ملک میں سیاحوں کی آمد مختلف عوامل پر منحصر کرتی  ہے جیسے ویزا کی سہولت ، صحت اور حفظان صحت کے معیارات ، معیاری سیاحتی بنیادی ڈھانچے اور خدمات کی دستیابی ، آسان اور ہموار رابطہ سہولیات وغیرہ کی دستیابی ۔  ہندوستان میں بین الاقوامی سیاحوں کی آمد (آئی ٹی ایز) نے پچھلے پانچ (5) سالوں میں مسلسل ترقی  ہوئی ہے اور کووڈ سے پہلے کی آمد کی سطح کو پیچھے چھوڑ دیا ہے ۔  2019 سے 2024 تک ہندوستان میں آئی ٹی ایز کی تفصیلات ذیل میں دیے گئے ہیں:

 

ماخذ: بیورو آف امیگریشن

بیرون ممالک میں ہندوستان کی سیاحت کی شبیہہ مثبت رجحان رکھتی ہے ، جسے حفاظت کو مستحکم کرنے ، رابطے اور بنیادی ڈھانچے کو بہتر بنانے اور مربوط منزل کے فروغ کو بڑھانے کے لیے حکومت کی جاری کوششوں کی حمایت حاصل ہے ۔  ان اقدامات سے ہندوستان میں ایک پرکشش سیاحتی مقام کے طور پر بین الاقوامی اعتماد کو تقویت ملتی ہے ۔

  ای ویزا غیر ملکیوں میں بہت مقبول ہو گیا ہے جو اس حقیقت سے ظاہر ہوتا ہے کہ پچھلے کچھ سالوں میں جاری کیے گئے ای ویزا کی تعداد میں تیزی سے اضافہ ہوا ہے ۔  اس وقت ای ویزا کے 14 ذیلی زمرے ہیں اور اب 175 ممالک کے شہریوں کے لیے 38 نامزد ہوائی اڈوں ، 16 نامزد بندرگاہوں اور 2 زمینی بندرگاہوں کے ذریعے داخلے کے لیے دستیاب ہے ۔

قومی سنگل ونڈو سسٹم( این ایس ڈبلیو ایس) کے پورٹلز کے قیام کے ذریعے، صنعت و داخلی تجارت کی ترقی کا محکمہ(ڈی پی آئی آئی ٹی) ، جو وزارت تجارت و صنعت کے تحت کام کرتا ہے، حکومت نے درخواست دینے کے عمل کو آسان بنانے کا انتظام کیا ہے۔

نیشنل انٹیگریٹڈ ڈیٹا بیس آف ہاسپٹیلٹی انڈسٹری (ا ین آئی ڈی ایچ آئی) ، جو وزارت سیاحت کا پورٹل ہے اور جس پر رہائش کی اکائیوں، ٹریول ایجنٹس، ٹور آپریٹرز، ٹورسٹ ٹرانسپورٹ آپریٹرز، فوڈ اینڈ بیوریج یونٹس، آن لائن ٹریول ایگریگیٹرز، کنونشن سینٹرز اور ٹورسٹ فسیلیٹیٹرز کی رجسٹریشن،منظوری درجہ بندی ہوتی ہے، کو بھی این ایس ڈبلیو ایس کے ساتھ مربوط کیا گیا ہے۔ اس اقدام سے کاروباری اور سیاحتی اداروں کے لیے درخواست دینے کا عمل اور زیادہ سہل اور شفاف ہو گیا ہے۔

 

ترقیاتی اور تشہیری سرگرمیاں ڈیجیٹل اور روایتی میڈیا کے امتزاج کے ذریعے بروئے کار لائی  جاتی ہیں، جن میں سرکاری سیاحت ویب سائٹس، سوشل میڈیا پلیٹ فارمز اور بین الاقوامی سیاحت میلوں و نمائشوں میں شرکت شامل ہے۔ انکریڈیبل انڈیا  مہم نے بھارت کے عالمی برانڈ کی موجودگی کو مضبوط کیا اور غیر ملکی سیاحوں کی آمد میں نمایاں اضافہ میں مدد کی ہے۔

موثر اور مناسب رابطہ کاری کسی سیاحتی مقام کی ترقی کے لیے ایک اہم عنصر ہے۔ وزارت سیاحت اہم سیاحتی مقامات اور ممکنہ طور پر کم معروف اورنئے مقامات کے لیے ہوائی رابطے کو بہتر بنانے کے لیے شہری ہوا بازی  کی وزارت کے ساتھ قریبی تعاون کر رہی ہے۔

سیاحوں کی حفاظت اور سلامتی  بنیادی طور پر سرکار کی ذمہ داری  ہے۔ تاہم، وزارت سیاحت نے ریاستی حکومتوں اور مرکز کے زیرانتظام علاقوں کی انتظامیہ کے ساتھ مسلسل یہ معاملہ اُٹھایا ہے تاکہ سیاحوں کی حفاظت کے لیے مخصوص ٹورزم پولیس قائم کی جا سکے اور عملی سطح پر حفاظت کے انتظامات  مزیدمضبوط ہوں۔

سیاحوں کے سفر کو  آسان اورمحفوظ بنانے کے لیے وزارت سیاحت نے x7 24کے لئے ایک کثیر لسانی ٹورسٹ ہیلپ لائن قائم کی ہے، جو ٹیلفون فری نمبر 1800111363 یا شارٹ کوڈ 1363 پر دستیاب ہے۔ یہ ہیلپ لائن 12 زبانوں میں خدمات فراہم کرتی ہے، جن میں 10 بین الاقوامی زبانیں بھی شامل ہیں۔

یہ ہیلپ لائن گھریلو اور غیر ملکی سیاحوں کو بھارت میں سفر کے بارے میں معلومات فراہم کرتی ہے اور سفر کے دوران مشکلات کا سامنا کرنے والے سیاحوں کو مناسب رہنمائی فراہم کرتی ہے۔

یہ معلومات سیاحت و ثقافت کے مرکزی وزیر جناب گجندر سنگھ شیکھاوت نے آج راجیہ سبھا میں تحریری جواب میں فراہم کی ہیں۔

********

(ش ح ۔م م ع ۔رض)

1789U. No.

 

(ریلیز آئی ڈی: 2224317) وزیٹر کاؤنٹر : 2