وزارت نے خوراک کو ڈبہ بند کرنے سے متعلق صنعتوں (پی ایل آئی ایس ایف پی آئی) کے لیےپیداوار سے منسلک ترغیبی اسکیم کے تحت منظور شدہ یونٹوں کے درمیان کوئی آپریشنل چیلنج  مشاہدہ میں نہیں آیاہے ۔

چھوٹے اور درمیانے درجے کے کاروباری اداروں کی زیادہ سے زیادہ شرکت اور نئے اور ویلیو ایڈڈ پروڈکٹ کے زمروں میں تنوع کو آسان بنانے کے لیے پی ایل آئی ایس ایف پی آئی اسکیم کے تحت مدد فراہم کی جاتی ہے ۔  پی ایل آئی ایس ایف پی آئی اسکیم کے تحت ، درخواست دہندگان کے 69 درخواست دہندگان اور 40 کنٹریکٹ مینوفیکچررزکاتعلق  بہت چھوٹی ،چھوٹی اوردرمیانے درجے کی صنعتوں (ایم ایس ایم ای) سے متعلق شعبے سے ہے ۔  مزید برآں ، خوراک کو ڈبہ بند کرنے سے متعلق صنعتوں کی وزارت (ایم او ایف پی آئی) پردھان منتری فارملائزیشن آف مائیکرو فوڈ پروسیسنگ انٹرپرائزز (پی ایم ایف ایم ای) اور پردھان منتری کسان سمپدا یوجنا (پی ایم کے ایس وائی) اسکیموں کے تحت بہت چھوٹی صنعتوں کو مدد فراہم کرتی ہے ۔

پی ایل آئی ایس ایف پی آئی اسکیم کے تحت ، مختلف قسم کی غذائی مصنوعات کی تیاری اور پروسیسنگ کے لیے متعدد پروڈکشن لائنیں قائم کرنے کے لیے اہل درخواست دہندگان کے ذریعے جدید ٹیکنالوجی کو اپنایا جاتا ہے ۔  اس اسکیم سے ملک میں سالانہ 35.00 لاکھ میٹرک ٹن فوڈ پروسیسنگ کی صلاحیت پیدا ہوئی ہے ۔  پی ایل آئی ایس ایف پی آئی کے تحت تقریبا 3.39 لاکھ براہ راست اور بالواسطہ روزگار پیدا ہوئے ہیں ۔

یہ معلومات خوراک کو ڈبہ بند کرنے سے متعلق صنعتوں کے وزیر مملکت جناب رونیت سنگھ نے آج لوک سبھا میں ایک تحریری جواب میں فراہم کیں ۔

****

 (ش ح ۔ک ح ۔ف ر)

U. No. 1938

(ریلیز آئی ڈی: 2225334) وزیٹر کاؤنٹر : 12