٹی کو بڑھانے کے لیے بڑے قدم اٹھائے گئے ہیں۔ بھارت نیٹ کے تحت تمام بلاکس، گرام پنچایتوں اور قبائلی کونسلوں کو جوڑ دیا گیا ہے۔ اسی طرح، کوچی لکشدیپ جزائر (کے ایل آئی) سب میرین آپٹیکل فائبر کیبل پروجیکٹ (کے ایل آئی-ایس او ایف سی پروجیکٹ) نے مین لینڈ (کوچی) اور یو ٹی لکشدیپ کے تمام آباد جزیروں کو سب میرین کیبل کے ذریعے جوڑ دیا گیا ہے۔ دونوں جزیرے یوٹی ایس میں انٹرنیٹ سروس کے لیے سیٹلائٹ ٹرانسپونڈرز کے ذریعے ریڈنڈینسی  کو بھی برقرار رکھا گیا ہے۔

جزائر کے لیے ہوائی رابطے کی اہمیت کو تسلیم کرتے ہوئے اے این آئی کے یو ٹی نے سری وجے پورم میں ویر ساورکر بین الاقوامی ہوائی اڈے کی نئی تعمیر شدہ جدید ٹرمینل والی عمارت نے کام  کرناشروع کردیاہے، جو سالانہ 50 لاکھ مسافروں کو سنبھال سکتا ہے۔ بین جزائرکنکٹی وٹی کو مضبوط بنانے کے لیے سری وجے پورم سے کار نکوبار، ڈگلی پور، مایابندر، رنگت، کمورتا، کچل، چورا، ٹریسا، شہید دیپ، سوراج دیپ، اور کیمبل بے تک ہیلی کاپٹر خدمات شروع کی گئی ہیں۔یو ڈی اے این –‘اڑان’اسکیم کے فوائد کو اے این آئی کے لوگوں تک پہنچانے کے لیے یو ٹی کا کا منصوبہ ہے کہ ڈگلی پور،کار نکوبار اور کیمپ بیل بے کو 19 سیٹوں والے فکسڈ ونگ ہوائی جہاز کے ساتھ جوڑاجائے۔ اسی طرح، لکشدیپ کے یو ٹی نے زمین (کوچی، گوا اور بنگلور) سے اگاتی جزیرے تک پروازوں کے ساتھ باقاعدہ رابطے کو یقینی بنایا ہے۔ جب کہ جزائر ئو ٹی ایس  میں بین جزائرکنکٹی وٹی کے لیے فیری خدمات دستیاب ہیں، وہیں ان یو ٹی ایس میں کئی جزیروں پر سمندری جہاز کی خدمات متعارف کرانے کا بھی منصوبہ ہے۔

چونکہ بنیادی ڈھانچہ اقتصادی ترقی کی بنیاد رکھتا ہے، کئی بنیادی ڈھانچے کے منصوبے -جیسے کہ سڑکیں، بندرگاہیں، جیٹیاں، جہاز رانی کی خدمات، صحت کی دیکھ بھال کی خدمات، قابل تجدید توانائی، ڈجیٹل گورننس وغیرہ جزائر کے زیر انتظام علاقوں میں شروع کیے گئے ہیں۔ مزید برآں، بنیادی ڈھانچہ اور لاجسٹکس، گہرے سمندر میں ماہی گیری، آبی زراعت، سمندری سوار کی کاشت، صلاحیت سازی، وغیرہ کو جزیرے کے زیر انتظام علاقوں میں ماہی گیری اور نیلی معیشت کو فروغ دینے کے لیے تیار کیا گیا ہے۔

دونوں جزائر کے زیر انتظام علاقوں میں، حکومت نے مضبوط نگرانی کے نظام کے ساتھ فلیگ شپ اسکیموں کے موثر اور نتائج پر مبنی نفاذ کو یقینی بنایا ہے تاکہ جامع ترقی، ذریعہ معاش پیدا کرنے، بنیادی ڈھانچے کی ترقی اور معیار زندگی کو بہتر بنایا جاسکے۔ ان اسکیموں کا استعمال کنکٹی وٹی، پینے کے پانی اور صفائی کی کوریج، صحت کی دیکھ بھال تک رسائی، ہاؤسنگ، ماہی گیری اور ایم ایس ایم ای کے ذریعہ معاش، خواتین کو بااختیار بنانے اور ڈجیٹل خدمات کی فراہمی کے لیے کیا جا رہا ہے۔ اس ہم آہنگی پر مبنی نقطہ نظر نے آخری میل سروس کی فراہمی کو بہتر بنایا ہے، خاص طور پر دور دراز جزیروں کے علاقوں میں روزگار کے مواقع میں اضافہ کیا ہے اور سماجی بہبود کے نتائج کو بہتر بنایا گیاہے۔

صنعت اور کاروباری سرگرمیوں کو فروغ دینے کے لیے کاروبار کرنے میں آسانی اور ڈی ریگولیشن پر خصوصی توجہ دی گئی ہے، جس سے تعمیل کے بوجھ کو نمایاں طور پر کم کیا گیا ہے، جس سے سرمایہ کاری کے اعتماد میں اوراقتصادی سرگرمی میں بھی اضافہ ہوا ہے۔ سرمایہ کاری کو فروغ دینے کی اسکیمیں سرمایہ اور سود پر سبسڈی دے کر سرمایہ کاری کی حوصلہ افزائی کے لیے بنائی گئی ہیں۔

حکومت کی ان کوششوں سے جزیرے کے زیر انتظام علاقوں میں پائیدار اقتصادی ترقی ہوئی ہے۔ حکومت ہند یو ٹی ایس کو اچھی حکمرانی اور ترقی کا رول ماڈل بنانے کی کوشش کررہی ہے۔

حکومت کی ان کوششوں سے جزیرے کے زیر انتظام علاقوں میں پائیدار اقتصادی ترقی ہوئی ہے۔ حکومت ہند ان یو ٹی ایس  کو اچھی حکمرانی اور ترقی کا رول ماڈل بنانے کی کوشش کر رہی ہے۔

یہ بات وزارت داخلہ میں وزیر مملکت جناب نتیا نند رائے نے ایوان زیریں- لوک سبھا میں ایک سوال کے تحریری جواب میں کہی۔

*****

ش ح – ظ  ا – ن ع

UR No. 2039

(ریلیز آئی ڈی: 2225899) وزیٹر کاؤنٹر : 6