وکست بھارت گارنٹی برائے روزگار اور اجیویکامشن (گرامین) وی بی-جی آر اے ایم جی ایکٹ، 2025 کے شیڈول اوّل کے پیرا 3 کے مطابق، بنیادی مقاصد اور کلیدی دفعات ذیل میں درج ہیں:

i. ۔اس ایکٹ کا بنیادی مقصد ایسے دیہی گھرانوں کو ہر مالی سال میں ایک سو پچیس دن کی بہتر قانونی اجرت پر مبنی روزگار کی ضمانت فراہم کرنا ہے، جن کے بالغ ارکان رضاکارانہ طور پر غیر ہنر مند دستی محنت انجام دیتے ہیں۔ اس کے ذریعے دیہی ترقی کے فریم ورک کو وکست بھارت @2047 کے قومی وژن کے ساتھ ہم آہنگ کیا جاتا ہے، تاکہ یہ گھرانے وسیع تر ذریعۂ معاش کے تحفظ کے نظام میں زیادہ مؤثر طور پر شریک ہو سکیں۔

ii. ۔وکست بھارت نیشنل رورل انفراسٹرکچر اسٹیک کی تشکیل کے تناظر میں عوامی کاموں کے ذریعے بااختیار بنانے، ترقی، ہم آہنگی اور سیچوریشن پر توجہ مرکوز کرنا، جس میں پانی سے متعلق کاموں، بنیادی دیہی انفراسٹرکچر، ذریعۂ معاش سے وابستہ بنیادی ڈھانچے اور انتہائی موسمی واقعات کے اثرات میں کمی کے لیے مخصوص اقدامات کے ذریعے پانی کے تحفظ کو موضوعاتی اہمیت دی گئی ہے۔

iii. ۔زرعی مصروف ترین (چوٹی کے) موسموں کے دوران زرعی مزدوروں کی مناسب دستیابی کو سہل بنانا، اور دیہی افرادی قوت کے لیے اجرت پر مبنی روزگار کی ضمانت کو یقینی بنانا۔

iv. ۔وکست گرام پنچایت منصوبوں کے ذریعے کنورجنس، سیچوریشن پر مبنی منصوبہ بندی اور پوری حکومت کے نقطۂ نظر سے خدمات کی فراہمی کو ادارہ جاتی شکل دینا، جو پی ایم گتی شکتی کے ساتھ مربوط ہو۔ اس کا مقصد گرام پنچایتوں کی متنوع ضروریات کو پورا کرنا ہے، جو جیو اسپیشل نظام، ڈیجیٹل پبلک انفراسٹرکچر، اور ضلع و ریاستی منصوبہ بندی کے طریقہ کار سے رہنمائی حاصل کرتے ہیں، اور جنہیں بلاک، ضلع، ریاست اور قومی سطح پر یکجا کیا جاتا ہے۔

v. ۔حکمرانی، جوابدہی اور شہریوں کی شمولیت کو جدید بنانے کے لیے ایک جامع ڈیجیٹل ماحولیاتی نظام اپنانا، جس میں مختلف سطحوں پر بایومیٹرک تصدیق، گلوبل پوزیشننگ سسٹم (جی پی ایس) یا موبائل پر مبنی ورک سائٹ نگرانی، ریئل ٹائم مینجمنٹ انفارمیشن سسٹم ڈیش بورڈز، فعال عوامی انکشافات، اور منصوبہ بندی، آڈٹ اور دھوکہ دہی کے خطرات میں کمی کے لیے مصنوعی ذہانت کا استعمال شامل ہے۔

ایکٹ میں حصہ دار وکست گرام پنچایت منصوبوں کے ذریعے کاموں کی شناخت اور ترجیح دینے کا التزام شامل ہے، جو بلاک، ضلع، ریاست اور قومی سطح پر یکجا کیے گئے ہیں۔
ان کاموں کی اقسام چار موضوعاتی شعبوں کے تحت آتی ہیں: (i) پانی کی حفاظت کے لیے پانی سے متعلق کام؛ (ii) بنیادی دیہی بنیادی ڈھانچہ؛ (iii) روزی روٹی سے متعلق بنیادی ڈھانچہ؛ اور (iv) انتہائی موسمی واقعات اور آفات کی تیاری کو کم کرنے کے لیے مخصوص کام۔

یہ قانون دیہی گھرانوں کو ہر مالی سال میں کم از کم ایک سو پچیس دن کے اجرت پر مبنی روزگار کی ضمانت دیتا ہے۔

ایکٹ کے سیکشن 22 کے ذیلی سیکشن (4) کے مطابق، مرکزی حکومت ہر ریاست کے لیے ریاست کے لحاظ سے معیاری مختص کا تعین معروضی پیرامیٹرز کی بنیاد پر کرے گی، جو مرکزی حکومت کے ذریعے مقرر کیے جا سکتے ہیں۔

سیکشن 22 کے مطابق، ایکٹ کے تحت نافذ اسکیم ایک مرکزی اسپانسرڈ اسکیم ہوگی۔ شمال مشرقی ریاستوں، ہمالیائی ریاستوں اور مرکز کے زیر انتظام علاقوں (اتراکھنڈ، ہماچل پردیش اور جموں و کشمیر) کے لیے مرکزی حکومت اور ریاستی حکومت کے درمیان فنڈ شیئرنگ کا تناسب 90:10 ہوگا، جبکہ دیگر تمام ریاستوں اور مرکز کے زیر انتظام علاقوں کے لیے یہ تناسب 60:40 ہوگا۔

ایکٹ کے شیڈول I کے پیرا  3 کے مطابق، انتہائی واقعات اور آفات کی تیاری کو کم کرنے کے لیے مخصوص کام بنیادی موضوعاتی شعبوں میں شامل ہیں، جن میں آفات کے خطرے میں کمی، آب و ہوا کی موافقت، اور دیہی برادریوں و ان کے اثاثوں کا تحفظ شامل ہے، جیسے سیلاب، طوفان، خشک سالی، لینڈ سلائیڈنگ، جنگل کی آگ اور دیگر انتہائی موسمی واقعات۔
یہ کام ملک کے دیہی علاقوں، بشمول قبائلی اکثریتی اضلاع جیسے پالگھر میں بھی انجام دیے جائیں گے۔

یہ معلومات دیہی ترقی کے وزیر مملکت جناب کملیش پاسوان نے آج لوک سبھا میں تحریری جواب میں فراہم کیں۔

 

***

UR-1536

(ش ح۔اس ک  )

 

(ریلیز آئی ڈی: 2222780) وزیٹر کاؤنٹر : 8