آل انڈیا انسٹی ٹیوٹ آف آیوروید (اے آئی آئی اے)، نئی دہلی نے، سنٹر فار انٹیگریٹیو آنکولوجی (سی آئی او) کے زیر اہتمام بیداری پر مبنی اور تعلیمی سرگرمیوں کی ایک سیریز کے ساتھ عالمی یوم کینسر - 2026 منایا، جو آیوروید کے ذریعے کینسر کی روک تھام، جلد پتہ لگانے اور مربوط نگہداشت کے لیے انسٹی ٹیوٹ کے عزم کو تقویت دیتا ہے۔

سرگرمیاں 3 فروری 2026 کو طالب علم پر مبنی سرگرمیوں کے ساتھ شروع ہوئیں، جن میں سلوگن  اور مضمون نویسی کا مقابلہ شامل ہے، جس کا مقصد تخلیقی مشغولیت کو فروغ دینا اور نوجوانوں، پرجوش ذہنوں کو کینسر سے متعلق آگاہی، روک تھام اور مجموعی صحت کی دیکھ بھال کی اہمیت کو سمجھنے کے لیے بیدار کرنا  تھا۔

 کلیدی پروگرام  4 فروری 2026 کو منعقد ہوئی اور اس میں نامور ماہرین تعلیم، معالجین، محققین اور طلباء نے شرکت کی۔

صبح کا سیشن - مریض کی حساسیت اور بیداری کی سرگرمیاں

افتتاحی تقریب میں درج ذیل معزز معالجین  نے شرکت کی:

• پروفیسر (ڈاکٹر) پردیپ کمار پرجاپتی، ڈائریکٹر، اے آئی آئی اے، نئی دہلی
• پروفیسر (ڈاکٹر) یوگیش بدوے، میڈیکل سپرنٹنڈنٹ،اے آئی آئی اے ہسپتال
• پروفیسر (ڈاکٹر) منجوشا راج گوپالا، ڈین، اے یو ایم، دہلی یونیورسٹی
• پروفیسر (ڈاکٹر) رماکانت یادو، ڈین (پی جی)
• ڈاکٹر پرمود یادو
• ڈاکٹر امریش  ڈیڈگے
• ڈاکٹر میتا جھالا

 معالجین  نے بڑھتے ہوئے کینسر کے بوجھ اور روک تھام، معاون دیکھ بھال اور بقا کے لیے آیوروید پر مبنی انٹیگریٹیو آنکولوجی کی اہمیت پر زور دیا۔

اس کے بعد ہسپتال کے او پی ڈی احاطے میں مریضوں سے متعلق آگاہی لیکچرز کا انعقاد کیا گیا، جہاں اے آئی آئی اے کے فیکلٹی ممبران، پی ایچ ڈیز اور پوسٹ گریجویٹ اسکالرز نے مریضوں اور حاضرین کو کینسر کی ابتدائی انتباہی علامات، طرز زندگی کے خطرے کے عوامل اور کینسر کی روک تھام اور معاون دیکھ بھال میں آیوروید کے کردار کے بارے میں آگاہ کیا۔

 

دوپہر کا سیشن - ماہر گیسٹ لیکچر

حاضرین کا خیرمقدم کرتے ہوئے (پروفیسر) یوگیش بدوے، میڈیکل سپرنٹنڈنٹ،اے آئی آئی اے ہسپتال، پروفیسر (ڈاکٹر) منجوشا راج گوپالا، ڈین، ایف اے یو ایم ، دہلی یونیورسٹی اور پروفیسر (ڈاکٹر) رماکانت یادو، ڈین (پی جی ) نے خطاب کیا۔

ڈاکٹر امریش ڈیڈگے نے 2025 میں سی آئی او کی سرگرمیوں کے بارے میں ایک جامع رپورٹ پیش کی جس میں مربوط کینسر کی دیکھ بھال، تحقیق، بیداری کے پروگراموں اور مریضوں کی دیکھ بھال میں مرکز کے اقدامات پر روشنی ڈالی۔

اس کے بعد معززین نے سی آئی او انفارمیشن بروشر جاری کیا، جو اے آئی آئی اے میں دستیاب آیوروید پر مبنی انٹیگریٹیو آنکولوجی خدمات کے بارے میں معلومات پھیلانے کا ایک اہم قدم ہے۔ ڈاکٹر اشوک پٹیل، ایسوسی ایٹ پروفیسر، کسوما اسکول آف بایولوجیکل سائنسز، انڈین انسٹی ٹیوٹ آف ٹیکنالوجی (آئی آئی ٹی) دہلی، نے ایک گیسٹ لیکچر دیا، جس میں کینسر کی مالیکیولر تفہیم، کینسر کی تحقیق میں جینومکس کے بنیادی اصول اور تحقیق اور صحت کی دیکھ بھال میں آنکولوجی کے لیے بین الضابطہ نقطہ نظر کے دائرہ کار کے بارے میں قیمتی  معلومات فراہم کیں۔

ڈاکٹر پٹیل کو  اس شعبہ میں ان کی  خدمات  کیلئے باضابطہ طور پر اعزاز سے نوازا گیا اور تمام رابطہ کاروں اور آرگنائزنگ کمیٹی کے اراکین کو بھی  نوازا گیا۔

سلوگن اور مضمون نویسی کے مقابلوں کے فاتحین کو ان کی تخلیقی اور فکری  تعاون  اور کینسر سے متعلق آگاہی کے موجودہ موضوع میں شراکت کے لیے انعامات سے نوازا گیا۔

پروفیسر (ڈاکٹر) پردیپ کمار پرجاپتی، ڈائریکٹر، اے آئی آئی اے  نے اپنے صدارتی خطاب میں کینسر کی روک تھام، طرز زندگی میں تبدیلی، قوت مدافعت بڑھانے اور مریضوں کی مربوط دیکھ بھال میں آیوروید کے اہم کردار پر زور دیا، اور ثبوت پر مبنی انٹیگریٹیو آنکولوجی کو آگے بڑھانے کے لیے اے آئی آئی اے کے عزائم کا اعادہ کیا۔

تقریب کا اختتام ڈاکٹر پرمود یادو کے شکریہ کے ساتھ ہوا، جنہوں نے کینسر کے عالمی دن کی تقریبات کو بامعنی طریقے سے کامیاب بنانے کے لیے تمام معالجین ، مقررین، فیکلٹی ممبران، طلباء اور شرکاء کا شکریہ ادا کیا۔

*****

ش ح – ظ  ا -  ن م

UR No. 1674

(ریلیز آئی ڈی: 2223533) وزیٹر کاؤنٹر : 7