ਪੱਛਮੀ ਹਵਾਈ ਕਮਾਂਡ ਮੁੱਖ ਦਫਤਰਾਂ ਨੇ ਸਰਬਖੇਤਰੀ ਸੰਯੁਕਤ ਅਭਿਆਨ (ਏਡੀਜੇਓ) ਅਭਿਆਸ 2026 ਦੇ ਢਾਂਚੇ ਦੇ ਤਹਿਤ 5 ਅਤੇ 6 ਫਰਵਰੀ 2026 ਨੂੰ ਉੱਚ ਪੱਧਰੀ ਸੰਯੁਕਤ ਅਭਿਆਨ ਸਮਾਗਮ ਦਾ ਸਫਲਤਾਪੂਰਵਕ ਆਯੋਜਨ ਕੀਤਾ। ਸਮਾਗਮ ਦਾ ਮੁੱਖ ਉਦੇਸ਼ ਯੁੱਧ ਦੇ ਸੰਚਾਲਨ ਪੱਧਰ ‘ਤੇ ਅੰਤਰ-ਸੇਵਾ ਅਤੇ ਅੰਤਰ ਸੇਵਾ ਤਾਲਮੇਲ ਨੂੰ ਮਜ਼ਬੂਤ ਕਰਨਾ ਸੀ, ਤਾਂ ਜੋ ਤੇਜ਼ੀ ਨਾਲ ਗੁੰਝਲਦਾਰ ਹੁੰਦੇ ਬਹੁ-ਖੇਤਰੀ ਵਾਤਾਵਰਣ ਵਿੱਚ ਭਾਰਤੀ ਰੱਖਿਆ ਬਲਾਂ ਦੀਆਂ ਸਾਂਝੀਆਂ ਸੰਚਾਲਨ ਸਮਰੱਥਾਵਾਂ ਨੂੰ ਮਜ਼ਬੂਤ ਕੀਤਾ ਜਾ ਸਕੇ। ਵਿਚਾਰ-ਵਟਾਂਦਰੇ ਵਿੱਚ ਏਕੀਕ੍ਰਿਤ ਰੱਖਿਆ ਸਟਾਫ ਮੁੱਖ ਦਫ਼ਤਰ (ਆਈਡੀਐੱਸ), ਭਾਰਤੀ ਸੈਨਾ, ਭਾਰਤੀ ਜਲ ਸੈਨਾ, ਰੱਖਿਆ ਪੁਲਾੜ ਏਜੰਸੀ (ਡੀਐੱਸਏ) ਅਤੇ ਰੱਖਿਆ ਖੁਫੀਆ ਏਜੰਸੀ (ਡੀਆਈਏ) ਦੇ ਸੀਨੀਅਰ ਅਧਿਕਾਰੀਆਂ ਦੇ ਨਾਲ-ਨਾਲ ਭਾਰਤੀ ਹਵਾਈ ਸੈਨਾ ਦੀ ਸੀਨੀਅਰ ਲੀਡਰਸ਼ਿਪ ਨੇ ਹਿੱਸਾ ਲਿਆ।

ਪੱਛਮੀ ਹਵਾਈ ਕਮਾਂਡ ਦੇ ਸੀਨੀਅਰ ਹਵਾਈ ਸੈਨਾ ਅਧਿਕਾਰੀ, ਏਅਰ ਮਾਰਸ਼ਲ ਜੇਐੱਸ ਮਾਨ ਨੇ ਆਪਣੇ ਉਦਘਾਟਨੀ ਭਾਸ਼ਣ ਵਿੱਚ ਸਮਕਾਲੀ ਅਤੇ ਭਵਿੱਖ ਦੇ ਸੰਘਰਸ਼ਾਂ ਵਿੱਚ ਸ਼ਮੂਲੀਅਤ ਅਤੇ ਏਕੀਕ੍ਰਿਤ ਯੁੱਧ ਸਮਰੱਥਾ ਦੇ ਮਹੱਤਵ ‘ਤੇ ਜ਼ੋਰ ਦਿੱਤਾ। ਉਨ੍ਹਾਂ ਹਵਾ, ਧਰਤੀ, ਸਮੁੰਦਰ, ਪੁਲਾੜ ਅਤੇ ਸਾਈਬਰ ਖੇਤਰਾਂ ਵਿੱਚ ਨਿਰਵਿਘਨ ਏਕੀਕਰਣ ਹਾਸਲ ਕਰਨ ਵਾਲੇ ਸਰਬ ਖੇਤਰੀ ਸੰਚਾਲਨ ਦ੍ਰਿਸ਼ੀਟੋਕਣ ਦੀ ਜ਼ਰੂਰਤ ਦਾ ਜ਼ਿਕਰ ਕੀਤਾ, ਜਿਸ ਨਾਲ ਚੁਣੌਤੀਪੂਰਨ ਅਤੇ ਪ੍ਰਤੀਬੰਧਿਤ ਵਾਤਾਵਰਣ ਵਿੱਚ ਫੈਸਲਾਕੁੰਨ ਨਤੀਜੇ ਹਾਸਲ ਹੋ ਸਕਣ। ਇਸ ਦੇ ਇਲਾਵਾ, ਉਨ੍ਹਾਂ ਨੇ ਸੇਵਾਵਾਂ ਦੇ ਦਰਮਿਆਨ ਅੰਤਰ-ਸੰਚਾਲਨ ਵਧਾਉਣ, ਖੇਤਰ-ਨਿਰਪੱਖ ਫੈਸਲੇ ਲੈਣ ਦੀਆਂ ਪ੍ਰਕਿਰਿਆਵਾਂ ਨੂੰ ਉਤਸ਼ਾਹਿਤ ਕਰਨ, ਸੈਂਸਰ ਤੋਂ ਸ਼ੂਟਰ ਤੱਕ ਦੇ ਸਬੰਧਾਂ ਨੂੰ ਮਜ਼ਬੂਤ ਕਰਨ ਅਤੇ ਵਧੇਰੇ ਕੁਸ਼ਲਤਾ ਅਤੇ ਪ੍ਰਭਾਵਸ਼ੀਲਤਾ ਦੇ ਲਈ ਸੰਚਾਲਨ ਪ੍ਰਕਿਰਿਆਵਾਂ ਵਿੱਚ ਸੁਧਾਰ ਕਰਨ ‘ਤੇ ਜ਼ੋਰ ਦਿੱਤਾ।

ਏਕੀਕ੍ਰਿਤ ਰੱਖਿਆ ਸਟਾਫ ਦੇ ਪ੍ਰਮੁੱਖ ਏਅਰ ਮਾਰਸ਼ਲ ਆਸ਼ੂਤੋਸ਼ ਦੀਕਸ਼ਿਤ ਨੇ ਏਡੀਜੇਓ 2026 ਸਮਾਗਮ ਨੂੰ ਸੰਬੋਧਿਤ ਕੀਤਾ ਅਤੇ ਏਕੀਕ੍ਰਿਤ ਯੋਜਨਾ, ਖੁਫੀਆ ਜਾਣਕਾਰੀ ਸਾਂਝੀ ਕਰਨ ਅਤੇ ਸਮਰੱਥਾ ਮੁੱਢਲੀਕਰਨ ਲਈ ਸੰਯੁਕਤ ਵਿਵਸਥਾ ਨੂੰ ਸੰਸਥਾਗਤ ਰੂਪ ਦੇਣ ਦੀ ਲੋੜ 'ਤੇ ਜ਼ੋਰ ਦਿੱਤਾ। ਉਨ੍ਹਾਂ ਨੇ ਭਵਿੱਖ ਦੀ ਆਕਸਮਿਕ ਸੁਰੱਖਿਆ ਲਈ ਵਿਆਪਕ ਸੰਚਾਲਨ ਤਤਪਰਤਾ ਨੂੰ ਮਜ਼ਬੂਤ ਕਰਨ ਲਈ ਸੁਸੰਗਤ ਅੰਤਰ-ਸੇਵਾ ਪ੍ਰਤੀਕਿਰਿਆਵਾਂ ਅਤੇ ਅੰਤਰਾਲ ਦੀ ਸੰਰਚਿਤ ਪਛਾਣ ਨੂੰ ਮਜ਼ਬੂਤ ਕੀਤਾ ਹੈ। ਉਨ੍ਹਾਂ ਨੇ ਸੇਵਾਵਾਂ ਦਰਮਿਆਨ ਤਾਲਮੇਲ ਬਿਠਾਉਣ ਅਤੇ ਏਕੀਕ੍ਰਿਤ ਸੰਚਾਲਨ ਨਤੀਜੇ ਦੇਣ ਲਈ ਸਰਬ ਖੇਤਰੀ ਏਕੀਕਰਣ ਨੂੰ ਅੱਗੇ ਵਧਾਉਣ ਦੀ ਮਹੱਤਤਾ ਨੂੰ ਜ਼ੋਰ ਦਿੱਤਾ। ਏਅਰ ਮਾਰਸ਼ਲ ਆਸ਼ੂਤੋਸ਼ ਦੀਕਸ਼ਿਤ ਨੇ ਮਜਬੂਤ ਏਕੀਕ੍ਰਿਤ ਸੰਚਾਲਨ ਸਮਰੱਥਾ ਅਤੇ ਟਿਕਾਊ ਰਣਨੀਤਕ ਤਤਪਰਤਾ ਪੈਦਾ ਕਰਨ ਲਈ ਤੇਜ਼ ਸਿਧਾਂਤਕ ਵਿਕਾਸ ਅਤੇ ਤਿੰਨੋਂ ਸੈਨਾਵਾਂ ਦੇ ਸੰਸਾਧਨਾਂ ਦਾ ਸਹਿਯੋਗ ਦਾ ਸਮਰਥਨ ਕੀਤਾ।

ਸੰਮੇਲਨ ਦੇ ਸਮਾਪਨ 'ਤੇ, ਪੱਛਮੀ ਹਵਾਈ ਕਮਾਂਡ ਦੇ ਅਧਿਕਾਰੀ ਕਮਾਨ-ਇਨ-ਚੀਫ, ਏਅਰ ਮਾਰਸ਼ਲ ਜਿਤੇਂਦਰ ਮਿਸ਼ਰਾ ਨੇ ਇੱਕ ਵਿਆਪਕ ਭਾਸ਼ਣ ਦਿੱਤਾ, ਜਿਸ ਵਿੱਚ ਉਨ੍ਹਾਂ ਨੇ ਆਪ੍ਰੇਸ਼ਨ ਸਿੰਦੂਰ ਤੋਂ ਪ੍ਰਾਪਤ ਮਹੱਤਵਪੂਰਨ ਸਬਕਾਂ ਦਾ ਹਵਾਲਾ ਦਿੰਦੇ ਹੋਏ ਯੁੱਧ ਸੰਚਾਲਨ ‘ਤੇ ਉਸ ਦੇ ਦੂਰਗਾਮੀ ਪ੍ਰਭਾਵਾਂ ਦੀ ਵਿਆਖਿਆ ਕੀਤੀ। ਉਨ੍ਹਾਂ ਨੇ ਨਿਰਣਾਇਕ ਰਣਨੀਤੀ ਦਾ ਪ੍ਰਭਾਵ ਪੈਦਾ ਕਰਨ ਵਿੱਚ ਵਾਯੂ ਸ਼ਕਤੀ ਦੀ ਮਹੱਤਵਪੂਰਨ ਭੂਮਿਕਾ, ਆਕ੍ਰਾਮਕ ਹਵਾਈ ਮੁਹਿੰਮਾਂ ਦੇ ਨਾਲ ਸਤਹੀ ਜੰਗੀਭਿਆਸ ਦੇ ਤਾਲਮੇਲ ਦੀ ਸਹਿਮਤੀ ਅਤੇ ਸਟੈਂਡ-ਔਫ ਹਥਿਆਰਾਂ ਦੇ ਉਪਯੋਗ ਤੋਂ ਪ੍ਰਾਪਤ ਰਣਨੀਤਕ ਲਾਭ 'ਤੇ ਜ਼ੋਰ ਦਿੱਤਾ।

ਏਅਰ ਮਾਰਸ਼ਲ ਜਿਤੇਂਦਰ ਮਿਸ਼ਰਾ ਨੇ 1971 ਦੇ ਯੁੱਗ ਦੀ ਵਿਸ਼ੇਸ਼ਤਾ ਵਾਲੇ ਰਵਾਇਤੀ ਘਰੇਲੂ-ਅਧਾਰਿਤ ਮਾਡਲ ਅਤੇ ਪ੍ਰਭਾਵਸ਼ਾਲੀ ਸੰਚਾਲਨ ਢਾਂਚੇ ਤੋਂ ਪਰੇ ਇੱਕ ਹੋਰ ਚੁਸਤ, ਸੁਧਾਰੀ ਅਤੇ ਪੂਰਨ ਤੌਰ 'ਤੇ ਏਕੀਕ੍ਰਿਤ ਸਾਂਝੇ ਯੁੱਧ ਪ੍ਰਤੀਮਾਨ ਵੱਲ ਦ੍ਰਿੜ੍ਹ ਤਬਦੀਲੀ ਦਾ ਸਮਰਥਨ ਕੀਤਾ। ਉਨ੍ਹਾਂ ਨੇ ਮੌਜੂਦਾ ਸਮਰੱਥਾ ਅੰਤਰਾਲ ਦੀ ਪਛਾਣ ਕਰਨ ਅਤੇ ਉਸ ਪਾੜੇ ਨੂੰ ਪੂਰਾ ਕਰਨ, ਸਾਰੇ ਲੋਕਾਂ ਵਿੱਚ ਕਨਵਰਜੈਂਸ ਨੂੰ ਮਜ਼ਬੂਤ ਕਰਨ ਅਤੇ ਸਰਬ-ਖੇਤਰੀ ਯੁੱਧ ਖੇਤਰ ਵਿੱਚ ਤਾਲਮੇਲਪੂਰਨ, ਪ੍ਰਭਾਵੀ ਸੰਚਾਲਿਤ ਪ੍ਰਤੀਕਿਰਿਆਵਾਂ ਲਈ ਇੱਕ ਮਜ਼ਬੂਤ ਅਧਾਰ ਤਿਆਰ ਕਰਨ ਦੀ ਜ਼ਰੂਰਤ 'ਤੇ ਵਿਸ਼ੇਸ਼ ਧਿਆਨ ਦਿੱਤਾ ਗਿਆ।

ਸਰਬਖੇਤਰੀ ਸੰਯੁਕਤ ਅਭਿਆਨ 2026 ਇੱਕ ਮਹੱਤਵਪੂਰਨ ਉਪਲਬਧੀ ਹੈ, ਜਿਸ ਨਾਲ ਆਧੁਨਿਕ ਸੁਰੱਖਿਆ ਚੁਣੌਤੀਆਂ ਦੇ ਸੰਪੂਰਨ ਦਾਇਰੇ ਵਿੱਚ ਸਫਲਤਾ ਪ੍ਰਾਪਤ ਕਰਨ ਵਿੱਚ ਸਮਰੱਥ, ਅਸਲ ਵਿੱਚ ਅੰਤਰ-ਸੰਪੰਨਤਾਯੋਗ ਅਤੇ ਭਵਿੱਖ ਲਈ ਤਿਆਰ ਸੰਯੁਕਤ ਬਲ ਦੇ ਨਿਰਮਾਣ ਵਿੱਚ ਨਿਰਣਾਇਕ ਭੂਮਿਕਾ ਨਿਭਾਉਣ ਦੀ ਸੰਭਾਵਨਾ ਹੈ। ਇਹ ਪਹਿਲ ਰਾਸ਼ਟਰੀ ਸੁਰੱਖਿਆ ਉਦੇਸ਼ਾਂ ਦੀ ਪ੍ਰਾਪਤੀ ਲਈ ਸੰਯੁਕਤਤਾ, ਸੰਚਾਲਨ ਤਾਲਮੇਲ ਅਤੇ ਲਗਾਤਾਰ ਸੁਧਾਰ ਦੇ ਸਿਧਾਂਤ ਦੇ ਪ੍ਰਤੀ ਭਾਰਤੀ ਰੱਖਿਆ ਬਲਾਂ ਦੀ ਅਟੁੱਟ ਪ੍ਰਤੀਬੱਧਤਾ ਦੀ ਪੁਸ਼ਟੀ ਕਰਦਾ ਹੈ।

*********

ਆਈਐੱਨ/ਪੀਸੀ/ਆਰਐੱਸ/ਏਕੇ