انڈیا انرجی ویک 2026 کے افتتاحی دن ایک اعلیٰ سطحی قیادتی پینل میں عالمی توانائی کے رہنما جمع ہوئے تاکہ قدرتی گیس اور ایل این جی کے بڑھتے ہوئے کردار کا جائزہ لیا جا سکے، جو توانائی کی لچک کو مضبوط بنانے، اقتصادی ترقی کی حمایت کرنے اور جغرافیائی سیاسی غیر یقینی صورتحال کے باوجود ایک عملی اور جامع توانائی کی تبدیلی کو ممکن بنانے میں مددگار ثابت ہو رہا ہے۔

اس پینل کا عنوان تھا: ’’قدرتی گیس اور توانائی کی تبدیلی: عملی پُل سے اہم ایندھن کی جانب‘‘۔ اس میں انڈین آئل کارپوریشن لمیٹڈ کے چیئرمین جناب اروندر سنگھ سہنی، گیل (انڈیا) لمیٹڈ کے چیئرمین و مینیجنگ ڈائریکٹر جناب سندیپ کمار گپتا،  ایڈنوک گیس کی سی ای او محترمہ فاطمہ النعیمی اور ایکسلریٹ انرجی  کے صدر و سی ای او جناب اسٹیون کوبوس شامل تھے۔

پینلسٹوں نے اس بات پر زور دیا کہ قدرتی گیس اور ایل این جی جدید توانائی کے نظاموں میں طویل مدتی اور بنیادی جزو کے طور پر ابھرتے جا رہے ہیں۔ عالمی سطح پر گیس کی طلب 2050 تک 30–35 فیصد بڑھنے کی توقع ہے اور پینل نے کاربن کے اخراج کو کم کرنے اور گرڈ کا استحکام برقرار رکھنے کے لیے کوئلہ سے گیس کی تبدیلی کو سب سے عملی اور فوری راستہ قرار دیا۔

بھارت کے نقطہ نظر سے مقررین نے ملک کے تیزی سے بڑھتے ہوئے گیس ماحولیاتی نظام پر روشنی ڈالی، جو بڑھتی ہوئی ملکی پیداوار، متنوع ایل این جی درآمدات اور پائپ لائنز، ٹرمینلز اور شہری گیس تقسیم میں جاری سرمایہ کاری سے مدد حاصل کر رہا ہے۔ پینل نے کہا کہ قدرتی گیس کھاد، ٹرانسپورٹ ایندھن اور شہری توانائی تک رسائی میں اہم کردار ادا کرے گی۔

گفتگو میں اس بات کی تصدیق ہوئی کہ توانائی کی تبدیلی کو اچانک متبادل کے طور پر نہیں بلکہ توانائی میں اضافہ کے طور پر اپنانا چاہیے، جیسا کہ دن کے آغاز میں مرکزی وزیر برائے پیٹرولیم و قدرتی گیس نے بیان کیا تھا۔ بہتر طریقے سے آلودگی کم کرنے والی گیس پر مبنی بجلی کی پیداوار، جو کارکردگی میں بہتری، میتھین کے اخراج میں کمی اور ابھرتی ہوئی کاربن مینجمنٹ ٹیکنالوجیز سے سہارا پاتی ہے، متبادل توانائی کے نظاموں کے لیے لچک، اعتماد اور فوری دستیابی فراہم کرنے کے لیے ضروری ہے۔

پینلسٹوں نے اس بات پر اتفاق کیا کہ ایندھن کی مناسب قیمت اس کے وسیع پیمانے پر اپنانے میں رکاوٹ ہے۔ انہوں نے زور دیا کہ قدرتی گیس اور ایل این جی نہ صرف کوئلہ کو تبدیل کرنے کے لیے بلکہ قابل تجدید توانائی اور دیگر متبادل ایندھن کے ساتھ بھی مسابقتی بنانے کی ضرورت ہے۔

پینل نے کہا کہ پالیسی کے استحکام، معاون قواعد و ضوابط، طویل مدتی مالی وسائل تک رسائی، بنیادی ڈھانچے کی کم لاگت اور شفاف عالمی گیس مارکیٹ قدرتی گیس کے فوری اپنانے کے لیے کلیدی ہیں۔ اس کے ساتھ ہی عالمی سطح پر پیداوار کے ممکنہ خلاء کو دور کرنے کے لیے اوپر کی جانب سرمایہ کاری کی تجدید کی اہمیت پر بھی زور دیا گیا۔

پینلسٹوں نے مزید کہا کہ ایل این جی کی درآمدی صلاحیت، ریگیسفیکیشن انفراسٹرکچر، بشمول فلوٹنگ اسٹوریج اور ریگیسفیکیشن یونٹس (ای ایس آر یوز)، پائپ لائنز اور آخری میل کنیکٹوٹی کو بڑھانا ضروری ہے تاکہ عالمی سطح پر بڑھتی ہوئی سپلائی قابل رسائی اور مناسب قیمت پر توانائی میں تبدیل ہو سکے۔

انڈیا انرجی ویک کے بارے میں

انڈیا انرجی ویک ملک کا نمایاں عالمی توانائی پلیٹ فارم ہے، جو حکومتی رہنماؤں، صنعتی قائدین اور موجدین کو ایک ساتھ لاتا ہے تاکہ محفوظ، پائیدار اور سستی توانائی کے مستقبل کی جانب تیز رفتاری سے پیش رفت کی جا سکے۔ ایک غیر جانبدار بین الاقوامی فورم کے طور پر انڈیا انرجی ویک سرمایہ کاری، پالیسی ہم آہنگی اور تکنیکی تعاون کو فروغ دیتا ہے، جو عالمی توانائی کے منظرنامے کو تشکیل دینے میں مددگار ہے۔

******

ش ح۔ ش ا ر۔ ول

Uno- 1162

(रिलीज़ आईडी: 2219356) आगंतुक पटल : 8