ہندوستان کے کلاسیکی طبی ورثے کے تحفظ اور  اسے آگے بڑھانے کی سمت میں ایک اہم اقدام  کے طورپر آیورویدک سائنسز میں ریسرچ کی مرکزی کونسل (سی سی آر اے ایس)،حکومت ہند کی وزارت آیوش نے سینٹرل سنسکرت یونیورسٹی (سی ایس یو)، نئی دہلی کے ساتھ مل کر آیورویدپر ایک 15 روزہ ‘ٹرانسلٹریشن کیپیسیٹی بلڈنگ ورکشاپ’ کا  کیرالہ کے تھریسور میں واقع  کیمپس نے 12 سے 25 جنوری 2026 تک کامیاب انعقاد کیا۔

دو ہفتے کے اس  پروگرام نے 33 اسکالرز کو اکٹھا کیا، جن میں 18 آیوروید اور 15 سنسکرت سے تھے، جنہوں نے مخطوطات کے مطالعہ کے لیے ایک بین الضابطہ نقطہ نظر کو فروغ دیا۔سی سی آر اے ایس اور سی ایس یو کے درمیان مفاہمت کی یادداشت کے تحت منعقد کی گئی یہ ورکشاپ کلاسیکی آیورویدک مخطوطات کو دستاویزی بنانے، ڈجیٹائز کرنے اور تحقیق پر مبنی استعمال کے لیے سی سی آر اے ایس کے قومی پہل کا حصہ تھی۔ دو ہفتے کے اس  پروگرام نے 33 اسکالرز کو اکٹھا کیا، جن میں 18 آیوروید اور 15 سنسکرت سے تھے، جنہوں  نے مخطوطات کے مطالعہ کے لیے ایک بین الضابطہ نقطہ نظر کو فروغ دیا۔

تربیتی پروگرام میں کلیدی شعبوں جیسا کہ مینو اسکرپٹولوجی، پالیوگرافی، تکنیکی آیورویدک اصطلاحات اور رسم الخط کی واقفیت کا احاطہ کیا گیا، جس میں گرنتھ اور وٹے زوتھو اسکرپٹ پر خصوصی  رسم الخط  پر سیشن شامل تھے۔ گرنتھ، قرون وسطی کے ملیالم، اور وٹے زوتھو میں نقل حرفی کی تربیت پر ایک مضبوط زور دیا گیا، جس سے شرکاء کو کھجور کے پتوں کے اصل مخطوطات پر براہ راست کام کرنے اور مختصر وقت میں قابل تصدیق علمی نتائج پیدا کرنے کے قابل بنایا گیا۔

ورکشاپ کے ایک بڑے علمی نتیجہ کے طور پر پانچ نایاب اور پہلے غیر مطبوعہ آیورویدک نسخے کامیابی کے ساتھ نقل کیے گئے اور اب جدید تحقیق کے لیے دستیاب ہیں۔ ان میں دھن ونتھری (ویدیہ) چنتامنی شامل ہیں، جو 146 کھجور کے پتے کے صفحات پر مشتمل ہے اور گرنتھ سے سنسکرت میں ترجمہ کیا گیا ہے۔ ڈراویہ شدھی، 110 صفحات پر مشتمل گرنتھ مخطوطہ  جسے سنسکرت میں نقل کیا گیا ہے۔ ویدیم 59 صفحات پر مشتمل قرون وسطی کے ملیالم مخطوطہ ملیالم میں نقل کیا گیا؛ روگا نرنیہ- حصہ اول، 75 صفحات پر مشتمل ہے جو قرون وسطی کے ملیالم سے ملیالم میں نقل کیا گیا ہے۔ اوروودھا روگن گال 78 کھجور کے پتوں کا مخطوطہ وٹے زوتھو میں ملیالم اور سنسکرت دونوں میں نقل کیا گیا ہے۔

ورکشاپ کی اختتامی تقریب سے خطاب کرتے ہوئے پروفیسر ویدیہ  ربی نرائن اچاریہ، ڈائرکٹر جنرل، سی سی آر اے ایس نے کہا کہ یہ ورکشاپ سی سی آر اے ایس کے آیوروید مخطوطہ تحقیقی اقدام کے تحت  سینٹرل  سنسکرت یونیورسٹی کے ساتھ دوسرا اشتراکی پروگرام تھا۔ انہوں نے نوٹ کیا کہ اوڈیشہ کے سی ایس یو، پوری کیمپس میں منعقد کی گئی اس طرح کی پہلی ورکشاپ کے دوران 14 آیورویدک نسخے نقل کیے گئے، جو اس قومی کوشش کے تسلسل اور توسیع کی عکاسی کرتے ہیں۔

پروفیسر کے کے شائن، سی ایس یو گروویور کیمپس کے ڈائریکٹر، پروفیسر کے وشواناتھن کے ساتھ سی سی آر اے ایس کے ساتھ مستقبل میں تعاون کے لیے یونیورسٹی کے عزائم کا اعادہ کیا، خاص طور پر ملیالم آیورویدک مخطوطات کے منظم تحفظ، علمی پروسیسنگ اور احیاء کے لیے جو کہ ہندوستان کے طبی خطے کا ایک اہم جزو ہے۔

پروگرام کو سی ایس یو کے پروفیسر کے وشوناتھن اور سی سی آر اے ایس کے ڈاکٹر پاروتی جی نائر نے مربوط کیا۔ اختتامی سیشن میں سی سی آر اے ایس – نیشنل آیوروید ریسرچ انسٹی ٹیوٹ فار پنچ کرما (این اے آر آئی پی) کے انچارج ڈاکٹر وی سی دیپ کے ساتھ سینئرافسران، ماہرین تعلیم اور موضوع کے ماہرین نے شرکت کی۔

ورکشاپ کو اس کے مربوط نقطہ نظر کے لیے سراہا گیا، اور ایک محدود وقت کے اندر ٹھوس تحقیقی نتائج فراہم کرنے کے لیے جس میں آیوروید اور سنسکرت کے اسکالرز شامل تھے۔ سی سی آر اے ایس نے کہا کہ اس طرح کے اقدامات سے ثبوت پر مبنی آیوروید کو تقویت ملے گی، علاقائی طبی روایات کا تحفظ ہوگا اور ہندوستان کے کلاسیکی طبی علم کے طویل مدتی تحفظ میں مدد ملے گی۔

 

*****

ش ح – ظ  ا- ج

UR No. 1127

(रिलीज़ आईडी: 2219163) आगंतुक पटल : 11