நிலையான பொருளாதார அடிப்படைகள், நிலையான கொள்கை ஆதரவு, பரந்த அடிப்படையிலான துறை செயல்திறன் ஆகியவற்றால் ஆதரிக்கப்படும் வலுவான பொருளாதார உந்துதலுடன் இந்தியா நிதியாண்டு 26-ல் நுழைகிறது. சவாலான உலகச் சூழல் இருந்தபோதும், வலுவான வளர்ச்சி, வரலாற்று ரீதியாக குறைந்த பணவீக்கம், தொழிலாளர் சந்தை குறியீடுகளை மேம்படுத்துதல் ஆகியவற்றுடன் பொருளாதாரம் மீள்தன்மையுடன் உள்ளது. ஒருங்கிணைந்த நிதி, நாணய மற்றும் கட்டமைப்புக் கொள்கைகள், முதலீடு, நுகர்வு மற்றும் உள்ளடக்கத்தை ஆதரிக்கும் அதே வேளையில், பெரிய பொருளாதார நிலைத்தன்மையை வலுப்படுத்தியுள்ளன.

இந்தியாவின் வளர்ச்சிக் கண்ணோட்டம் வலுவாக உள்ளது. முதலாவது முன்கூட்டிய மதிப்பீடுகளின்படி, நிதியாண்டு 2026-ல் உண்மையான மொத்த உள்நாட்டு உற்பத்தி 7.4% ஆகவும் மொத்த மதிப்புக் கூடுதல் 7.3%  ஆகவும் வளரும் என்று கணிக்கப்பட்டுள்ளது.

வலுவான விவசாய செயல்திறன் கிராமப்புற வருவாய் மற்றும் நுகர்வை உயர்த்தியுள்ளது, அதே நேரத்தில் வரி சீர்திருத்த நடவடிக்கைகளால் ஆதரிக்கப்படும் நகர்ப்புற தேவையில் ஏற்படும் முன்னேற்றங்கள் நுகர்வு அடித்தளத்தின் விரிவாக்கத்தைக் குறிக்கின்றன. இந்தியாவின் நீடித்த வளர்ச்சி சுமார் 7% என மதிப்பிடப்பட்டுள்ளது. நிதி ஆண்டு 27-க்கான உண்மையான மொத்த உள்நாட்டு உற்பத்தி வளர்ச்சி 6.8-7.2% என்ற அளவில் இருக்கும் என்று கணிக்கப்பட்டுள்ளது. இது சவாலான உலகச்  சூழலுக்கு இடையே நீடித்த நடுத்தர வளர்ச்சித் திறனைப் பிரதிபலிக்கிறது.

நுகர்வோர் விலைக் குறியீட்டு எண் தொடரின் தொடக்கத்திலிருந்து இந்தியா மிகக் குறைந்த பணவீக்க விகிதத்தையே பதிவு செய்துள்ளது. ஏப்ரல்-டிசம்பர் 2025 சராசரி மொத்தப் பணவீக்கம் 1.7% ஆக இருந்தது. இதற்கு உணவு மற்றும் எரிபொருள் விலைகளில் பொதுவான பணவீக்கக் குறைவுப் போக்கு காரணமாகும்.

2026 நிதியாண்டில் தொழில்துறை செயல்பாடு வேகம் பெறும் என்றும்,  6.2% வளர்ச்சியடையும் என்றும்  எதிர்பார்க்கப்படுகிறது, இது 2025 நிதியாண்டில் 5.9% ஆக இருந்தது. இந்தத் துறை 2026 நிதியாண்டின் முதல் பாதியில் 7.0% வளர்ச்சியைப் பதிவு செய்தது. இது 2025 நிதியாண்டின் முதல் பாதியில்  இருந்த 6.1% வளர்ச்சியையும், கொரோனாவுக்கு முன்பிருந்த 5.2% என்ற போக்கையும் தாண்டியது.

இந்தியாவின் தொழிலாளர் சந்தை பொருளாதார விரிவாக்கத்துடன் தொடர்ந்து மீள்தன்மையை வெளிப்படுத்துகிறது. 2026-ம் நிதியாண்டின் இரண்டாம் காலாண்டில் (ஜூலை முதல் செப்டம்பர் வரை), மொத்த வேலைவாய்ப்பு 56.2 கோடி நபர்களாக (15 வயது மற்றும் அதற்கு மேற்பட்டவர்கள்) இருந்தது. இது 2026-ம் நிதியாண்டின் முதல் காலாண்டுடன் (ஏப்ரல் முதல் ஜூன் வரை) ஒப்பிடும்போது சுமார் 8.7 லட்சம் புதிய வேலை உருவாக்கத்தைக் காட்டுகிறது.

இந்தியாவின் மொத்த ஏற்றுமதி நிதி ஆண்டு 25-ல் 825.3 பில்லியன் அமெரிக்க டாலராகவும், நிதி ஆண்டு 26-ன் முதல் பாதியில் 418.5 பில்லியன் அமெரிக்க டாலராகவும் சாதனை அளவை எட்டியது.

**

(Release ID: 2220800)

TV/SMB/SH