இன்று நடைபெற்ற வருடாந்திர அடல் புதுமை இன்குபேட்டர் மாநாட்டில் உரையாற்றிய மத்திய அறிவியல் மற்றும் தொழில்நுட்பம் மற்றும் புவி அறிவியல் துறை இணையமைச்சரும் (தனிப்பொறுப்பு), பிரதமர் அலுவலகம், அணுசக்தித் துறை, விண்வெளித் துறை, பணியாளர் நலன், பொதுமக்கள் குறைதீர்ப்பு மற்றும் ஓய்வூதியத் துறை இணையமைச்சருமான டாக்டர் ஜிதேந்திர சிங், "அடல் புதுமை திட்டத்தை" மத்திய அரசின் புதுமை சார்ந்த வளர்ச்சி மற்றும் அளவிடக்கூடிய புத்தொழில் நிறுவனங்களுடன் இணைத்தார். இந்த சூழலில், 2026 பட்ஜெட், எளிதாக வர்த்தகம் செய்வதில் கவனம் செலுத்தியிருப்பதாகவும் அவர் குறிப்பிட்டார்.

 

புதுதில்லியில் உள்ள டாக்டர் அம்பேத்கர் சர்வதேச மையத்தில் நடைபெற்ற வருடாந்திர அடல் புதுமை இயக்க இன்குபேட்டர் மாநாட்டில் டாக்டர் ஜிதேந்திர சிங் சிறப்புரையாற்றினார். இந்த மாநாடு, நாடு முழுவதும் உள்ள 150க்கும் மேற்பட்ட அடல் இன்குபேஷன் மையங்கள் மற்றும் அடல் சமூக புதுமை மையங்களை ஒன்றிணைத்து, இந்தியாவின் புதுமை மற்றும் பயிற்சி சூழலை வலுப்படுத்துவது குறித்து ஆலோசிக்க, கொள்கை வகுப்பாளர்கள், தொழில்துறை தலைவர்கள், வழிகாட்டிகள் மற்றும் சுற்றுச்சூழல் அமைப்பின் பங்குதாரர்களை ஒன்றிணைத்த, அடல் புதுமை இயக்கத்தின் முதன்மையான வருடாந்திர தளமாகும்.

 

நிகழ்ச்சியில் பேசிய அமைச்சர் டாக்டர் ஜிதேந்திர சிங், 2026–27 ஆம் ஆண்டுக்கான மத்திய பட்ஜெட், இந்தியாவின் புத்தொழில் மற்றும் தொழில்முனைவு சூழலியலுக்கு வலுவான உந்துதலை வழங்குகிறது என்றும், பாதுகாத்தல், புதுமை மற்றும் பெண்கள் தலைமையிலான பொருளாதார பங்கேற்புக்கு சிறப்பு முக்கியத்துவம் அளிக்கிறது என்றும் கூறினார்.

 

லட்சாதிபதி சகோதரிகள் மற்றும் சுய உதவிக் குழுக்களிலிருந்து சுய உதவி தொழில்முனைவோர் வரையிலான பரிணாமம் உட்பட, புத்தொழில் நிறுவனங்கள், காப்பீட்டு நிறுவனங்கள் மற்றும் பெண்களை மையமாகக் கொண்ட பொருளாதார முயற்சிகளின் ஒருங்கிணைப்பு, இந்தியாவின் புதுமை சார்ந்த வளர்ச்சியின் பயணத்தில் பெண்கள் முக்கியப் பங்கு வகிக்கக்கூடிய  உள்ளடக்கிய தொழில்முனைவுக்கான அரசின் உறுதிப்பாட்டை பிரதிபலிக்கிறது என்று அமைச்சர் கூறினார்.

 

தொடக்க அமர்வில் நிதி ஆயோக்கின் துணைத் தலைவர் திரு சுமன் பெரி, இந்திய அரசின் முதன்மை அறிவியல் ஆலோசகர் பேராசிரியர் அஜய் சூட், நிதி ஆயோக்கின் தலைமை நிர்வாக அதிகாரி திரு பி. வி. ஆர். சுப்பிரமணியம், உயிரி தொழில்நுட்பத் துறைச்  செயலாளர் டாக்டர் ராஜேஷ் எஸ். கோகலே, ஐநா வளர்ச்சித் திட்டத்தின் இந்திய பிரதிநிதி திருமதி ஏஞ்சலா லூசிகி மற்றும் அடல் புதுமை இயக்கத்தின் இயக்குநர் திரு தீபக் பாக்லா உள்ளிட்டோர் கலந்து கொண்டனர்.

 

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்:

 

https://www.pib.gov.in/PressReleasePage.aspx?PRID=2222747&reg=3&lang=1

(Release ID: 2222747)

****

TV/BR/SH

(வெளியீட்டு அடையாள எண்: 2222897) வருகையாளர் எண்ணிக்கை : 10