ماہی گیری، مویشی پروری و ڈیری اور پنچایتی راج کے معزز وزیر مملکت، پروفیسر ایس پی سنگھ بگھیل نے آج ملک بھر میں ”مویشی پروری اور مویشیوں کی بہبود کے آگاہی ماہ“ (14 جنوری تا 13 فروری 2026) کے موقع پر ایک ورچوئل آگاہی کیمپ کی صدارت کی۔ اس موقع پر جناب نریش پال گنگوار، سکریٹری، محکمہ مویشی پروری و ڈیری (ڈی اے ایچ ڈی)، محترمہ ورشا جوشی، ایڈیشنل سکریٹری، ڈی اے ایچ ڈی، جناب رام شنکر سنہا، ایڈیشنل سکریٹری، ڈی اے ایچ ڈی، ڈاکٹر نویِنا بی مہیشورپا، کمشنر مویشی پروری کے ساتھ محکمے کے دیگر افسران بھی اجلاس میں شریک ہوئے۔ 28 ریاستوں/ مرکز زیر انتظام علاقوں سے 1.25 لاکھ سے زائد مویشی پالن کسانوں نے 2,500 کامن سروس سینٹر (سی ایس سی) کے ذریعے ورچوئل طور پر اس پروگرام میں شرکت کی۔

 

 

اجتماع سے خطاب کرتے ہوئے، پروفیسر ایس پی سنگھ بگھیل نے ملک کی معیشت کو مضبوط بنانے میں مویشیوں کو پانے والے کسانوں کے اہم کردار کی تعریف کی۔ انہوں نے اس بات پر روشنی ڈالی کہ مویشیوں کی پرورش اور دودھ کی صنعت کے شعبے محترم وزیر اعظم کے ”وکست بھارت“ کے وژن کو حاصل کرنے میں کلیدی طور پر محرک ہیں۔ بھارت کی عالمی دودھ کی پیداوار میں سرفہرست حیثیت کو مویشیوں کے کسانوں کی لگن والی کوششوں کا نتیجہ قرار دیتے ہوئے، انہوں نے کہا کہ ملک دنیا کی کل دودھ کی پیداوار کا 25 فیصد حصہ فراہم کرتا ہے۔ پروفیسر بگھیل نے مختلف سرکاری اقدامات کی بھی تعریف کی، جن میں ملک گیر ویکسینیشن پروگرام، راشٹریہ گوکل مشن، اور سیکس سورٹڈ سیمن (ایس ایس ایس) کے استعمال کو شامل کیا گیا ہے، جنہوں نے مویشیوں کی پیداواریت کو نمایاں طور پر بڑھاوا دیا ہے۔ انہوں نے مویشیوں کے بیمے کی اہمیت کو مزید اجاگر کیا اور جانوروں کی صحت اور شعبے کی پائیدار ترقی کو یقینی بنانے کے لیے بروقت ویکسینیشن کی ضرورت پر زور دیا۔

 

 

 

جناب نریش پال گنگ وار، سکریٹری، ڈی اے ایچ ڈی، نے زوونوٹک امراض — جو جانوروں سے انسانوں تک منتقل ہو سکتے ہیں — پر تفصیل سے روشنی ڈالی اور مویشیوں کی صحت مندی کو یقینی بنانے اور عوامی صحت کی حفاظت کے لیے بنیادی سطح پر مؤثر بیماری کنٹرول اقدامات کی ضرورت پر زور دیا۔ انہوں نے بڑھتے ہوئے اینٹی مائیکروبیل ریزسٹنس (اے ایم آر) کے تناظر میں ایتھنو ویٹرنری میڈیسن کو اہمیت دینے کی ضرورت پر بھی روشنی ڈالی جو پائیدار اور ذمے دار جانوروں کی صحت کی دیکھ بھال کو فروغ دینے میں ان کی اہمیت کو واضح کرتا ہے۔

اس آگاہی پروگرام میں ماہرین کی قیادت میں ہونے والے اجلاس شامل تھے جن میں چراگاہی، ایتھنو ویٹرنری میڈیسن، بایو سیکیورٹی، ویکسینیشن، جانوروں کی فلاح و بہبود اور جانوروں سے متعلق قوانین پر تبادلہ خیال کیا گیا، اس کے علاوہ مویشیوں کے کسانوں کے لیے چراگاہی اور ویکسینیشن پر ویڈیوز کی نمائش بھی کی گئی۔ معزز وزیر مملکت نے بھی اس آگاہی پروگرام میں موجود مویشیوں کے کسانوں سے براہ راست بات چیت کی، جنہوں نے اپنی شکایات کا اظہار کیا اور سرکاری اسکیموں اور پروگراموں کے بارے میں وضاحتیں طلب کیں۔

 

 

اس ورچوئل آگاہی پروگرام میں جانوروں کی فلاح و بہبود کے قوانین، بہتر صحت اور پیداواریت کے لیے مویشیوں کی پرورش کے بہتر طریقوں اور دیہی ترقی میں مویشیوں کے کسانوں کے اہم کردار جیسے کلیدی موضوعات پر علم کے اشتراک کے لیے ایک پلیٹ فارم فراہم کیا گیا۔ یہ اقدام ڈی اے ایچ ڈی کی جاری کوششوں کا حصہ ہے جو ڈیجیٹل پلیٹ فارموں کا استعمال کرتے ہوئے مویشیوں اور دودھ کی صنعت میں بیداری بڑھانے اور ملک بھر کے کسانوں سے براہ راست رابطے کے ذریعے اس شعبے کو فروغ دینے کا کام انجام دے رہا ہے۔

*********

ش ح۔ ف ش ع

                                                                                                                                       U: 1772

(ریلیز آئی ڈی: 2224080) وزیٹر کاؤنٹر : 8