مواصلات اور دیہی ترقی کے وزیر مملکت ڈاکٹر پیماسانی چندر شیکھر نے آج راجیہ سبھا میں ایک غیر ستارہ  والےسوال کے تحریری جواب میں کہا کہ دیہی ڈیجیٹل شمولیت کو فروغ دینے کے لیے، بشمول براڈ بینڈ اور موبائل کنیکٹیویٹی کی توسیع، آخری میل تک انٹرنیٹ تک رسائی، خدمات کی سستی، اور ڈیجیٹل خواندگی کے پروگراموں کو حکومت نے دیہی علاقوں میں ایک بڑا قدم اٹھایا ہے۔ کچھ منصوبے پہلے ہی مکمل ہو چکے ہیں اور بہت سے زیر تکمیل ہیں۔ حکومت کی طرف سے مالی اعانت فراہم کرنے والے بڑے منصوبوں اور اقدامات کی تفصیلات درج ذیل ہیں:

1. بھارت نیٹ منصوبہ مرحلہ وار نافذ کیا جا رہا ہے تاکہ ملک کے تمام گرام پنچایتوں (جی پی ایس) اور دیہاتوں کو براڈبینڈ کنیکٹیویٹی فراہم کی جا سکے۔ اس کے علاوہ حکومت کی جانب سے4اگست 2023 کو منظور شدہ ترمیم شدہ بھارت نیٹ پروگرام  موجودہ بھارت نیٹ فیز-I اور فیز-II کے نیٹ ورک کی اپ گریڈیشن، باقی گرام پنچایتوں میں نیٹ ورک کی تخلیق، اور غیر جی پی دیہاتوں کو ان کے متعلقہ پی جی سے درخواست پر کنیکٹیویٹی فراہم کرنے کے لیے نافذ کیا جا رہا ہے۔ اس کے علاوہ، 4جی سیچوریشن اور دیگر موبائل منصوبے دور دراز اور مشکل علاقوں کے غیر کوریج دیہاتوں میں موبائل سروسز فراہم کرنے کے لیے  روبہ عمل ہیں۔ بھارت نیٹ منصوبے کے تحت کنیکٹ ہونے والے گرام پنچایتوں کی ریاست/مرکز کے زیر انتظام علاقوں کے لحاظ سے تفصیلات ڈی بی این ویب سائٹ  (https://usof.gov.in/en/home) پر دستیاب ہیں۔
2. چنئی اور اندمان و نکوبار جزائر کے درمیان (2312 کلومیٹر) اور مین لینڈ (کوچی) اور لکشدیپ جزائر کے درمیان (1869 کلومیٹر) سب میرین آپٹیکل فائبر کیبل منصوبوں کی تکمیل کی گئی ہے۔
3. وزیرِ اعظم گرامین ڈیجیٹل اسکلز مہم (پی ایم جی ڈی آئی ایس ایچ اے) وزارتِ الیکٹرانکس و آئی ٹی  کی نگرانی میں ریاستوں/مرکز کے زیر انتظام علاقوں کے ساتھ فعال تعاون کے تحت دیہی علاقوں میں ڈیجیٹل خواندگی کو فروغ دینے کے لیے نافذ کی گئی ہے۔

حکومت نے مارچ 2023 میں بھارت 6جی وژن دستاویز جاری کی جس کے مقاصد یہ ہیں کہ 6جی نیٹ ورک ٹیکنالوجیز کو ڈیزائن، تیار اور نافذ کیا جائے جو دنیا بھر میں اعلیٰ معیار کی زندگی کے تجربے کے لیے ہر جگہ ذہین اور محفوظ کنیکٹیویٹی فراہم کریں، اور 2030 تک بھارت کو 6جی ٹیکنالوجی میں عالمی رہنما کے طور پر ممتاز مقام دلایا جا سکے۔

حکومت نے سائبر خطرات اور متعلقہ جرائم سے نمٹنے کے لیے ایک قومی سطح پر مربوط اور ہم آہنگ نظام قائم کیا ہے اور ٹیلی کمیونیکیشنز ایکٹ 2023، انفارمیشن ٹیکنالوجی ایکٹ 2000، ڈیجیٹل پرسنل ڈیٹا پروٹیکشن (ڈی پی ڈی پی) ایکٹ 2023، اور بھارتیہ نیاۓ سنہتا 2023 میں شہریوں کے تحفظ کے لیے مناسب قانونی اور تکنیکی اقدامات کیے ہیں، جن میں ڈیٹا لیک رپورٹنگ، ڈیٹا کی حفاظت، جرمانے، سزائیں وغیرہ کو لازمی قرار دیا گیا ہے۔

****

ش ح۔ ع و۔ اش ق

U.NO. 1305

(ریلیز آئی ڈی: 2220866) وزیٹر کاؤنٹر : 6