مواصلات اور دیہی ترقی کے وزیر مملکت ڈاکٹر پیماسانی چندرا سیکھر نے آج راجیہ سبھا میں ایک غیر ستارہ شدہ سوال کے تحریری جواب میں کہا کہ بھارت نیٹ  کو مرحلہ وار نافذ کیا جا رہا ہے تاکہ تمام گرام پنچایتوں (جی پیز ) کو براڈ بینڈ کنیکٹیویٹی فراہم کی جا سکے۔ بھارت نیٹ کے فیز I اور فیز II کے تحت کل 2,22,341 گرام پنچایتوں کو شامل کیا گیا ہے، جن میں سے 2,14,904 گرام پنچایتیں سروس کے لیے تیار ہیں، جس میں اتر پردیش کی 46,746 گرام پنچایتیں شامل ہیں۔ مزید برآں، حکومت نے 04 اگست 2023 کو ترمیم شدہ بھارت نیٹ پروگرام کو منظوری دی ہے، جس کے تحت ملک کی تقریباً 2.64 لاکھ گرام پنچایتوں اور تقریباً 3.8 لاکھ غیر گرام پنچایت دیہاتوں کو درخواست پر آپٹیکل فائبر کنیکٹیویٹی فراہم کی جائے گی، جس میں اتر پردیش کی تمام گرام پنچایتیں اور 44,530 غیر گرام پنچایت دیہات شامل ہیں۔

ملک کے 39,799 دیہی اور دور دراز کے غیر احاطہ شدہ دیہاتوں میں 4 جی موبائل کنیکٹیویٹی فراہم کرنے کی منصوبہ بندی کی گئی ہے، جس میں اتر پردیش کے 1,359 دیہات شامل ہیں، یہ سب ڈیجیٹل بھارت نِدھی (ڈی بی این) کے ذریعے کیا جائے گا۔ 31 دسمبر 2025 تک، منصوبہ بند دیہاتوں میں سے 33,044 دیہات کا احاطہ کیا جا چکا ہے، جن میں اتر پردیش کے 1,199 دیہات شامل ہیں۔

ترمیم شدہ بھارت نیٹ پروگرام (اے بی پی) میں نیٹ ورک کے ڈھانچے کو اپ گریڈ کرنے اور نیٹ ورک کی بھروسہ مندی  کو بہتر بنانے کے لیے ایک نظر ثانی شدہ نفاذ ماڈل تیار کیا گیا ہے، جس کی خصوصیات درج ذیل ہیں:

1. رنگ آرکیٹیکچر  میں  بھارت نیٹ کے نیٹ ورک کی تخلیق اور اپ گریڈیشن
2. پورے نیٹ ورک کی آپریشنز اور مینٹیننس سروس لیول ایگریمنٹ (ایس ایل اے) کی بنیاد پر

• iii. ہر پیکج میں نیٹ ورک کی تعمیر اور او اینڈ ایم کے لیے ایک واحد پروجیکٹ امپلی مینٹیشن ایجنسی (پی آئی اے)
• iv. مخصوص نیٹ ورک آپریشن سینٹر

5. ریموٹ فائبر مانیٹرنگ سسٹم

حکومت نے ڈیجیٹل انڈیا پروگرام شروع کیا ہے جس کا مقصد بھارت کو ایک ڈیجیٹل طور پر بااختیار معاشرہ اور علم پر مبنی معیشت میں تبدیل کرنا ہے، جس کے لیے ڈیجیٹل رسائی، ڈیجیٹل شمولیت، ڈیجیٹل بااختیاری اور ڈیجیٹل تقسیم کو ختم کرنا یقینی بنایا جائے گا۔ تفصیلات ڈیجیٹل انڈیا کی ویب سائٹ (https://www.digitalindia.gov.in)  پر دستیاب ہیں ۔   ڈیجیٹل انڈیا پروگرام کے تحت پردھان منتری گرام ڈیجیٹل ساکشرتا ابھیان (پی ایم جی ڈی آئی ایس ایچ اے) جیسی اسکیمیں شروع کی گئی ہیں تاکہ ڈیجیٹل خواندگی حاصل کی جا سکے، جس کے نتیجے میں ملک بھر میں 6.39 کروڑ افراد کو تربیت دی گئی ہے۔ مختلف ڈیجیٹل خواندگی کے کورسز نیشنل انسٹی ٹیوٹ آف الیکٹرانکس اینڈ انفارمیشن ٹیکنالوجی (این آئی ای ایل آئی ٹی) کے ذریعے بھی فراہم کیے جا رہے ہیں۔

ٹیلی کام – سائبر سیکورٹی انسڈینٹ رسپانس ٹیم (ٹی – سی ایس آئی آر ٹی) ٹیلی کام کمیونیکیشن کے نظام کے لیے شعبہ جاتی انسڈینٹ رسپانس اور سائبر سیکورٹی کوآرڈینیشن کا کام انجام دیتی ہے۔ اس کا بنیادی مقصد ٹیلی کام نیٹ ورکس، ٹیلی کام سروس پرووائیڈرز (ٹی ایس پیز) ، آئی ایس پیز اور متعلقہ اہم ٹیلی کام انفراسٹرکچر پر اثر انداز ہونے والے سائبر انسڈینٹس اور کمزوریوں کا بروقت پتہ لگانا، تجزیہ کرنا، ہم آہنگی پیدا کرنا اور ان کا سدباب کرنا ہے۔

ڈیولپمنٹ مانیٹرنگ اینڈ ایویلیوایشن آفس (ڈی ایم ای او) ، جو نیتی آیوگ کا منسلک دفتر ہے، آؤٹ پٹ-آؤٹ کم مانیٹرنگ فریم ورک  (او او ایم ایف) کو برقرار رکھتا ہے، جس میں ڈیجیٹل کنیکٹیویٹی پروگرامز بشمول ڈیجیٹل بھارت نِدھی (ڈی بی این )کے فنڈ شدہ پروجیکٹس کے لیے اشاریے شامل ہیں۔ تفصیلات ڈی ایم ای او کی ویب سائٹ (https://dmeo.gov.in/output-outcome-framework?ministry=55&tid_1=223) پر دستیاب ہیں ۔

*******

ش ح ۔ ش ت۔ م الف

U. No.1304

(ریلیز آئی ڈی: 2220871) وزیٹر کاؤنٹر : 24