خوراک کو ڈبہ بند کرنے کی صنعتوں کی وزارت (ایم او ایف پی آئی) کے ذریعے نافذ کردہ اسکیموں کے تحت نیوٹراسیوٹیکلز اور فنکشنل فوڈز کی مدد کے لیے کوئی مخصوص انتظامات موجود نہیں ہیں ۔  تاہم ، خوراک کو ڈبہ بند کرنے کی صنعتوں بشمول باجرے اور دیگر مقامی سپر فوڈزیعنی مکھاناپر مبنی صنعتوں کی مجموعی ترقی کو فروغ دینے اور یقینی بنانے کے لیے، ایم او ایف پی آئی اپنی دو مرکزی سیکٹر کی اسکیموں یعنی پردھان منتری کسان سمپدا یوجنا (پی ایم کے ایس وائی) اسکیم ، خوراک کو ڈبہ بند کرنے کی صنعتوں کے لیے پیداوار سے منسلک ترغیبی اسکیم (پی ایل آئی ایس ایف پی آئی) اور ایک مرکزکی مالی معاونت سے چلائی جانے والی پردھان منتری فارملائزیشن آف مائیکرو فوڈ پروسیسنگ انٹرپرائزز (پی ایم ایف ایم ای) اسکیم کے ذریعے متعلقہ بنیادی ڈھانچے کے قیام/توسیع کےلئےترغیبات فراہم کررہی ہے ۔  یہ اسکیمیں خطے یا ریاست کے لیے مخصوص نہیں ہیں بلکہ مانگ پر مبنی ہیں ۔

پی ایل آئی ایس ایف پی آئی کا ایک جزو موٹے اناج پر مبنی مصنوعات (ایم بی پیز) پر مرکوز ہے جس کے لیے 800 کروڑ روپے مختص کیے گئے ہیں ۔  موٹے اناج پر مبنی مصنوعات کے فروغ کی اسکیم (پی ایل آئی ایس ایم بی پی) کا مقصد غذائی مصنوعات میں موٹے اناج کے استعمال کو بڑھانا اور گھریلو اور برآمدی منڈیوں میں منتخب موٹے اناج پر مبنی مصنوعات کی پیداوار اور فروخت کی حوصلہ افزائی کرکے ان کی قدر میں اضافے کو فروغ دینا ہے ۔  آج کی تاریخ میں پی ایل آئی ایس ایم بی پی کے لئے مختص کئے گئے کل 800 کروڑ روپئے میں سے ، 29 درخواست دہندگان کو مراعات فراہم کرنے کے لئے 793.27 کروڑ روپے کی منظوری دی گئی ہے جس میں 8 بڑے اور 21 چھوٹے اور درمیانے درجے کے کاروباری ادارے شامل ہیں ۔

پی ایم ایف ایم ای اسکیم کے تحت 11 ریاستوں کے 21 اضلاع میں موٹے اناج اور اس کی مصنوعات کی شناخت ایک ضلع ایک پروڈکٹ (او ڈی او پی) کے طور پر کی گئی ہے ۔  10 ریاستوں میں موٹے اناج کی پروسیسنگ لائنوں کے ساتھ 17 انکیوبیشن مراکز کو منظوری دی گئی ہے ۔  31دسمبر2025 تک ملک بھر میں خوراک کو ڈبہ بند کرنے سے متعلق 4,612  بہت چھوٹی صنعتوں کو موٹے اناج کی پروسیسنگ یونٹوں کے لئے 91.20 کروڑ روپے کی سبسڈی اورمکھانہ کی پروسینگ یونٹس کے لئے خوراک کو ڈبہ بند کرنے کی379 بہت چھوٹی صنعتوں کےلئے12.81 کروڑ روپے سبسڈی منظور کی گئی ہے۔

ملک بھر میں 2022-23 سے پی ایم کے ایس وائی ، پی ایل آئی ایس ایف پی آئی اور پی ایم ایف ایم ای کے تحت استعمال ہونے والے سال کے لحاظ سے کل اختصاص اور فنڈز ضمیمہ-1 میں دیئے گئے ہیں ۔

2022-23 سے ملک بھر میں مذکورہ تینوں اسکیموں کے تحت ایم او ایف پی آئی کے ذریعے منظور شدہ فوڈ پروسیسنگ پروجیکٹوں کی تفصیلات ضمیمہ-II میں دی گئی ہیں ۔

خوراک کو ڈبہ بند کرنے سے متعلق شعبے میں انضباطی معاملات صحت اور خاندانی بہبود کی وزارت کے تحت فوڈ سیفٹی اینڈ اسٹینڈرڈز اتھارٹی آف انڈیا (ایف ایس ایس اے آئی) کے مینڈیٹ کے تحت ہیں ۔  جیسا کہ ایف ایس ایس اے آئی نے مطلع کیا ہے، اس نے فوڈ سیفٹی اینڈ اسٹینڈرڈز (ہیلتھ سپلیمنٹس، نیوٹراسوٹیکلز، فوڈ فار اسپیشل ڈائیٹری یوز ، فوڈ فار اسپیشل میڈیکل پرپز ، فنکشنل فوڈ اینڈ نوول فوڈ) ضوابط ، 2016 کے تحت نیوٹراسوٹیکل مصنوعات کے لیے معیارات متعین کیے ہیں ۔  ان ضوابط میں قابل اجازت اجزاء ، معیارات ، وٹامنز ، معدنیات ، نباتاتی اور دیگر مادوں کی حدود ، لیبلنگ کی ضروریات اور دعووں کے فریم ورک کی وضاحت کی گئی ہے ۔

معیار بندی میں کلیدی چیلنجز ادویات کے ساتھ وٹامنز کی اوور لیپنگ ہیں ؛ مختلف ممالک میں نیوٹریسیوٹیکلز کی متنوع تعریف ۔

مزید برآں موٹے اناج اور دیگر مقامی سپر فوڈز یعنی مکھانا کی پروسیسنگ کو فروغ دینے کے لیے،ایم او ایف پی آئی اپنی تین اسکیموں کے ذریعے ، متعلقہ اسکیم کے رہنما خطوط کے مطابق ، متعلقہ صنعتوں کے قیام کے لیے ممکنہ کاروباریوں کو مالی مدد فراہم کرتی ہے ۔

پی ایم کے ایس وائی اسکیم کے تحقیق و ترقی (آر اینڈ ڈی) جزو کے تحت ، ایم او ایف پی آئی فوڈ پروسیسنگ کے شعبے میں مانگ پر مبنی تحقیق و ترقی کے کام کو فروغ دینے اور انجام دینے کے لیے سرکاری اور نجی دونوں شعبوں میں نجی تنظیموں/یونیورسٹیوں/اداروں ، سرکاری فنڈ سے چلنے والی تنظیموں اور تسلیم شدہ تحقیق و ترقی کی لیبارٹریوں کو گرانٹ ان ایڈ کے طور پر مالی مدد فراہم کرتا ہے ۔

پی ایم ایف ایم ای اسکیم کے برانڈنگ اور مارکیٹنگ جزو کے تحت ، فارمر پروڈیوسر آرگنائزیشنز/اپنی مدد آپ گروپس/کوآپریٹیوز یا خوراک کو ڈبہ بند کرنے کے ایک اسپیشل پرپز وہیکل کو کوالٹی کنٹرول ، اسٹینڈرڈائزیشن  اور صارفین کی خوردہ فروخت کے لیے غذائی تحفظ کے پیمانوں پر عمل کرنے کے التزام کے ساتھ ایک مشترکہ پیکیجنگ اور برانڈنگ تیار کرنے کے لیے مدد فراہم کی جاتی ہے ۔

ایم او ایف پی آئی کی طرف سے نافذ کردہ اسکیموں کا مقصد فارم گیٹ سے لے کر ریٹیل آؤٹ لیٹ تک موثر سپلائی چین مینجمنٹ کے ساتھ جدید انفراسٹرکچر کی تخلیق کرنا ہے جس میں ذخیرہ کاری ، نقل وحمل ،قدرمیں اضافہ وغیرہ شامل ہیں ، جس سے پیداواری صلاحیت میں اضافہ ہوتا ہے ، زرعی پیداوار کے ضیاع کو کم کیا جاتا ہے ، فصل کے بعد کے نقصانات میں کمی آتی ہے ، پیداواری صلاحیت میں اضافہ ہوتا ہے ، پروسیسنگ کی سطح میں اضافہ ہوتا ہے اور پروسیس شدہ کھانوں کی برآمد میں اضافہ ہوتا ہے ۔

ضمیمہ-I

ایم ایف پی آئی کی پی ایم کے ایس وائی اور پی ایل آئی ایس ایف پی آئی اور پی ایم ایف ایم ای اسکیموں میں مختص فنڈز اور استعمال شدہ فنڈز کی تفصیلات

(کروڑ روپے میں)

آر ای-نظر ثانی شدہ تخمینے ،اے ای-حقیقی اخراجات

 

ضمیمہ-II

سال 2022-23 سے ایم او ایف پی آئی کی پی ایم کے ایس وائی ، پی ایل آئی ایس ایف پی آئی اور پی ایم ایف ایم ای اسکیموں کے تحت منظور شدہ پروجیکٹوں کی تعداد

 

یہ معلومات خوراک کو ڈبہ بند کرنے کی صنعتوں  سے متعلق  وزیر مملکت جناب روونیت سنگھ نے آج راجیہ سبھا میں ایک تحریری جواب میں دی۔

********

 (ش ح ۔ک ح ۔ف ر)

U. No. 1925

(ریلیز آئی ڈی: 2225331) وزیٹر کاؤنٹر : 7