চৰকাৰে অৰুণাচল প্ৰদেশ, হিমাচল প্ৰদেশ, ছিকিম, উত্তৰাখণ্ড আৰু লাডাখৰ কেন্দ্ৰীয় শাসিত অঞ্চলৰ ১৯খন জিলাৰ উত্তৰ সীমান্তৰ সংলগ্ন ৪৬টা ব্লকত নিৰ্বাচিত গাঁওসমূহৰ সৰ্বাংগীন উন্নয়নৰ বাবে ১৫ ফেব্ৰুৱাৰী, ২০২৩ তাৰিখে কেন্দ্ৰীয় পৃষ্ঠপোষকতা গ্ৰহণ কৰা আঁচনি হিচাপে ভাইব্ৰেণ্ট ভিলেজ কাৰ্যসূচী-I (ভিভিপি-I)ত অনুমোদন জনাইছে। প্ৰথম অৱস্থাত ভিভিপি-Iৰ অধীনত অগ্ৰাধিকাৰৰ ভিত্তিত সৰ্বাংগীন উন্নয়নৰ বাবে ৬৬২খন গাঁও চিনাক্ত কৰা হৈছে।

কাৰ্যসূচীটোক আৰু আগুৱাই লৈ গৈ চৰকাৰে উত্তৰ সীমান্তৰ বাহিৰেও, ইতিমধ্যে ভিভিপি-আইৰ অধীনত সামৰি লোৱা ১৫খন ৰাজ্য আৰু ২খন কেন্দ্ৰীয় শাসিত অঞ্চলৰ আন্তঃৰাষ্ট্ৰীয় স্থল সীমান্ত সংলগ্ন ব্লকত অৱস্থিত চিনাক্তকৰণ কৰা  গাঁওসমূহৰ ব্যাপক উন্নয়নৰ বাবে ২০২৫ চনৰ ২ এপ্ৰিলত কেন্দ্ৰীয় খণ্ডৰ আঁচনি হিচাপে  ভাইব্ৰেণ্ট ভিলেজ কাৰ্যসূচী-II (ভিভিপি-II)ত অনুমোদন জনাইছে। ভিভিপি-IIৰ অধীনত ১৯৫৪খন গাঁৱক ব্যাপক উন্নয়নৰ বাবে চিনাক্ত কৰা হৈছে।

ভাইব্ৰেণ্ট ভিলেজছ কাৰ্যসূচী-I (ভিভিপি-I) আৰু কেন্দ্ৰীয় মন্ত্ৰালয়/বিভাগৰ  অধীনত ৩৪৩১.০০ কোটি  টকা ব্যয়ৰে ২৫৫৮টা প্ৰকল্প/কাৰ্য্য ৰূপায়ণত  কেন্দ্ৰীয় গৃহ দপ্তৰে  অনুমোদন জনাইছে।

 

ৰাজ্য/কেন্দ্ৰীয় শাসিত অঞ্চল অনুসৰি এই বিষয়ক বিৱৰণসমূহ তলত দিয়া ধৰণৰ:

 

ক্ৰমিক নং	ৰাজ্য/কেন্দ্ৰীয় শাসিত অঞ্চলৰ নাম	ভিভিপি-I ৰ অধীনত আৰু কেন্দ্ৰীয় মন্ত্ৰালয়/বিভাগৰ দ্বাৰা অভিসৰণৰ অধীনত কেন্দ্ৰীয় গৃহ দপ্তৰৰ দ্বাৰা অনুমোদিত কাম/প্ৰকল্পৰ সংখ্যা	অনুমোদিত খৰচ (কোটি টকাত)
১.	অৰুণাচল প্ৰদেশ	২০৮২	২৭৪৯.৭৪
২.	হিমাচল প্ৰদেশ	১৩৩	১২৬.০১
৩.	লাডাখ (কেন্দ্ৰীয় শাসিত অঞ্চল)	৮৮	৯৫.৭৬
৪.	ছিকিম	৬৩	১৮৮.৯
৫.	উত্তৰাখণ্ড	২০০	২৭০.৫৮

ইয়াৰ উপৰি  ভিভিপি-আইৰ অধীনত,ৰাজ্য/কেন্দ্ৰীয় শাসিত অঞ্চলৰ প্ৰতিবেদন অনুসৰি সজাগতা অভিযান, সেৱা প্ৰদান শিবিৰ, প্ৰশিক্ষণ আৰু সামৰ্থ্য বিকাশৰ কাৰ্য্যকলাপ, স্বাস্থ্য আৰু পশু চিকিৎসা শিবিৰ, মেলা আৰু উৎসৱ আৰু পৰ্যটন কাৰ্য্যকলাপৰ প্ৰচাৰকে ধৰি ৮৫০০ৰো অধিক কাৰ্য্যসূচী গ্ৰহণ কৰা হৈছে। ৰাজ্য/কেন্দ্ৰীয় শাসিত অঞ্চল অনুসৰি গ্ৰহণ কৰা কাৰ্য্যসূচীৰ বিৱৰণ তলত দিয়া ধৰণৰ:

ক্ৰমিক নং	ৰাজ্য/কেন্দ্ৰীয় শাসিত অঞ্চলৰ নাম	২৫ জানুৱাৰী, ২০২৬ লৈকে গ্ৰহণ কৰা মুঠ কাৰ্য্যসূচীৰ সংখ্যা
১.	অৰুণাচল প্ৰদেশ	২৯৬৬
২	হিমাচল প্ৰদেশ	১০১৬
৩.	লাডাখ (কেন্দ্ৰীয় শাসিত অঞ্চল)	২২২১
৪.	ছিকিম	৫৩০
৫.	উত্তৰাখণ্ড	১৮৩৬

এইক্ষেত্ৰত কোনো ধৰণৰ প্ৰভাৱৰ মূল্যায়ন কৰা হোৱা নাই। অৱশ্যে অৰুণাচল প্ৰদেশৰ ৰাজ্য চৰকাৰে সীমান্তৱৰ্তী জিলা কুৰুং কুমে, দিবাং উপত্যকা আৰু শ্বি-য়োমিৰ গাঁৱলৈ ঘূৰি অহা লোকৰ বিষয়ে অৱগত কৰিছে।

লোকসভাত এক প্ৰশ্নৰ লিখিত উত্তৰত এই কথা প্ৰকাশ কৰে  গৃহ মন্ত্ৰালয়ৰ ৰাজ্যিক মন্ত্ৰী শ্ৰীযুত নিত্যানন্দ ৰায়ে ।

****

RK/RR/PR/PS/DM

(ৰিলিজ আই ডি : 2222890) অতিথি কক্ষ : 6