سیاحتی مقامات اور سیاحتی مصنوعات کی ترقی اور فروغ، بشمول ایم آئی سی ای (میٹنگز، انسنٹیوز، کانفرنسیز اینڈ ایگزیبیشنز) سیاحت ، بنیادی طور پر متعلقہ ریاستی حکومت یا مرکز کے زیرِ انتظام علاقے (یو ٹی) کی انتظامیہ کی ذمہ داری ہے۔ تاہم، اپنی جاری سرگرمیوں کے تحت وزارتِ سیاحت مختلف ذرائع، جن میں سوشل میڈیا اور ویب سائٹس شامل ہیں، کے ذریعے بھارت کو ایک ہمہ جہت سیاحتی منزل کے طور پر، جس میں مائس سیاحت بھی شامل ہے، باقاعدگی سے فروغ دیتی ہے۔

وزارتِ سیاحت نے مائس پروموشن بیوروز کے قیام کے لیے رہنما خطوط تیار کیے ہیں، جو تمام ریاستوں اور مرکز کے زیرِ انتظام علاقوں کو شہری سطح پر مائس پروموشن بیوروز کے قیام کے مقصد سے ارسال کیے جا چکے ہیں۔

اس کے علاوہ، وزارتِ سیاحت نے ملک میں مائس صنعت کی ترقی کو فروغ دینے کے لیے مائس انڈسٹری کے لیے ایک قومی حکمتِ عملی اور روڈ میپ بھی تیار کیا ہے۔ مائس حکمتِ عملی سے متعلق اس دستاویز میں درج ذیل اہم ستون کی نشان دہی کی گئی ہے:

i. مائس (ایم آئی سی ای) کے لیے ادارہ جاتی معاونت

ii. مائس کے لیے موزوں ایکو سسٹم کی تشکیل

iii. بھارتی مائس صنعت کی مسابقتی صلاحیت میں اضافہ

iv. مائس تقریبات کے لیے کاروبار کرنے میں آسانی کو فروغ دینا

v. بھارت کو مائس سیاحتی منزل کے طور پر عالمی سطح پر فروغ دینا

vi. مائس صنعت کے لیے مہارتوں کی ترقی

وزارتِ سیاحت نے ’انکریڈیبل انڈیا‘ مہم کے تحت ’میٹ اِن انڈیا‘ کو ایک خصوصی ذیلی برانڈ کے طور پر متعارف کرایا ہے۔ اس ذیلی برانڈ کا مقصد بھارت کو ایک پرکشش مائس منزل کے طور پر اجاگر کرنا ہے، جہاں اعلیٰ درجے کی رابطہ سہولیات، جدید انفرا اسٹرکچر، علم و تحقیق کا متحرک مرکز اور منفرد سیاحتی مقامات کی فراوانی موجود ہے۔

وزارتِ سیاحت نے ایک جامع ڈیجیٹل مائس کیٹلاگ بھی تیار کیا ہے، جس میں بھارت کی صدارت کے دوران منعقد ہونے والے جی–20 اجلاسوں کی کامیاب میزبانی کرنے والے 60 سے زائد بھارتی شہروں میں دستیاب انفرا اسٹرکچر اور سہولیات کو نمایاں کیا گیا ہے۔ یہ وسائل پر مبنی کیٹلاگ عالمی اور قومی سطح کے مائس منصوبہ سازوں کو بھارت میں تقریبات کے انعقاد میں معاونت فراہم کرنے کے ساتھ ساتھ بھارتی شہروں کو عالمی منظرنامے پر اعلیٰ درجے کی سیاحتی منزلوں کے طور پر فروغ دینے کے لیے تیار کیا گیا ہے۔

یہ معلومات آج لوک سبھا میں ایک سوال کے تحریری جواب میں سیاحت و ثقافت کے مرکزی وزیر  جناب گجیندر سنگھ شیخاوت کی جانب سے فراہم کی گئیں۔

 

******

ش ح۔ م م۔ م ر

U-NO. 1973

(ریلیز آئی ڈی: 2225579) وزیٹر کاؤنٹر : 5