محکمہ صحت اور خاندانی بہبود کی طرف سے فراہم کردہ معلومات کے مطابق ، ڈرگز  اینڈ کاسمیٹکس ایکٹ کی دفعات کے تحت مرکزی حکومت کی طرف سے سال کے لحاظ سے ممنوعہ ادویات کی تعداد درج ذیل ہے:

تاہم ، فکسڈ ڈوز کمبی نیشنس (ایف ڈی سی) کی پابندی کو چیلنج کرتے ہوئے ملک بھر کی مختلف ہائی کورٹس میں کئی رٹ پٹیشن دائر کی گئیں اور عدالت نے ڈسٹری بیوشن نیٹ ورک میں پہلے سے موجود ادویات کے لیے عبوری تحفظ فراہم کیا ۔

ملک میں ممنوعہ ادویات کی تیاری ، فروخت اور تقسیم ڈرگز  اینڈ کاسمیٹکس ایکٹ 1940 کے مطابق قابل سزا جرم ہے اور متعلقہ ریاستی حکومتوں کے ذریعہ مقرر کردہ ریاستی لائسنسنگ اتھارٹیز (ایس ایل اے) کو اس طرح کے جرائم کے خلاف کارروائی کرنے کا اختیار حاصل ہے ۔

جب بھی سنٹرل ڈرگز اسٹینڈرڈ کنٹرول آرگنائزیشن (سی ڈی ایس سی او) میں ممنوعہ ادویات کی فروخت سے متعلق ایسی کوئی شکایت / مسائل موصول ہوتے ہیں ، تو یہ معاملہ ضروری کارروائی کے لیے اسٹیٹ ڈرگز  کنٹرولر کے ساتھ اٹھایا جاتا ہے ۔

محکمہ صحت اور خاندانی بہبود نے مطلع کیا ہے کہ منشیات کی تیاری ، فروخت اور تقسیم کو ڈرگز  اینڈ کاسمیٹکس ایکٹ  1940 اور اس کے تحت قواعد کی دفعات کے تحت ریگولیٹ کیا جاتا ہے ۔

 ادویات کے ایکٹو اجزاء کے سلسلے میں ساخت میں کسی بھی تبدیلی کے لیے ایس ایل اے سے مینوفیکچرنگ لائسنس حاصل کرنے سے پہلے سی ڈی ایس سی او سے نئی دوا کی اجازت درکار ہوتی ہے ۔  اس طرح کی درخواستوں کا جائزہ نیو ڈرگز  اینڈ کلینیکل ٹرائلز رولز 2019 کے تحت دفعات کی بنیاد پر لیا جاتا ہے۔

مزید برآں ، ڈرگز  اینڈ کاسمیٹکس ضوابط  1945 میں جی ایس آر نمبر  828 (ای) مورخہ 6 نومبر  2019 کے ذریعے ترمیم کیاگیا ۔  جس کے تحت اگر کوئی درخواست دہندہ کسی دوا کو برانڈ نام یا تجارتی نام کے تحت مارکیٹ میں متعارف کروانے کا ارادہ رکھتا ہے، تو درخواست دہندہ کو لازمی ہے کہ وہ فارم 51 میں لائسنسنگ اتھارٹی کو یہ عہدنامہ فراہم کرے کہ اپنی بہترین معلومات کے مطابق، جو کہ ٹریڈ مارکس رجسٹری، سی ڈی ایس سی اوکے ذریعہ برانڈ یا تجارتی نام کے لیے مرکزی ڈیٹا بیس، بھارت میں دوا کی فارمولیشنز کے حوالے سے لٹریچر اور حوالہ جاتی کتابوں  اور انٹرنیٹ پر تلاش کی بنیاد پر حاصل ہوئی ہیں، ایسے یا ملتے جلتے برانڈ یا تجارتی نام کی موجودگی ملک میں کسی دوا کے لیے پہلے سے موجود نہیں ہے اور مجوزہ برانڈ یا تجارتی نام مارکیٹ میں کسی الجھن یا فریب کا سبب نہیں بنے گا۔

جیسا کہ سی ڈی ایس سی او کی منظوری کے بغیر ایکٹو اجزاء کی ساخت میں تبدیلی کے ساتھ کسی بھی دوا کی تیاری / مارکیٹنگ سے متعلق ایسی شکایات / مسائل کو متعلقہ ریاستی ڈرگ کنٹرولر کے ساتھ ادوایات ایکٹ اور ضوابط کی دفعات کے تحت ضروری کارروائی کے لیے اٹھایا جاتا ہے ۔

یہ معلومات کیمیکل اور کھادوں کے مرکزی وزیر جناب جگت پرکاش نڈا نے آج لوک سبھا میں ایک تحریری جواب میں فراہم کیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح –ع ح۔ ق ر)

U. No.1817

(ریلیز آئی ڈی: 2224541) وزیٹر کاؤنٹر : 5