انڈیا اے آئی امپیکٹ ایکسپو 2026 کے لیے رجسٹریشن جاری ہے، جو انڈیا اے آئی امپیکٹ سمٹ 2026 کے تحت ایک ممتاز پلیٹ فارم ہے، جہاں اے آئی کے پروٹائپ کو قابلِ عمل حقیقی حل میں تبدیل کرنے پر توجہ دی جائے گی۔

اہل شرکاء — اسٹارٹ اپس، ادارے، تحقیقی تنظیمیں اور اے آئی سے وابستہ ادارے — سرکاری ویب سائٹ https://www.impactexpo.indiaai.gov.in/exhibit-with-usکے ذریعے رجسٹریشن کر سکتے ہیں۔ تنظیم کی جانب سے “Exhibit with Us” ایکسپریشن آف انٹرسٹ فارم جمع کرانے کے بعد درخواستوں کا جائزہ لیا جائے گا اور ای میل کے ذریعے تصدیق کی جائے گی۔ بعد ازاں اداروں کو بوتھ کی تفصیلات، اخراجات اور موضوعاتی پویلینز میں الاٹمنٹ سے آگاہ کیا جائے گا۔

ایکسپو کی میزبانی انڈیا اے آئی مشن، وزارتِ الیکٹرانکس و انفارمیشن ٹیکنالوجی (ایم ای آئی ٹی وائی) کے تحت کرے گا، جہاں ایسی اختراعات پیش کی جائیں گی جو سماجی اور معاشی قدر پیدا کریں اور بھارت کو عالمی سطح پر اے آئی تعاون کے مرکز کے طور پر نمایاں کریں۔

یہ تقریب 16 سے 20 فروری 2026 تک نئی دہلی کے بھارت منڈپم میں منعقد ہوگی، جو 70,000 سے زائد مربع میٹر رقبے اور 10 ہالز پر مشتمل ہوگی۔ اس میں 400 سے زائد نمائش کنندگان شامل ہوں گے، جن میں اسٹارٹ اپس، کارپوریٹس، تعلیمی ادارے، تحقیقی مراکز، مرکزی وزارتیں و تنظیمیں، اور 19 سے زائد ریاستوں اور 10 سے زائد ممالک کے پویلین شامل ہوں گے، جبکہ 1,50,000 سے زائد شرکاء کی شرکت متوقع ہے۔

ایکسپو کو سات چکرا سے متاثر موضوعاتی پویلینز میں تقسیم کیا گیا ہے، جن میں 40 سے زائد اے آئی شعبوں کا احاطہ کیا جائے گا۔ اس میں صحت، موسمیاتی تبدیلی، زراعت، تعلیم، حکمرانی، لچک، اور افرادی قوت کی مہارت جیسے شعبوں میں قابلِ عمل اے آئی حل پر زور دیا جائے گا۔

چکرا تھیم پر مبنی سات پویلینز میں شامل ہیں:

• معاشی ترقی اور سماجی بھلائی کے لیے اے آئی
• انسانی سرمائے کی ترقی اور مہارت سازی
• شمولیت، زبانیں اور رسائی
• محفوظ اور قابلِ اعتماد اے آئی
• لچک، جدت اور کارکردگی
• سائنسی تحقیق اور عالمی تعاون
• اے آئی وسائل تک مساوی رسائی اور جمہوری استعمال

ایکسپو کی نمایاں جھلکیوں میں شامل ہیں:

• مصنوعات کے عملی مظاہرے اور بی ٹو بی ملاقاتیں
• نیٹ ورکنگ زونز اور مخصوص لاؤنجز، جو باہمی تعاون کو فروغ دیں گے
• اے آئی ماہرین کی جانب سے ماسٹرکلاسز اور معلوماتی سیشنز
• بنیادی ڈھانچے، ڈیجیٹل گورننس، ایل ایل ایمز، انٹرپرائز اے آئی، سماجی اثرات وغیرہ جیسے شعبوں پر مبنی سیکٹرل پویلینز
• آٹھ نئے مقامی اے آئی فاؤنڈیشن ماڈلز کی رونمائی

مزید معلومات یا میڈیا سے متعلق سوالات کے لیے:رابطہ کریں: انڈیا اے آئی امپیکٹ ایکسپو ٹیم۔

 

************

ش ح ۔   ف ا ۔  م  ص

(U :1530  )

(ریلیز آئی ڈی: 2222796) وزیٹر کاؤنٹر : 5